މިހާރު ރާއްޖޭގައި ފެތުރެމުންދާ އިންފުލުއެންޒާ ރޯގާއާ ގުޅޭގޮތުން، އާންމުންނަށް އެންމެ ފަހުގެ މައުލޫމާތު ފޯރުކޮށްދިނުމަށް ސަން އިން ގެނެސްދޭ ހާއްސަ ކަވަރޭޖް.
ހަލުވިކަމާއެކު ރާއްޖޭގައި ފެތުރެމުންދާ ސްވައިން ފުލޫ ރޯގާއާ ގުޅިގެން ހެލްތް ޕްރޮޓެކްޝަން އެޖެންސީން ނެރުނު އެލާޓް ލެވެލް ތިނެގެ ހާލަތެއް މިހާރު ނެތް ކަމަށާއ، މިހާރު އުޅެނީ އާންމު ރޯގާ ކަމަށް ހެލްތް ޕްރޮޓެކްޝަން އެޖެންސީން ބުނެފި.
އާދިއްތަ ދުވަހުން ފެށިގެން ކުދިން ސުކޫލަށް ފޮނުވުން އެންމެ ރަނގަޅު ކަމަށް އެޗްޕީއޭއިން ބުނި.
ކުޑަކުދިންނަށް އިންފުލުއެންޒާ ފުލޫ ވެކްސިން ޖަހައިދިނުމުގެ ހިދުމަތް އައިޖީއެމްއެޗް އިން ފަށައިފި އެވެ.
މީގެ ކުރިން އައިޖީއެމްއެޗް އިން އެވެކްސިން ޖަހައިދެމުން ދިޔައީ ހަމަ އެކަނި މާބަނޑު މީހުނަށެވެ. ނަމަވެސް މިހާރު އުމުރުން ހަ މަހާއި 35 މަހާ ދޭތެރޭގެ ކުޑަކުދިންނަށް ދަނީ އެހޮސްޕިޓަލުން ވެކްސިން ދެމުންނެވެ.
އައިޖީއެމްއެޗްއިން ކުޑަކުދިންނަށް ވެކްސިން ޖަހައިދެނީ ބަންދު ނޫން ކޮންމެ ދުވަހެއްގެ 2:00 އިން 4:00 އަށެވެ.
ބޭސް އެތެރެ ކުރުމުގެ ހުއްދަ ދޫކޮށްފައިވާ ހުރިހާ ފަރާތްތަކަށް ވެސް އިންފްލުއެންޒާ ވެކްސިން އެތެރެ ކުރެވޭ ގޮތަށް ހެލްތު މިނިސްޓްރީން މިއަދު ފުރުސަތު ހުޅުވާލައިފި އެވެ.
އެ މިނިސްޓްރީން މިއަދު ނެރުނު އިއުލާނެއްގައި ބުނެފައި ވަނީ މިވަގުތު ރާއްޖޭގައި މެދުވެރިވެފައިވާ ހާއްސަ ހާލަތަށް ރިޢާޔަތްކޮށް "ރެސްޓްރިކްޓެޑް ފޮ ނޭޝަނަލް ޕްރޮގްރާމްސް"ގެ ގޮތުގައި އެޕްރޫވްޑް ޑްރަގް ލިސްޓްގައި ގިންތިކުރެވިފައިވާ އިންފްލުއެންޒާ ވެކްސިން (P369) "ކޮންޓްރޯލްޑް ޕްރިސްކްރިޕްޝަން އޮންލީ މެޑިސިން" (ކޮންޓްރޯލްޑް ޕީ އޯ އެމް) އަށް ބަދަލުކޮށްފައިވާ ކަމަށެވެ.
އެހެން ކަމުން ބޭސް އިމްޕޯޓް ކުރުމުގެ ހުއްދަ އޮތް ފަރާތްތަކަށް، އެ ވެކްސިން އިމްޕޯޓް ކުރުމުގެ ފުރުސަތު ވަނީ ހުޅުވާލެވިފައިވާ ކަމަށާއި، ނަމަވެސް ވެކްސިން އިމްޕޯޓް ކުރުމުގެ ކުރިން، ޤަވާއިދާ އެއްގޮތަށް، މޯލްޑިވްސް ފުޑް އެންޑް ޑްރަގް އޮތޯރިޓީން ހުއްދަ ނަގަން ޖެހޭނެ ކަމަށް އެ އިއުލާނުގައިވެ އެވެ.
އުމްރާގެ އަޅުކަން އަދާކުރުމަށް ފަހު ރާއްޖެ އަށް އެނބުރި އަންނަ މީހުން، ރޯގާ އަދި ވައިރަލް ހުމަށް ހާއްސަ ސަމާލުކަމެއް ދިނުމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.
ސްވައިން ފުލޫ ޖެހިގެން އިތުރު މީހަކު ނިޔާވެއްޖެ އެވެ. އައިޖީއެމްއެޗުން މިއަދު ބުނީ ރ. އުނގޫފާރުން ގެނައި 80 އަހަރުގެ ފިރިހެނަކު މިދިޔަ ބުރާސްފަތި ދުވަހުގެ ރޭ ނިޔާވެފައިވާ ކަމަށެވެ. އެ ހޮސްޕިޓަލުން ބުނީ އެމީހާއަކީ ކަށީގައި ރެނދުލުމުގެ މައްސަލައެއްގައި ފަރުވާ ހޯދަމުން ދިޔަ މީހެއް ކަމަށާއި ސްވައިިން ފުލޫ އަށް ޕޮޒިޓިވްވިކަން އެނގުނީ ކުރިން ހެދި ޓެސްޓްތަކުގެ ނަތީޖާ އިއްޔެ ލިބުމުން ކަމަށެވެ.
އެޗްވަންއެންވަން ރޯގާގެ ނުރައްކަލާ ގުޅިގެން ސްކޫލުތަކަށް ދަރިވަރުން ފޮނުވުމަށް ބެލެނެވެރިން ދެކޮޅު ހަދަމުންދާތީ، ކުރިއަށް އޮތް ތިން ދުވަހަށް ސްކޫލު ބަންދު ކުރުމަށް ސަރުކާރުން ނިންމައިފި އެވެ.
ރައީސް އޮފީހުގައި މިއަދު ބޭއްވި ޕްރެސްކޮންފަރެއްސެއްގައި ޑިފެންސް މިނިސްޓަރު އާދަމް ޝަރީފު ވިދާޅުވީ، ސްވައިން ފްލޫގެ އަޕްޑޭޓް މައުލޫމާތު ހެލްތު ޕްރޮޓެކްޝަން އިން ދޭނެ ކަމަށާއި ބަންދު ކުރާނީ ރޯގާ ފެތުރޭ ސަރަހައްދުތަކުގެ ސްކޫލްތައް ކަމަށެވެ.
މިޑްޓާމް ބަންދަށް ފަހު ކިޔަވައިދިނުން އިއްޔެ ފެށިއިރު އިއްޔެއަށްވުރެ ވެސް ގިނަ ސްކޫލްތަކަށް މިއަދު ދިޔަ ކުދިންގެ އަދަދު މަދު ކަމަށް ސުކޫލްތަކުން ބުނެފި އެވެ.
މާލޭގެ އެންމެ ބޮޑު ސެކަންޑަރީ ސްކޫލްތައް ކަމަށްވާ ހިރިޔާ ސްކޫލާއި މަޖީދިއްޔާ ސްކޫލަށް ވެސް އިއްޔެއަށް ވުރެ މިއަދު ދިޔަ ކުދިންގެ އަދަދު މަދެވެ. މަޖީދިއްޔާގެ އިސް އޮފިޝަލަކު މައުލޫމާތު ދިންގޮތުގައި އިއްޔެ 128 ކުދިން ހާޒިރުވި އިރު މިއަދު ހާޒިރުވީ 60 ކުދިންނެވެ.
އިންފްލުއެންޒާ އެޗްވަންއެންވަން ރޯގާއާ ގުޅިގެން ރާއްޖޭގެ ސިއްހީ އެލާޓް ލެވެލް ތިނެއްގައި ހުރުމަކސްކޫލު ބަންދު ކުރުމާ ގުޅުން ހުރި ކަމެއް ނޫން ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ.
އެ އެޖެންސީން ނެރުނު ބަޔާނެއްގައި ބުނެފައި ވަނީ ރާއްޖޭގައި ފެތުރެމުންދާ އެ ރޯގާގެ ހާލަތު އަންނަނީ ރަނގަޅުވަމުން ކަމަށާއި، މިވަގުތު އެޗްވަން އެންވަންއަށް ޕޮޒިޓިވް ވެގެން ފަރުވާ ދެމުން އަންނަނީ 31 މީހަކަށް ކަމަށް ވެސް ބަޔާނުގައި ވެއެވެ.
އެގޮތުން މާލޭގައި އެ ރޯގާ ޖެހިގެން ފަރުވާ ދެމުން އަންނަނީ 26 މީހަކަށް ކަމަށާއި އަތޮޅު ތެރޭގައި ފަރުވާ ދެމުން އަންނަނީ ފަސް މީހުންނަށް ކަމަށް ބަޔާނުގައި ވެއެވެ.
އެޗްވަންއެންވަން ރޯގާ ފެތުރުން ހުއްޓުވުމަށް ރައްކާތެރިކަމުގެ ފިޔަވަޅެއްގެ ގޮތުން ސްކޫލްތައް ބަންދުކުރުމަށް ފަހު، ސްކޫލްތަކުގެ މިޑްޓަރމް ބްރޭކް ނިމި މިއަދު އަލުން ކިޔަވައިދިނުން ފެށި ނަމަވެސް ސްކޫލްތަކަށް ދިޔަ ކުދިންގެ އަދަދު ވަރަށް ބޮޑުތަން މަދުވެއްޖެއެވެ.
މާލޭގެ ޕްރީ ސުކޫލްތަކަށް ބަލާއިރު ބައެއް ސުކޫލްތަކަށް ދިޔައީ ވަރަށް މަދު ކުދީންކޮޅެކެވެ. އެގޮތުން އެއް ސްކޫލަކަށް އެންމެ ދަރިވަރަކު ހާޒިރުވިކަމަށްވެސް ސަންއަށް ވަނީ މައުލޫމާތު ލިބިފައެވެ.
"އަޅުގަނޑުމެންގެ ދެ ސުކޫލް ހުންނައިރު ކޮންމެ ސުކޫލަކަށްވެސް ދިޔައީ އެއް ކުއްޖެއް، ކިޔަވައެއް ނުދެން،" މާލޭގައި ފުޅާ ދާއިރާއެއްގައި ޕްރީ ސްކޫލް ތައުމީމު ފޯރުކޮށްދެމުންދާ ދޮންދޫނި ސްކޫލުން ބުންޏެވެ.
ބައެއް ޕްރީ ސްކޫލްތަކުން ވަނީ މިހަފްތާއަށް ބަންދުކުރިކަންވެސް ކުރިން އިއުލާންކޮށްފައެވެ. ނަމަވެސް ހުޅުވާގޮތަށް ނިންމީ ވަކިވަކި ސްކޫލްތަކަށް އެޑިއުކޭޝަނުން އެންގުމުންނެވެ.
ސުވައިން ފުލޫ ޖެހިގެން އިތުރު މީހަކު މަރުވެއްޖެ އެވެ.
އެއީ ސުވައިން ފުލޫ ޖެހިގެން ރާއްޖެއިން މަރުވި ހަތަރު ވަނަ މީހާ އެވެ. އޭނާ މަރުވީ މިދިޔަ ބުރާސްފަތި ދުވަހު އެވެ.
އައިޖީއެމްއެޗްގެ ޕަބްލިކް ރިލޭޝަންސް އެންޑް މީޑިއާ ޔުނިޓްގެ ޑިރެކްޓަރު އަހުމަދު މައުސޫމް "ސަން"އަށް ވިދާޅުވީ ސުވައިން ފުލޫ ޖެހިގެން މަރުވީ 79 އަހަރުގެ މީހެއް ކަމަށެވެ. އެ މީހާ އައިޖީއެމްއެޗަށް ގެނެސްފައި ވަނީ އެހެން ބައްޔަކަށް ފަރުވާ ދިނުމަށް ކަމަށް މައުސޫމް ވިދާޅުވި އެވެ. ނަމަވެސް އެމީހާ އާ ބެހޭ އިތުރު ވަނަވަރެއް ހޮސްޕިޓަލަކުން ނުދެ އެވެ.
ޓެސްޓުތައް ހެދުމުން އެ މީހާ އެޗްވަންއެންވަން އަށް ޕޮޒިޓިވް ވެފައިވާ ކަމަށް މައުސޫމް ވިދާޅުވި އެވެ.
ފެތުރެމުންދާ އެޗްވަންއެންވަން ވައިރަހުން ރައްކާތެރިކުރުމަށްޓަކައި ސަރުކާރުން ފަށާފައިވާ ވެކްސިނޭޝަން ހަރަކާތަށް އެހީތެރިވެދިނުމުގެ ގޮތުން ދުނިޔޭގެ ސިއްހަތު ޖަމިއްޔާއިން ރާއްޖެއަށް 30،000 ވެކްސިން ޑޯޒް ފޮނުވުމުގެ މަސައްކަތް ކުރަމުންދާ ކަމަށް އެ ޖަމިއްޔާއިން ބުނެފި.
ރާއްޖޭގައި ފެތުރެމުންދާ އިންފުލުއެންޒާ ރޯގާއަށް އިއްޔެ ޓެސްޓު ކުރި މީހުންގެ ތެރެއިން ހަތް މީހަކު އެ ރޯގާ އަށް ޕޮޒިޓިވްވެއްޖެ އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އާންމުކުރި އިއްޔެގެ ތަފާސް ހިސާބުތައް ދައްކާ ގޮތުން އިއްޔެ ޓެސްޓުކުރި 17 މީހުންގެ ތެރެއިން ހަތް މީހަކު ވަނީ އިންފުލުއެންޒާ ރޯގާ އަށް ޕޮޒިޓިވްވެފަ އެވެ.
އިންފުލުއެންޒާ ރޯގާއާ ގުޅިގެން ސިވިލް ސާވިސްގެ މުއްޒަފުންގެ ތެރެއިން މާބަނޑު މީހުން ވަޒީފާއަށް ނުކުންނަން ނުޖެހޭ ގޮތަށް ދިން ޗުއްޓީ ނިންމާލައިފި އެވެެ.
ސިވިލް ސާވިސް ކޮމިޝަން (ސީއެސްސީ) އިން މިއަދު ނެރެފައިވާ ސާކިއުލާގައި ބުނެފައި ވަނީ، މާބަނޑު މުވައްޒަފުން މަސައްކަތަށް ނުނިކުންނަ ގޮތަށް އެ ކޮމިޝަނުން އަންގާފައިވާ އެންގުން ނިމުމަކަށް ގެނެސްފައިވާ ކަމަށާއި، އަންނަ އާދީއްތަ ދުވަހުން ފެށިގެން އޮފީހަށް ހާޒިރުވާން ޖެހޭނެ ކަމަށެވެ.
މޯލްޑިވްސް ނެޝަނަލް ޔުނިވާސިޓީ(އެމްއެންޔޫ)ގެ ކިޔެވުން އަންނަ އާދިއްތަ ދުވަހު ފެށުމަށް ނިންމައިފި އެވެ.
މިދިޔަ ހަފްތާގައި ގައުމީ ޔުނިވާސިޓީގެ ކިޔެވުން މެދުކަނޑާލީ ފެތުރެމުންދާ ރޯގާއާ ގުޅިގެންނެވެ. މިހަފްތާއަކީ މިޑްޓާމް ބަންދެވެ.
ގައުމީ ޔުނިވާސިޓީގެ އޮފިޝަލަކު މިއަދު ސަން އަށް ވިދާޅުވީ އަންނަ އާދިއްތަ ދުވަހު އެ ޔުނިވާސިޓީގެ ކިޔަވައިދިނުން ފަށަން ނިންމާފައިވާ ކަމަށެވެ.
އަންނަ ހަފްތާގައި ސްކޫލުތަކުގެ ކިޔެވުމާއި އިސްލާމިކް ޔުނިވާސިޓީގެ ކިޔެވުން ފެށުމާ ގުޅޭ ގޮތުން މިއަދު ގޮތެއް ނިންމުމަށް ވަނީ ނިންމައިފަ އެވެ.
އިންފުލުއެންޒާ ރޯގާއާ ގުޅިގެން އޭޑީކޭ ފުލޫ ކްލިނިކުން ދެމުން ގެންދިޔަ ހިދުމަތް ހުއްޓާލައިފި އެވެ.
ތަފާސްހިސާބުތައް ދައްކާ ގޮތުން ވެސް ވެތުވެދިޔަ ދެ ދުވަހު އޭޑީކޭގެ ފުލޫ ކްލިނިކަށް ދައްކާފައި ވަނީ މަދު ބައެކެވެ.
އޭޑީކޭ އިން ކުރި ޓުވީޓެއްގައި ބުނެފައި ވަނީ މިއަދުން ފެށިގެން ފުލޫ ކްލިނިކްގެ ހިދުމަތް މެދުކަނޑާލަން ނިންމާފައިވާ ކަމަށެވެ.
އިއްޔެ އޭޑީކޭގެ ފުލޫ ކްލިނިކުން ހިދުމަތް ހޯދާފައި ވަނީ 108 މީހުންނެވެ. އެއީ 51 އަންހެނުންނާއި 57 ފިރިހެނުންނެވެ. އޭގެތެރެއިން އެއްވެސް މީހަކަށް އެޑްމިޓްކޮށްގެން ފަރުވާދޭން ނުޖެހޭ ކަމަށް އޭޑީކޭއިން ބުންޏެވެ.
އަންނަ ހަފްތާގައި ސުކޫލުތައް ހުޅުވުމާ މެދު އަދި ވަކިގޮތެއް ނުނިންމާ ކަމަށް އެޑިއުކޭޝަން މިނިސްޓްރީން ބުނެފި އެވެ.
އެޗްޕީއޭގެ މީޑިއާ އޮފިޝަލް މިއަދު ސަން އަށް ވިދާޅުވީ ރޯގާގެ ކަންކަން އޮތް ހާލަތު އެޑިއުކޭޝަންއަށް ހިއްސާކޮށްފައިވާނެ ކަމަށާއި ގޮތެއް ނިންމާނީ އެޑިއުކޭޝަން މިނިސްޓްރީން ކަމަށެވެ.
އެޑްކޭޝަން މިނިސްޓްރީގެ މީޑިއާ އޮފިޝަލް ވިދާޅުވީ އަދި އެކަމާ ގުޅޭ ގޮތުން ވަކިގޮތެއް ނުނިންމާ ކަމަށެވެ.
ސަން އަށް އެނގިފައިވާ ގޮތުގައި މިއަދު ވަކިގޮތެއް ނިންމައި އާންމުކުރަން އެޑިއުކޭޝަން އިން އަންނަނީ މަސައްކަތް ކުރަމުންނެވެ.
ވެކްސިން ޖަހަން ނިންމާފައިވާ މީހުން:
ކުޑަ ކުއްޖާއަށް ފަރުވާ ދެމުން ދަނީ އެންއައިސީޔޫގައި. އަންހެން މީހާ އަށް ފަރުވާދެނީ ވެންޓިލޭޓަރުގައި، އައިސީޔޫގައި،
ރާއްޖޭގައި ފެތުރެމުންދާ އެޗްވަންއެންވަން އިންފުލުއެންޒާ ރޯގާއަށް ޕޮޒިޓިވް ވެގެން އެޑްމިޓްކޮށް ފަރުވާ ދެމުން ގެންދާ މީހުންގެ އަދަދު ދެ ގުނަ އިތުރުވެފައިވާ ކަމަށް ހެލްތު ޕްރޮޓެކްޝަން އެޖެންސީން ބުނެފި އެވެ.
އެޗްވަންއެންވަން އިއްޔެ ޓެސްޓްކުރީ 36 މީހެއް
އެޗްވަންއެންވަންއަށް 24 މީހަކު އިއްޔެ ޕޮޒިޓިވްވި
އެޗްވަންއެންވަން ޖެހިފައިވާ 22 މީހަކަށް ދަނީ ފަރުވާދެމުން
އެޗްވަންއެންވަން ޖެހިގެން ފަރުވާދޭ މީހުންގެ އަދަދު 22 އިތުރުވިއިރު، އެއީ އިއްޔެ ތަފާސްހިސާބާ އަޅާބަލައިރު ދެ ގުނަ އިތުރު އަދަދެކެވެ. މިދިޔަ ހޮނިހިރު ދުވަހުގެ ނިޔަލަށް އެޗްވަންއެންވަން އަށް ޕޮޒިޓިވްވެ ފަރުވާދެމުން ގެންދިޔައީ 11 މީހަކަށް.
ރާއްޖޭގައި ހަލުވިކަމާއެކު ފެތުރެމުންދާ އެޗްވަންއެންވަން ރޯގާ (ސުވައިން ފުލޫ) ޖެހިގެން އިތުރު މީހަކު ރާއްޖެއިން މަރުވެއްޖެ އެވެ.
ބިދޭސީ މީހާ މަރުވީ ވެންޓިލޭޓަރުގެ އެހީގައި އައިސީޔޫގައި ފަރުވާދެމުން ދަނިކޮށް.
މިއަދުން ފެށިގެން މާބަނޑު މީހުންނަށާއި ކެންސަރުގެ ބަލިމީހުން އަދި ޓްރާންސްޕުލާންޓް ހަދާފައިވާ މީހުންނަށް އިންފުލުއެންޒާ ވެކްސިން ދިނުމުގެ ހިދުމަތް ދޭން ފަށާނެ ކަމަށް އޭޑީކޭ އިން ބުނެފި.
ވެކްސިންގެ ހިދުމަތް ލިބޭނީ ހުކުރު ދުވަސް ނޫން ކޮންމެ ދުވަހެއްގެ މެންދުރު ފަހު 3:00 އިން ރޭގަނޑު 9:00 އަށް އޭޑީކޭ ހޮސްޕިޓަލުގެ ވެކްސިން ރޫމުން.
އޭޑީކޭ އިން ބުނީ ވެކްސިން ޖަހަން ދާއިރު އައިޑީކާޑާއި މާބަނޑު މީހެއް ނަމަ އެންޓިނެޓަލް ކާޑް އަދި ޓްރާންސްޕްލާންޓް ހަދާފައިވާ މީހުންނާއި ކެންސަރު ބަލިމީހުން ޑޮކްޓަރުގެ ލިޔުމެއް ގެންދަން ޖެހޭނެ ކަމަށް
އޭޑީކޭ އިން ބުނީ އެހެން މީހުންނަށް ވެކްސިން ޖެހުމުގެ ހިދުމަތްދޭނެ ދުވަހެއް ފަހުން އިއުލާން ކުރާނެ ކަމަށް. އަދި އަމިއްލަ އަށް ގެންނަ ވެކްސިން އޭޑީކޭ ހޮސްޕިޓަލުން ޖަހައި ނުދޭނެ ކަމަށް އެ ހޮސްޕިޓަލުން ބުނޭ
އޭޑީކޭ ފުލޫ ކްލިނިކަށް ދެއްކި މީހުންގެ އަދަދު ދަށްވެއްޖެ
އޭޑީކޭގައި ގާއިމްކުރި ފްލޫ ކްލިނިކުގައި ދެއްކި މީހުންގެ އަދަދު ވަރަށް ބޮޑުތަން ދަށްވެއްޖެ
އޭޑީކޭގެ މޯބައިލް ފްލޫ ކްލިނިކަށާއި އެ ހޮސްޕިޓަލުން ސޯސަމަގުގައި ހުންނަ ފެކަލްޓީ އޮފް ސައިންސް ގައި ގާއިމްކޮށްފައިވާ ފްލޫ ކްލިނިކަށް ދެއްކި މީހުންގެ ތަފާސް ހިސާބުތައް ދައްކާގޮތުން އިއްޔެގެ ނިޔަލަށް 145 މީހުން ވަނީ ފްލޫ ކްލިނިކުން ހިދުމަތް ހޯދާފައި
މިއީ އޭގެ ކުރީ ދުވަހާ އަޅާބަލާއިރު 105 މީހުން މަދު އަދަދެއް. މިދިޔަ ހޮނިހިރު ދުވަހު އެ ކްލިނިކަށް 250 މީހުން ދައްކާފައިވޭ.
ރާއްޖޭގައި މިހާރު ފެތުރެމުންދާ އެޗްވަންއެންވަން ވައިރަސް ނުވަތަ ސްވައިން ފްލޫގެ ހާލަތު ރަނގަޅު ނުވަނީސް، ކޮންމެހެން ކުރަންޖެހޭ ދަތުރުތައް ފިޔަވާ އެހެން ދަތުރުތައް ސައުދީ ރައްޔިތުން ރާއްޖެއަށް ނުކުރުމަށް ރާއްޖޭގައި ހުންނަ ސައުދީ އެމްބަސީއިން އިލްތިމާސްކޮށްފި.
ރާއްޖޭގައި ފެތުރެމުންދާ އެޗް1އެން1 އިންފުލުއެންޒާ ރޯގާއަށް އިއްޔެ ޓެސްޓްކުރި 25 މީހުންގެ ތެރެއިން ނުވަ މީހުން ޕޮސިޓިވް ވެއްޖެ އެވެ.
އެއަދާ އެކު މިހާރު ޕޮސިޓިވްވި މީހުންގެ އަދަދު ވަނީ 123 އަށް އަރައިފަ އެވެ. އަދި ޖުމްލަ 375 މީހުން ވަނީ އެޗް1އެން1 އަށް ޓެސްޓްކޮށްފަ އެވެ.
ހުކުރު ދުވަހާ އަޅާ ބަލާއިރު އަރިދަފުސް ރޯގާޖެހިގެއް އިއްޔެ ޑޮކްޓަރަށް ދެއްކި މީހުންގެ އަދަދު ވެސް ވަނީ އިތުރުވެފަ އެވެ. އަތޮޅުތަކުން ހުކުރު ދުވަހު އަރިދަފުސް ރޯގާޖެހިގެ ޑޮކްޓަރަށް ދައްކާފައި ވަނީ 835 އެވެ. އެހެންނަމަވެސް އިއްޔެ އަތޮޅުތަކުން އެކަނި ވެސް 1179 މީހުން ވަނީ ޑޮކްޓަރަށް ދައްކައިފަ އެވެ.
އިންފުލުއެންޒާއަށް ޖަހާ ފުލޫ ވެކްސިން ބައެއް ފަރާތްތަކުން ރާއްޖެއިން ބޭރުން ގެނެސްގެން ޖަހަމުންދާ ކަން ފާހަގަކުރެވޭ ކަމަށާއި އެއީ އެންމެ ރައްކާތެރި ގޮތް ނޫން ކަމަށް ކުޑަކުދިންގެ ހާއްސަ ޑޮކްޓަރު އަބްދުﷲ އަފީފް ވިދާޅުވެއްޖެ އެވެ.
ވެކްސިން ދީގެން އަތުވެދާނެ ސީރިއަސް ރިއެކްޝަނެއް މެނޭޖު ނުކުރެވޭފަދަ ތަނެއް [ގޭގައި / ކްލިނިކް] ގައި ނުދިނުމަކީ ބުއްދިވެރި ކަމެއް،
ހަލުވިކަމާ އެކު ރާއްޖޭގައި މިހާރު ފެތުރެމުންދާ އެޗް1އެން1 އިންފުލުއެންޒާ ރޯގާ އާ ގުޅިގެން މީހުން އެއްތަނަކަށް އެއްވުން މަދުކުރުމަށް އުތީމު ގަނޑުވަރު ވަގުތީ ގޮތުން ބަންދުކޮށްފި އެވެ.
ޑިޕާޓްމެންޓް އޮފް ހެރިޓޭޖުން މިއަދު ނެރުނު ބަޔާނެއްގައި ބުނެފައި ވަނީ އުތީމު ގަނޑުވަރު ވަގުތީ ގޮތުން ބަންދުކުރީ އިންފުލުއެންޒާ ރޯގާއާ ގުޅިގެން މީހުން އެއްތަނަކަށް އެއްވެ އުޅުން ރަނގަޅު ނުވާތީ ކަމަށެވެ.
"ހުމާއި ރޯގާ ފެތުރުން ކުޑަކުރުމަށް ޓަކައި އުތީމު ގަނޑުވަރު މިއަދުން ފެށިގެން ވަކިގޮތެއް އަންގަންދެން އާންމުންނަށް ޒިޔާރަތް ނުކުރެވޭ ގޮތަށް ބަންދު ކުރެވިފައިވާކަން ދެންނެވިން،" ޑިޕާޓްމެންޓް އޮފް ހެރިޓޭޖުން ނެރުނު ބަޔާނުގައި ބުނެފައިވެ އެވެ.
ގައުމީ ދާރުލް އާސަރު ކައިރީގައި ހަދާފައިވާ ރެހެންދި މައިޒާނުގައްޔާއި ޖަމާލުއްދީން ސުކޫލު ކައިރީގައި އޭޑީކޭގެ މޮބައިލް ފުލޫ ކްލިނިކުގެ މިއަދު ހިދުމަތް ދޭނެ ކަމަށް އެ ހޮސްޕިޓަލުން ބުނި.
އޭޑީކޭއިން ކުރި ޓްވީޓެއްގައި ބުނެފައި ވަނީ ރެހެންދި މައިޒާނުގައި މިއަދު 12 ޖަހަންދެން ފުލޫ ކްލިނިކްގެ ހިދުމަތް ލިބޭނެ ކަމަށާއި، އަދި ހަވީރު ހަތަރަކުން ހަޔަކަށް ޖަމާލުއްދީން ސުކޫލު ކައިރިން މޯބައިލް ފުލޫ ކްލިނިކްގެ ހިދުމަތް ލިބޭނެ ކަަމަށް.
އޭގެ އިތުރުން އޭޑީކޭއިން ސޯސަންގޭގައި ވެސް ވަނީ ފުލޫ ކްލިނިކެއް ހަދާފައި. އަދި އައިޖީއެމްއެޗްގެ ފަރާތުން ތާޖުއްދީނު ސުލޫކުގައިވެސް ދަނީ ފުލޫ ކްލިނިކްގެ ހިދުމަތް ދެމުން
ރާއްޖޭގައި ސްވައިން ފްލޫ ފެތުރެމުންދާތީ، ސްރީލަންކާގެ ބަންޑާރަނަޔަކަ އިންޓަނޭޝަނަލް އެއާޕޯޓުގައި ހެލްތު ސާވޭލަންސްގެ މަސައްކަތް ވަރުގަދަކޮށްފި އެވެ.
ސްރީލަންކާއަކީ ދިވެހީން އެންމެ ގިނައިން ދަތުރުކޮށް ހަދާ ގައުމެވެ. ލަންކާގެ ތަފާސް ހިސާބުތައް ދައްކާ ގޮތުގައި 2016 ވަނަ އަހަރު 95،167 ދިވެހީން ދަތުރުކޮށްފައިވެ އެވެ. އަދި އެގައުމުގައި 12،000 އެއްހާ ދިވެހީން ދިރިއުޅެމުން ދެ އެވެ.
ރާއްޖޭގައި އެޗްވަންއެންވަން ރޯގާ ނުވަތަ ސްވައިން ފްލޫ ފެތުރެމުންދާ މި ދަނޑިވަޅުގައި، ސްރީލަންކާގެ ބަންޑާރަނަޔަކަ އިންޓަނޭޝަނަލް އެއާޕޯޓުގެ ކަރަންޓީން ޑިވިޝަނުން މިވަނީ ދިވެހީން ސާވޭލަންސްކުރުމުގެ މަސައްކަތް ފުޅާކޮށްފަ އެވެ.
މިހާރު ރާއްޖޭގައި ފެތުރެމުންދާ އެޗްވަންއެންވަން ރޯގާއާ ގުޅިގެން ހެލްތް ޕްރޮޓެކްޝަން އޭޖެންސީ (އެޗްޕީއޭ)އަށް ބޭނުންވާ ހުރިހާ ބޭހާއި ވެކްސިންތައް ބަރާބަރަށް ސަޕްލައިކޮށްދެމުންދާ ކަމަށް އެސްޓީއޯއިން ބުނެފި.
މިނިސްޓްރީ އޮފް ހެލްތުގެ އެޗްޕީއޭއަށް ބޭނުންވާ ވެކްސިންއާއި މި ރޯގާއަށް ބޭނުންވާ ޚާއްސަ ބޭސްތައްވެސް އަޅުގަނޑުމެން މިދަނީ އެ ބޭނުންފުޅުވާ ޝެޑިއުލަކަށް ބޭނުން އަދަދަކަށް ބަރާބަރަށް ފޯރުކޮށްދެމުން،
އެސްޓީއޯގެ މެނޭޖިން ޑިރެކްޓަރު މިރޭ ނޫސްވެރިންނަށް މައުލޫމާތު ދެއްވަނީ -- ސަން ފޮޓޯ: ފަޔާޒު މޫސާ
އާންމު ހުރިހާ ފަރާތްތަކަށް ޔަގީންކޮށް އަރުވަން އެސްޓީއޯގެ އަތޮޅު ތެރޭގަ ހެދިފައިވާ ހުރިހާ ފާމަސީއަކުން ރޯގާއަށް ބޭނުންވާ ހުރިހާ ބޭހެއް ހުސްނުވެ ބަރާބަރަށް ލިބެން ހުންނާނެ. އަދި ރީޖަނަލް ހޮސްޕިޓަލްތަކުގަ އެސްޓީއޯގެ ބޮޑު ސްޓޮކެއް ބެހެއްޓިފައި ހުންނާނެ. ބޭސް ފިހާރަތަކުން ބޭސް މަދުވަމުންދާ ވަރަކަށް މި ސެންޓަރުން އެ ބޭސް ފޮނުވަމުންދާނެ،
މެޗު ކުޅެން އަދި ބާކީ ދެ ހަފްތާއެއްހާ ދުވަސް އެބަ އޮތް. މި އައުޓްބްރޭކް ފެށުނީއްސުރެން އަޅުގަނޑުމެން މިދަނީ، ކަމާގުޅޭ ސިއްހީ ދާއިރާތަކުގެ ލަފާ ހޯދަމުން. އެގޮތުން އެޗްޕީއޭއިން މީގެ ކުރީން ލަފާދިނީ، މާލޭ ލީގާއި، އަތޮޅު މުބާރާތް މެދުކަނޑާލަން. އެގޮތަށް އަޅުގަނޑުމެން ނިންމިން. ދެން މިއޮތީ ބައިނަލްއަގްވާމީ މެޗެއް، މިކަމާ ގުޅޭގޮތުންވެސް މިދަނީ މަޝްވަރާ ކުރަމުން،
މިއީ ބައިނަލްއަގުވާމީ މުބާރާތަކަށް ވީމަ ނެތް ފަސްކުރެވޭކަަށް، ފަސްކޮށްފި ނަމަ މުބާރާތުގައި ވާދަކުރާ ހުރިހާ ގައުމެއްގެ އަމިއްލަ އެސޯސިއޭޝަނުން ކުރިއަށް ރޭވިފަ ހުރި މުބާރާތްތަކަށްވެސް އޭގެ އަސަރުކުރާނެ. އަނެއްކާ ހުރިހާ ޓީމަކުންވެސް ވަރަށް ބޮޑަށް ތައްޔާރުވެފަ މިތިބީ، އެހެން ވީމަ މުބާރާތް ފަސްކޮށްފިނަމަ އޭގެ ސަބަބުން މައްސަލަތެކެއް ދިމާވާނެ،
އައްޑޫ ރެޑްކުރެސެންޓުގެ ފަރާތުން ބިދޭސީންނަށް މައުލޫމާތު ދެނީ.
ރޯގާޖެހިގެން ފަރުވާ ހޯދަމުން އަންނަ އަދަދު ދަށްވަމުން އަންނަ ކަމަށް ހެލްތު ޕުރޮޓެކްޝަން އެޖެންސީ (އެޗްޕީއޭ)ގެ ތަފާސް ހިސާބުތަކުން ދައްކައިފި އެވެ.
އެޗްޕީއޭގެ ތަފާސް ހިސާބުތަކަށް ބަލާ އިރު މިދިޔަ އަންގާރަ ދުވަހު ރޯގާޖެހިގެން ރާއްޖެ އިން 2334 މީހަކު ފަރުވާހޯދާފައިވާ އިރު ބުދަ ދުވަހު އެ އަދަދު ވަނީ 1890 އަށް ދަށްވެފަ އެވެ. އަދި މިދިޔަ ބުރާސްފަތި ދުވަހު އެއަދަދު 2540 އަށް އެރި ނަމަވެސް އިއްޔެ ވަނީ ޑޮކްޓަރަށް ދެއްކި މީހުންގެ އަދަދު 1549 އަށް ދަށްވެފަ އެވެ.
ސުވައިން ފުލޫއާ ގުޅިގެން ރައީސުލްޖުމްހޫރިއްޔާގެ އަނބިކަބަލުން ފާތުމަދު އިބްރާހިމް ބައްސަވަމުން ގެންދަވާ ބޭސްތަކަކީ އެސްޓީއޯ އިން ގަނެގެން ބައްސަވާ އެއްޗެހިތަކެއް ކަމަށް ޕީޕީއެމް އިން ބުނެފި އެވެ.
މިހާރު ހަލުވި ކަމާ އެކު ރޯގާ ފެތުރެމުންދާތީ ފާތުމަތު އިބްރާހިމް އިސްވެ ވަނީ ރޯގާއަށް ބޭނުންކުރާ ބޭހާއި މާސްކް ފަދަ ތަކެތި ބައްސަވަން ފައްޓަވައިފަ އެވެ. ދައުލަތުގެ އިމާރާތެއް ކަމަށްވާ މުލިއާގޭގައި އެ މަސައްކަތްކުރަނީ މަޖިލިސް މެމްބަރުންތަކެކެވެ.
ޕީޕީއެމްއަށް ނިސްބަތްވާ މާފަންނު ދެކުނު ދާއިރާގެ މަޖިލިސް މެމްބަރު އަބްދުﷲ ރިފާއު(ބޮޗޭ) މިއަދު ކުރެއްވި ޓުވީޓެއްގައި ވިދާޅުވެފައި ވަނީ ބޭސް ހަދިޔާ ކުރަމުންދަނީ އެސްޓީއޯ އިން ގަނެގެން ކަމަށެވެ.
ހަލުވިކަމާ އެކު މިހާރު ފެތުރެމުންދާ އެންވަންް އެންވަން އިންފުލުއެންޒާ ރޯގާއަށް ޕޮސިޓީވް ވެފައިވާ މީހުންގެ ތެރެއިން ހަ މީހަކަށް ހޮސްޕިޓަލުގައި އެޑްމިޓްކޮށް ފަރުވާދެމުންދާ ކަމަށް ހެލްތް ޕްރޮޓެކްޝަން އެޖެންސީން ބުނެފި އެވެ.
އިއްޔެ ޑޮކްޓަަރަށް ދެއްކި މީހުންގެ ތެރެއިން އެޗްވަންއެންވަންއަށް ޓެސްޓްކޮށްފައި ވަނީ އަށް މީހެކެވެ. އޭގެތެރެއިން ޕޮސިޓިވްވެފައިވަނީ ހަ މީހެކެވެ.
މިއަދު އެޗްޕީއޭ އިން އާންމު ކުރި ތަފާސް ހިސާބުތައް ދައްކާ ގޮތުން އެޗްވަންއެންވަންއަށް ޕޮސިޓިވްވި ހަ މީހަކު އެޑްމިޓްކޮށް ދަނީ ފަރުވާ ދެމުންނެވެ. އެމީހުންނަށް ފަރުވާދެމުންދަނީ މާލޭ ހޮސްޕިޓަލުތަކުގައި ކަމަށް އެޗްޕީއޭ އިން ބުންޏެވެ.
ސްވައިން ފްލޫ ޖެހުނު ދިވެހިންތަކަކަށް ލަންކާ ހޮސްޕިޓަލުގައި ފަރުވާ ދިން ކަމަށް ބުނެ ސޯޝަލް މީޑިއާގައި ފަތުރަމުންދާ ވާހަކަތަކެއް އެ ހޮސްޕިޓަލުން ދޮގު ކޮށްފިއެވެ.
އެ ވާހަކަތައް ދޮގުކޮށް ލަންކާ ހޮސްޕިޓަލްގެ ގްރޫޕް ޗީފް އެގްޒެކެޓިވް އޮފިސަރު (ޖީސީއީއޯ)، ޑރ. ޕުރަސާދް މެޑަވައްތޭ ނެރެފައިވާ ބަޔާނަކާ ބުނެފައި ވަނީ، ސްވައިން ފްލޫ ޖެހުނު އެއްވެސް ދިވެއްސަކަށް އެ ހޮސްޕިޓަލުން އެޑްމިޓްކޮށްގެން ފަރުވާ ނުދޭ ކަމަށެވެ. އަދި އެ ބަލީގައި އެއްވެސް މީހަކު ނިޔާވެފައި ނުވާ ކަމަށް ވެސް ބުނެފައިވެއެވެ.
ހަލުވިކަމާ އެކު މިހާރު ފެތުރެމުންދާ އެޗްވަން އެންވަން އިންފުލުއެންޒާ ރޯގާއިން ސަލާމަތް ވުމަށާއި ރޯގާ ފެތުރުން މަދުކުރުމަށް ގިނަ ބަޔަކު ދަނީ މާސްކް ބޭނުންކުރަމުންނެވެ. ނަމަވެސް ބަލިފެތުރުން މަދުކުރުމަށް މާސްކް އަޅާއިރު ގިނަ މީހުންނަށް ނޭނގޭ ގިނަ ކަންތައްތަކެއް ވެސް ހުރެ އެވެ.
މާސްކް އަޅާއިރު ނޭފަތާއި އަނގަ ރީތިކޮށް ނިވާކުރޭ ---
މާސްކް އަޅާ އިރު ބައެއް ފަރާތްތަކުން ހަމައެކަނި އަނގަ ނިވާކޮށް ނޭފަތް ނިވާނުކޮށްހުރެ އެވެ. ނަމަވެސް އެއީ ރަނގަޅުގޮތެއް ނޫނެވެ. ބައްޔެއް ފެތުރުން ހުއްޓުވުމަށާއި ބަލިން ރައްކާތެރިވެ ހުރުމުގެ ގޮތުން މާސްކް އަޅާ ނަމަ އަނގަޔާއި ނޭފަތް ރަނގަޅަށް ނިވާކުރުމަށް ޑރ. އަބްދުﷲ ނިޔާފް ވަނީ އިރުޝާދު ދެއްވައިފަ އެވެ.
"ހަމައެކަނި އަނގަ ނިވާކޮށްފައި ނޭފަތް ނިވާނުކުރާ ނަމަ މާސްކް އެޅުމުގެ ބޭނުމެއް ނެތް. ނޭފަތާއި އަނގަ ނިވާކުރަން ވާނެ މާސްކް އަޅާއިރު،" ޑރ. ނިޔާފް ވިދާޅުވި އެވެ.
ރާއްޖޭގައި ފެތުރެމުންދާ އިންފުލުއެންޒާ ރޯގާ އާ ގުޅިގެން ރާއްޖެ އަށް އެންމެ ގިނަ ދަތުރުކުރާ ބޭރުގެ އެއާލައިން، ސްރީލަންކަން އެއާލައިންސް އިން ސަލާމަތީ ފިޔަވަޅުތަކެއް އަޅަން ފަށައިފި އެވެ.
ސްރީލަންކަން އެއާލައިންސްގެ ކުރޫއާ ހަވާލާދީ ސްރީލަންކާގެ ބައެއް މީޑިއާތަކުގައި ރިޕޯޓްކޮށްފައިވާ ގޮތުގައި، އެ ފިޔަވަޅުތައް އަޅަން ނިންމާފައި ވަނީ ކޮންމެހެން ކުރަން ނުޖެހޭ ދަތުރުތައް ނުކުރުމަށް ރާއްޖޭގެ ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އަންގާފައިވާތީ ކަމަށެވެ.
ރާއްޖޭގައި މިދުވަސްވަރު ހަލުއިކަމާ އެކު ފެތުރެމުންދާ އިންފުލުއެންޒާ ރޯގާއާ ގުޅިގެން ލޯކަލް ކައުންސިލްތަކުގެ އިންތިހާބު ފަސްކޮށްފި އެވެ.
އެކަން އިއުލާނުކޮށްފައި ވަނީ ރޭ އިލެކްޝަންސް ކޮމިޝަނުން ބޭއްވި ނޫސްވެރިންގެ ބައްދަލުވުމުގަ އެވެ.
"ފަނަރަ އޭޕްރީލުގައި އިންތިހާބު ބޭއްވުމަށް ޓަކައި ކުރަން ޖެހޭ ތައްޔާރީތައް ވަމުން މިދަނީ މިހާރު ވެސް. އެހެން ނަމަވެސް ރާއްޖޭގައި މިހާރު ފެތުރެމުންދާ އިންފުލުއެންޒާ ރޯގާ އާ ގުޅިގެން، އަޅުގަނޑުމެން ގައުމީ ލަފާދޭ ކޮމިޓީގައި މަޝްވަރާކޮށްފައި މިރޭ މި ނިންމީ އިންތިހާބު އަޅުގަނޑުމެން އެބަ ޖެހޭ ކަމަށް ތާރީހު ލަސް ކުރަން. އެހެންވީމަ އެގޮތުން އިންތިހާބުގެ ތާރީހަށް މި ބަދަލު ގައުމީ ލަފާދޭ ކޮމިޓީގެ މަޝްވަރާއާ އެކީގަ މިގެނެވުނީ 6 މެއި ގަ އިންތިހާބު ބާއްވާ ގޮތަށް،" އިލެކްޝަންސް ކޮމިޝަންގެ ނައިބު ރައީސް އަމްޖަދު މުސްތަފާ ރޭ ވިދާޅުވި އެވެ.
އެޗްވަންއެންވަން އަށް ޕޮޒިޓިވްވި މީހުންގެ އަދަދު 108 އަރައިފި ކަމަށް އެޗްޕީއޭގެ ތަފާސް ހިސާބުތަކުން ދައްކައިފި
މާޗް 14، 2017: މިދުވަސް ވަރު ރާއްޖޭގައި ފެތުރެމުންދާ އެޗްވަން އެންވަން އިންފުލުއެންޒާ ރޯގާގައި ހުން އައިސް ރޯގައި ޖެހިފައިވާ މީހުންނަށް އައިޖީއެމްއެޗުން ފަރުވާ ދެނީ: ކޮންމެހެން ބޭނުންވެއްޖެ ހާލަތެއްގައި މެނުވީ ހޮސްޕިޓަލަށް ޒިޔާރަތް ނުކުރުމަށް ހޮސްޕިޓަލްތަކުން އިލްތިމާސްކޮށްފައި --- ފޮޓޯ/ ފަޔާޒު މޫސާ
އެޗްވަންއެންވަން އާ ގުޅިގެން ލޯކަލް ގަވަމަންޓް އޮތޯރިޓީ (އެލްޖީއޭ)ގައި މަސައްކަތް ކުރާ މާބަނޑު މުވައްޒަފުންނަށް އެ އޮޓޯރިޓީން ވަކި އެއްޗެއް އަންގަންދެން ގޭގައި ތިބެގެން މަސައްކަތް ކުރާ ގޮތަށް ހަމަޖައްސައިފި.
ސައުދީ ރަސްގެފާނު ސަލްމާން ބިން އަބްދުލްއަޒީޒު މާދަމާ ރާއްޖެ އަށް ކުރައްވަން ހަމަޖެއްސެވި ދަތުރުފުޅު، ރާއްޖޭގައި ހަލުވިކަމާ އެކު ފެތުރެމުން އަންނަ ސްވައިން ފުލޫގެ ސަބަބުން ފަސްކުރައްވައިފި އެވެ.
ރައީސް އޮފީހުގައި ދާދިދެންމެ އަކު ބޭއްވި ނޫސްވެރިންގެ ބައްދަލުވުމެއްގައި ފޮރިން މިނިސްޓަރު ޑރ. މުހައްމަދު އާސިމް ވިދާޅުވީ ރަސްގެފާނުގެ ދަތުރުފުޅު ފަސް ކުރެއްވީ ރާއްޖޭގައި މިހާރު ފެތުރެމުންދާ ހުމުގެ ރޯގާ އާ ގުޅިގެން ކަމަށެވެ.
"ދިވެހި ރާއްޖޭގައި މިހާރު ފެތުރެމުންދާ ފުލޫގެ ރޯގާއާ ގުޅިގެން ސައުދީ ރަސްގެފާނު ދިވެހި ރާއްޖެ އަށް ކުރެއްވުމަށް ހަމަޖެހިފައިވާ ދަތުރުފުޅު ފަސްކުރެވިފައިވާ ވާހަކަ ތިޔަ އެންމެހާ ބޭފުޅުންގެ މައުލުމާތަށް ޓަކައި ދަންނަވަން،" ފޮރިން މިނިސްޓަރު ވިދާޅުވި އެވެ.
އެޗްޑީސީގެ މާބަނޑު މުވައްޒަފުންނާއި ދާއިމީ ބޮޑެތި ބަލިތަކަށް ފަރުވާ ހޯދާ މުވައްޒަފުންނަށް މުސާރަ ހިނގާ ގޮތަށް ޗުއްޓީ ދީފިއެވެ.
އެ ކުންފުނީގެ އެޗްއާރް ޑިރެކްޓަރު އަހުމަދު ފާތިހު "ސަން"އަށް މިރޭ ވިދާޅުވީ އެކުންފުނީގައި މަސައްކަތް ކުރާ، ދާއިމީ ބޮޑެތި ބަލިތަކަށް ފަރުވާ ހޯދަމުންދާ މުވައްޒަފުންނަށް ޗުއްޓީ ދިނުމުގެ އިތުރުން، ހުޅުމާލޭގައި ސިއްހީ ބަލިމަޑުކަމެއް ފެތުރިދާނެތީ، އެކަމުން ރައްކާތެރި ވުމުގެ ފިޔަވަޅުތައް އަޅަމުން އަންނަ ކަމަށެވެ.
އާސަންދަ އާއި އެޗްޕީއޭއާ ގުޅިގެން ރައްޔިތުން ހޭލުންތެރިކޮށް، ހުޅުމާލޭގެ ބައެއް ސަރަހައްދުތަކުގައި ފޮގް ކުރުމުގެ ހަރަކާތްތަކެއްވެސް ކުރިއަށް ގެންދާ ކަމަށް އޭނާ ވިދާޅުވިއެވެ. އެގޮތުން ހުޅުމާލޭގައި ހުރި ކޮންސްޓްރަކްޝަން ސައިޓްތަކުގައި މަދިރި އުފެދޭ ގޮތަށް ހުރި 76 ތަނަކަށް އިއްޔެކެމިކަލް ޖަހައި މަދިރި އުފެދޭ ތަންތަން ނައްތާލާފައިވާ ކަމަށްވެސް ފާތިހު ވިދާޅުވި އެވެ.
We are working closely with relevant authorities to educate the public about the influenza outbreak, by distributing awareness materials. pic.twitter.com/fZUf4oJpRM
— HDC (@hdcmaldives) March 16, 2017
އިންފްލުއެންޒާއާ ގުޅިގެން އާންމުކޮށް އެންމެ ބޮޑު ވަރު ވަނީ ސިއްހީ މައްސަލަތައް ހުންނަ ފަރާތްތަކަށް. އެހެންވެ އަޅުގަނޑުމެން ނިންމީ އެފަދަ ބޭފުޅުން މަސައްކަތުގެ މާހައުލަށް ނުގެނެސް ޗުއްޓީ ދިނުމަށް. މީގެ އިތުރުންވެސް ބައެއް ހަރަކާތްތައް އެބަ ކުރިއަށް ގެންދަން ހުޅުމާލޭގައި ބަލި ފެތުރިޔަނުދިނުމަށް
ޓީވީއެމްގައި ވާހަކަފުޅު ދައްކަވަމުން އޭޑީކޭ ހޮސްޕިޓަލުގެ ޗީފް މެޑިކަލް އޮފިސަރު ޑރ. ނިޔާފު ވިދާޅުވީ ރާއްޖޭގައި ކުރިން ނުފެތުރޭ ވަރަށް އެޗްވަންއެންވަން ފެތުރެމުންދާތީ، މި ދަނޑިވަޅަކީ ހާއްސަ ހާލަތެއް ކަމަށް. އަދި އެ ބަލި ފެތުރެމުންދާ ގޮތުން ބަލި ކޮންޓްރޯލު ކުރެވޭނެ ކަމުގެ ޔަގީންކަމެއް ނެތް ކަމަށް.
ޑރ. ނިޔާޒު ވިދާޅުވީ ރާއްޖޭގައި މި ދުވަސްކޮޅު ފެތުރެމުންދާ އެޗްވަންއެވަންއަށް "ސުވަން ފުލޫ" ކިޔުމަކީ އެންމެ އެކަށީގެންވާ ގޮތެއް ނޫން ކަމަށް. އޭނާ ވިދާޅުވީ ސުވައިން ފުލޫއަކީ އޫރުގެ ބައްޔެއް ކަމަށާއި އިންސާނުންނަށް އެ ބަލި ޖެހުނީ އޫރުގެ ޒަރިއްޔާއިން ކަމަށް. ދެހާސްނުވަ ވަނަ އަހަރު އެ ބަލި ދުނިޔޭގައި ފެތުރެން ފެށުމުމުން އެ ބައްޔަށް ކިޔަން ފެށީ "ސުވައިން ފުލޫ" ކަމަށް ނިޔާފު ވިދާޅުވި.
ނަމަވެސް މިހާރު އެ ބައްޔަކީ އެކަކު އަނެކެއްގެ ގައިން އިންސާނުންގެ މެދުގައި ފެތުރޭ ބައްޔެއް ކަމަށާއި އެ ބައްޔަކީ "ހިއުމަން ފުލޫ" އެއް ކަމަށް ޑޮކްޓަރު ވިދާޅުވި. އޭނާ ވިދާޅުވީ އެ ބައްޔަށް "ސުވައިން ފުލޫ" ކިޔުން އުވިގެން ނުދާ ކަމަށާއި އަދި އެ ނަން ކިޔުން ވެސް މަނަލެއް ނޫން ކަމަށް.
އެޗްވަން އެންވަން ވައިރަސްއާ ގުޅިގެން މީހުން ހޭލުންތެރިކުރުވުމަށްޓަކައި މޯލްޑިވިއަން ރެޑް ކްރެސެންޓުން ކުރަމުންދާ މަސައްކަތުގައި އެހީތެރިވެދިނުމަށް ވިލިމާލޭގައި 270 އަށް ވުރެ ގިނަ ބިދޭސީން ބައިވެރިވެއްޖެ
އަތޮޅުތަކުގައި ތިބި މާބަނޑު މީހުންނަށް އިންފުލުއެންޒާ ފުލޫ ވެކްސިން ފޮނުވުމުގެ މަސައްކަތް ކުރަމުންދާ ކަމަށް އެޗްޕީއޭއިން ބުނެފި.
މާ ލަސްތަކެއް ނުވެ އަތޮޅުތަކުގެ މާބަނޑު މީހުންނަށް ވެސް ފުލޫ ވެކްސިން ލިބިގެންދާނެ
ރާއްޖޭގައި ހަލުވިކަމާއެކު ފެތުރެމުންދާ އިންފުލުއެންޒާ ރޯގާ، އެޗްވަންއެންވަން ޖެހޭ މީހުންގެ އަދަދު އިތުރުވަމުންދިޔަ ނަމަވެސް އުއްމީދަކީ ހަފްތާއެއްގެ ތެރޭގައި ރޯގާ ކޮންޓްރޯލް ކުރެވިގެން ދިއުން ކަމަށް ހެލްތު މިނިސްޓަރު އަބްދުﷲ ނާޒިމް އިބްރާހިމް ވިދާޅުވެއްޖެ.
އުމްރާއަށް ދާ މީހުން ބޭނުންކުރާ ވެކްސިން. އެއީ ޕްރޮޓެކްޝަނަށް ޖަހާ އެއްޗެއް. ފުލޫ ކްލިނިކްގައި ތިބޭ ބޭފުޅުންނަށް ވެސް މިރޯގާގެ ވެކްސިން ވަނީ ދީފައި. އަދި މިހާރު އަޅުނގަޑުމެން މިގެންދަނީ މާބަނޑު މީހުންނަށް ވެކްސިން ދެމުން. ޓެކްނިކަލް ޓީމުން ސްޓޭޖަކަށްފަހު ސްޓޭޖަކަށް ދަނީ އެޓެންޑްވަމުން،"
ރާއްޖޭގައި ހަލުވި ކަމާއެކު ފެތުރެމުންދާ ހުމުގެ ސަބަބުން މާބަނޑު މީހުންނަށް ނުރައްކާ ބޮޑުކަމަށްވާތީ، އެސްޓީއޯ އާއި އެ ކުންފުނީގެ ސަބްސިޑަރީ ކުންފުނިތަކުގެ މާބަނޑު މުވައްޒަފުންނަށް ޗުއްޓީ ދީފިއެވެ.
އެ ކުންފުނީގެ ސަބްސިޑަރީ އަށް ކުންފުންޏެއް އޮންނަ އިރު، އޭގެ ތެރެއިން ރާއްޖޭގައި ހިންގާ ހަތް ކުންފުނީގެ މާބަނޑު މުވައްޒަފުންނަށް ވަނީ ޗުއްޓީ ދީފަ އެވެ.
އެސްޓީއޯގެ ސަބްސިޑަރީ ކުންފުނިތައް:
މާލޭގެ އެކި ސަރަހައްދުތަކުގައި ރޯގާއަށް ފަރުވާ ދިނުމުގެ ގޮތުން އޭޑީކޭއިން ކުރިއަށް ގެންދާ ހަރަކާތުގެ ދަށުން ހުޅުމާލެ ފެރީ ޓާމިނަލް ސަރަހައްދުގައި މޮބައިލް ފުލޫ ކުލިނިކެއްގައި ފަރުވާ ދެނީ.
ހުޅުމާލެ ފެރީ ޓާމިނަލް ސަރަހައްދުގައިވާ މޮބައިލް ފުލޫ ކްލިނިކުން ފަރުވާ ދިނީ މިއަދު ހަވީރު 4:00 އިން އިރުއޮއްސި 6:00އަށް. އަދި މިރޭ 8:00 އިން 10:00އަށް ލޯކަލް މާރުކޭޓު ސަރަހައްދުގައި ވެސް ރޯގާއަށް ފަރުވާ ދިނުމުގެ އިންތިޒާމު ހަމަޖައްސާނެ.
އޭޑީކޭއިން ހ. ސޯސަން ގޭގައި ހިންގާ ފްލޫ ކްލިނިކްގައި ވޮލަންޓިއާކޮށް މަސައްކަތް ކޮށްދޭނެ ނަރުހުންނާއި އެޑްމިނިސްޓްރޭޓިވް އެސިސްޓެންސް ފޯރުކޮށްދޭނެ ފަރާތްތައް ހޯދަން އިއުލާންކޮށްފި.
ނަރުހުން ކުރަން ޖެހޭ މަސައްކަތަކީ އަންނަ ބަލި މީހުންގެ ވައިޓަލްސް ޗެކް ކުރުމާއި ބަލިމީހުންގެ މެޑިކަލް ހިސްޓްރީ ޗެކް ކުރުން.
އިދާރީ އެހީ ހޯދުމަށް ބޭނުންވާ ވޮލަންޓިއަރުން ކުރަން ޖެހޭ މަސައްކަތަކީ ބަލިމީހުންގެ ލިސްޓު އަޕްޑޭޓުކޮށް ބެލެހެއްޓުން.
މަސައްކަތުގައި އުޅެން ޖެހޭނީ ދުވާލަކު ދެ ގަޑިއިރާއި ހަ ގަޑިއިރާ ދެމެދުގެ މުއްދަތަކަށް ޝިފްޓް ޑިއުޓީ އުސޫލުން. ބޭނުން ގަޑިއެއް ހަމަޖެއްސޭނެ ކަމަށް އޭޑީކޭއިން ބުނޭ.
ރާއްޖޭގައި ފެތުރެމުންދާ އިންފުލުއެންޒާ ރޯގާގެ ސަބަބުން އެމްޕީއެލްގައި މަސައްކަތްކުރާ މާބަނޑު މީހުންނަށް މުސާރައާއި އިނާޔަތް ލިބޭ ގޮތަށް ވަކި ގޮތެއް އަންގަންދެން ވަޒީފާ އަށް ނުނިކުމެ ގޭގައި ތިބުމަށް އަންގައިފި
އެމްޕީއެލްގެ ނެރުނު ބަޔާނެއްގައި ބުނެފައިވަނީ، އެގޮތަށް ނިންމީ މިހާރު ފެތުރެމުންދާ ރޯގާގެ ނުރައްކާތެރިކަން އެންމެ ބޮޑު އެއް ކެޓަގަރީގައި މާބަނޑު މީހުން ހިމެނޭތީ ކަމަށް
އަދި ގޭގައި ތިބުމަށް އަންގާފައިވާ މުއްދަތުގެ ތެރޭގައި އޮފީހުގެ މަސައްކަތް ނުކުރި ނަމަވެސް އޮފީހުން އެހީތެރިކަމަށް އެދިއްޖެނަމަ އެކަން ކުރެއްވުމަށް ވެސް ބަޔާނުގައި ބުނެފައިވޭ
ހަލުއިކަމާއެކު ފެތުރެމުންދާ އެޗްވަންއެންވަން އިންފުލުއެންޒާގެ ނުރައްކާ އެންމެ ބޮޑު މީހުންގެ ތެރޭގައި މާބަނޑު މީހުން ހިމެނޭތީ، ޝަރުޢީ ދާއިރާގައި މަސައްކަތްކުރައްވާ މާބަނޑު މުވައްޒަފުން މިއަދުން ފެށިގެން މަސައްކަތަށް ނުކުންނަ ނުޖެހޭ ގޮތަށް އުއްތަމަ ފަނޑިޔާރު ޢަބްދުﷲ ސަޢީދު ނިންމަވައިފި.
ރާއްޖޭގައި ހަލުވިކަމާ އެކު ފެތުރެމުންދާ އިންފުލުއެންޒާ ރޯގާ ފެތުރެމުންދާތީ، މާލޭގެ އެކި ސަރަހައްދުތަކުން ފުލޫ ކުލިނިކުގެ ހިދުމަތް ދިނުމަށް އޭޑީކޭ މޯބައިލް ފުލޫ ކުލިނިކް ތައާރަފްކޮށްފި އެވެ.
މާލޭގައި ހުންނަ އެންމެ ބޮޑު ޕްރައިވެޓް ހޮސްޕިޓަލް، އޭޑީކޭ އިން މިހާރު ވެސް ގެންދަނީ ގައުމީ ޔުނިވާސިޓީގެ ފެކަލްޓީ އޮފް ހެލްތު ސައިންސް ހިންގާ އިމާރާތުގައި ވެސް ފުލޫ ކުލިނިކެއް ހުޅުވައި ހިދުމަތް ދެމުންނެވެ.
އޭޑީކޭ ހޮސްޕިޓަލުން މިއަދު ބުނީ، އެ ހޮސްޕިޓަލްގެ މޯބައިލް ފުލޫ ކުލިނިކުގެ ހިދުމަތް މިއަދު ދެ ތަނުން ދޭނެ ކަމަށެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ނެރެފައިވާ އެލާޓް އުވާލަންދެން ހިއުމަންރައިޓްސް ކޮމިޝަން (އެޗްއާރްސީއެމް) ގައި މަސައްކަތްކުރާ މާބަނޑު އަންހެނުން އޮފީހަށް ނުނިކުންނަގޮތަށް ހަމަޖައްސައިފި
މިޑްޓާމް ބަންދާއި ދިމާކޮށް ގައުމީ އެއާލައިންް މޯލްޑިވިއަންއިން ނަގާފައި ހުރި ޓިކެޓްތައް ބައެއް ފަރާތްތަކުން ކެންސަލް ކުރަމުން އަންނަ ކަމަށް އެއެއާލައިންއިން ބުނެފިއެވެ.
ހެލްތް ޕުރޮޓެކްޝަން އެޖެންސީ(އެޗްޕީއޭ)އިންް ވަނީ މިހާރު ފެތުރޭ ރޯގާ އިތުރަށް ފެތުރުނަ ނުދިނުމަށްޓަކައި އެއްތަނުން އަނެއް ތަނަށް ދަތުރު ނުކުރުމަށާއި ގޭގައި ތިބުމަށް އިލްތިމާސްކޮށްފައެވެ.
މާލެއާއި އަތޮޅު ތެރޭގައި މިހާރު ފެތުރެމުންދާ އިންފުލުއެންޒާ ރޯގާއާ ގުޅިގެން އިތުރު ފަރުވާއަށް އައިޖީއެމްއެޗުގައި ގިނައިން އެޑްމިޓް ކޮށްފައި ވަނީ ކުޑަކުދިން ކަމަށް އެ ހޮސްޕިޓަލުން ބުނެފި އެވެ.
އައިޖީއެމްއެޗުން މިއަދު އާންމުކުރި ބަޔާނެއްގައި ބުނެފައި ވަނީ އެ ހޮސްޕިޓަލުގައި އެޑްމިޓްކޮށްގެން މި ރޯގާގައި މިހާތަނަށް 48 މީހަކަށް ފަރުވާ ދީފައިވާ ކަމަށެވެ. އޭގެ ތެރޭގައި 24 ކުޑަކުދިން ހިމެނޭ ކަމަށް އައިޖީއެމްޗުން ބުންޏެވެ.
ޑޮކްޓަރުން ގެންގުޅޭނެ ޗެކްލިސްޓެއް. ޗެކްލިސްޓުގައި ހުންނަ ވަކި ކަންކަމެއް ފާހަގަކުރެވުނީ ޓެސްޓް ހަދަން ޑޮކްޓަރުން އިރުޝާދު ދޭނީ،
މާފުށީ ޖަލު ---ސަން ފޮޓޯ// ފަޔާޒު މޫސާ
ހިއުމަން ރައިޓްސް ކޮމިޝަންގެ މުވައްޒަފަކަށް ނުވަތަ މުވަޒަފުގެ އާއިލާގެ މެންބަރަކަށް، އިންފުލުއެންޒާ ޖެހިއްޖެ ނަމަ، އެ މުވަައްޒަފަކު އޮފީހަށް ނުނިކުންނަ ގޮތަށް އެ ކޮމިޝަނުން ހަމަޖައްސައިފި.
ހަލުވިކަމާ އެކު ރާއްޖޭގައި ފެތުރެމުންދާ އެޗްވަން އެންވަން އިންފުލުއެންޒާ ރޯގާ އާ ގުޅިގެން އިލެކްޝަންސް ކޮމިޝަނުގައި މަސައްކަތް ކުރާ މާބަނޑު އަންހެނުންނަށް ޗުއްޓީދީފި އެވެ.
މާބަނޑު މީހުންނަށް ރޯގާ ޖެހިއްޖެ ނަމަ ސީރިއަށް ހާލަތަށް ދިއުމުގެ ނުރައްކާ އޮތް ކަމަށް ޑޮކްޓަރުން ދަނީ ފާހަގަކުރަމުންނެވެ.
އިލެކްޝަންސް ކޮމިޝަނުގެ މެމްބަރު އަހުމަދު އަކްރަމް ވިދާޅުވީ އެ ކޮމިޝަނުގައި މަސައްކަތް ކުރާ ޕާޓް ޓައިމް ވިޔަސް ފުލް ޓައިމް މާބަނޑު މީހެއް ނަމަވެސް ޗުއްޓީ ދީފައިވާ ކަމަށެވެ. ނަމަވެސް އެ ކޮމިޝަނުގައި މަސައްކަތް ކުރަނީ ކިތައް މާބަނޑު މީހުން ކަމެއް އޭނާ ވިދާޅެއް ނުވެ އެވެ.
އަތޮޅުތަކުގައި ވެސް އެޗްވަންއެންވަންއަށް ޓެސްޓް ކުރަން ސާމްޕަލް ނަގަން ޖެހިއްޖެ ފަރާތެއްގެ ސާމްޕަލް ނެގޭނެގޮތް ހަމަޖައްސައިދޭނެ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނެފި.
ހަލުވިކަމާ އެކު މިހާރު ފެތުރެމުންދާ އެޗްވަން އެންވަން އިންފުލުއެންޒާ ވައިރަހަށް ޕޮސިޓިވްވި ފ. ނިލަންދޫ 51 އަހަރުގެ އަންހެނަކު ނިޔާވެއްޖެ އެވެ.
އައިޖީއެމްއެޗުގައި ފަރުވާދެމުން ދަނިކޮށް ނިޔާވެފައި ވަނީ ފ. ނިލަންދޫ ބުރުނީގެ، ފާތިމަތު އިސްމާއިލް، 51، ކެވެ.
އެ އަންހެން މީހާ ނިޔާވެފައި ވަނީ ރޭގެ ވަގުތެއްގަ އެވެ. އެނގިފައިވާ ގޮތުން ފާތިމަތު އައިޖީއެމްއެޗަށް ގެންދިޔައީ ކިޑްނީގެ މައްސަލަތަކެއް ހުރެގެންނެވެ.
ހަލުވި ކަމާއެކު މުޅި ރާއްޖޭގައި ފެތުރެމުންދާ އެޗްވަންއެންވަން ނުވަތަ ސުވައިން ފްލޫއާ ބެހޭ މައުލޫމާތު ސިއްހީ ދާއިރާއިން އޮޅުވާލައި ރައްޔިތުންނަށް ހަގީގަތް ހާމަނުކޮށް ތިބެން ޖެހޭ، އެއްވެސް ސަބަބެއް ނެތް ކަމަށް ހެލްތު މިނިސްޓަރު ހެލްތު މިނިސްޓަރު އަބްދުﷲ ނާޒިމް ވިދާޅުވެއްޖެ އެވެ.
"ޗެނަލް 13"ގައި ވާހަކަފުޅު ދައްކަވަމުން މިނިސްޓަރު ނާޒިމް ރޭ ވިދާޅުވީ މިހާރު ރާއްޖޭގައި ފެތުރެމުންދާ ރޯގާ ހެލްތު މިނިސްޓްރީގެ ސަމާލު ކަމަށް އައި ހިސާބުން ފެށިގެން ކަމާ ބެހޭ ފަރާތްތަކުގެ އެހީގައި ފިޔަވަޅު އަޅަން ފަށާފައިވާނެ ކަމަށާއި އެއްވެސް ކަމެއްގައި އޮޅުވާލާފައި ނުވާނެ ކަމަށެވެ.
"ހެލުތު ދާއިރާއިން ހެލްތުގެ ކަމެއްގައި އޮޅުވާލަން ޖެހޭ އެއްވެސް ކަމެއް ނެތޭ. އަޅުގަނޑުމެންގެ ތަފާސްހިސާބުތައް ބެލެހެއްޓުމާއި ތަފާސްހިސާބު ރައްޔިތުންނަށް އޮޅުން ފިލިވައި ދިނުމުގެ ނިޒާމް އެއަށްވުރެން ހަރުދަނާކޮށް ތަރުތީބު ކުރެވިފައިވޭ. އެހިސާބްތައް ބައްލަވަން ބޭނުންފުޅު ބޭފުޅަށް ލިބޭނެ ގޮތް އަޅުގަނޑުމެންގެ އެބަހުރި،" މިނިސްޓަރު ވިދާޅުވި އެވެ.
ގދ. ތިނަދޫ ހޮސްޕިޓަލުގައި ފަރުވާދެމުން ގެންދާ މާބަނޑު އަންހެނަކު ސުވައިން ފުލޫ ޖެހިފައިވާ ކަމަށް ޝައްކު ކުރެވިގެން، މާލެ ގެންނަން ނިންމައިފި.
ސުވައިން ފުލޫއަށް ޝައްކު ކުރެވޭ ހަތަރު މީހަކަށް ތިނަދޫގައި ހުންނަ އައްބުއްސަމަދު މެމޯރިއަލް ހޮސްޕިޓަލުން ދަނީ ފަރުވާދެމުން.
އެ އަދަދަކީ ސްވަން ފުލޫއަށް ޝައްކު ކުރެވިގެން އިއްޔެގެ ނިޔަލަށް ޓެސްޓު ކުރި 279 މީހުންގެ ތެރެއިން ޕޮޒިޓިވްވި އަދަދު.
އެޗްޕީއޭއިން މިއަދު އާންމު ކުރި ތަފާސްހިސާބުތަކުން ދައްކާ ގޮތުން ޓެސްޓު ކުރި މީހުންގެ ތެރެއިން އިއްޔެ އެކަނި ވެސް ސުވައިން ފުލޫ ޖެހުނު މީހުންގެ އަދަދު 31 އަރާ. އަދި ފަރުވާއަށް އެދުނު މީހުންގެ އަދަދު އިއްޔެ އެކަނިވެސް 2314އަށް އަރާފައިވޭ.
ތަފާސްހިސާބުން ދައްކާ ގޮތުން އެންމެ ބޮޑަށް ހުމާއި ރޯގާ ފެތުރޭ އަތޮޅަކީ ރ. އަތޮޅު. ރ. އަތޮޅުން 157 މީހަކު ފަރުވާއަށް އެދިފައިވޭ.
އިއްޔެ ފަރުވާއަށް އެދުނު މީހުންގެ އަދަދު:
އިއްޔެ އެޑްމިޓް ކުރި އަދަދު:
ސުވައިން ފުލޫގެ ނުރައްކާ މާބަނޑު މީހުންނަށް އޮތުމާ ގުޅިގެން، ރާއްޖޭގެ ގައުމީ ޔުނިވާސިޓީ (އެމްއެންޔޫ)ގައި މަސައްކަތް ކުރާ މާބަނޑު މުވައްޒަފުން ވަގުތީ ގޮތުން ވަޒީފާއަށް ނުކުންނަށް ނުޖެހޭ ގޮތަށް އަންގައިފި އެވެ.
އެމްއެންޔޫގެ މާބަނޑު މުވައްޒަފުން ވަޒީފާއަށް ނުކުންނަށް ނުޖެހޭ މުއްދަތެއްގެ ވަނީ ކަނޑާއަޅާފަ އެވެ. އެއީ މާދަމާއިން ފެށިގެން އަންނަ ހަފްތާގެ ބުރާސްފަތި ދުވަހުގެ ނިޔަލަށެވެ.
އެ ނިންމުން ނިންމީ ގައުމީ ޔުނިވަސިޓީގެ ވައިސް ޗާންސެލަރު ޑރ. އަލީ ފަޔާޒު ޝަރީފު ސޮއި ކުރައްވައި ޔުނިވަސިޓީގެ ހުރިހާ ފެކްޓީތަކަށް މިއަފު ފޮނުއްވެވި މެމޯއެއްގަ އެވެ.
މަހަރަޝްޓްރާ ސްޓޭޓު: މުޅި ސްޓޭޓުން ސްވައިން ފްލޫގެ 100 އަށް ވުރެ ގިނަ ކޭސް ފެނިފައިވޭ. ޖުމްލަ 26 މީހަކު ބަލީގައި މަރުވެފައިވާ އިރު، މާޗު މަހު އެކަނިވެސް 16 މީހަކު މަރުވެފައިވޭ. އެންމެ ގިނައިން މީހުން މަރުވެފައިވަނީ ޕޫނޭ ސިޓީއިން. ނާގްޕޫރު ސިޓީއިން ސްވައިން ފްލޫ ޖެހިގެން 46 އަހަރުގެ މީހަކު މަރުވެފައިވޭ. އަދި މިދިޔަ 10 ދުވަސް ތެރޭގައި ތިން މީހަކު ޕޮޒިޓިވްވި ކަމަށް ދައްކާ.
ރާޖަސްތާން ސްޓޭޓު: މިހާތަނަށް ހަތަރު މަރު. އަށްޑިހަ މީހަކު ޓެސްޓު ކޮށްައިވާ އިރު، 16 މީހަކު ސްވައިން ފްލޫއަށް ޕޮޒިޓިވް ކަމަށް ދައްކާ. އިއްޔެ ޖައިޕޫރު ސިޓީއިން ދެ މީހަކު ވަނީ ޕޮޒިޓިވް ވެފައި.
ގުޖުރާތު ސްޓޭޓު: ރާޖުކޮތު ސިޓީއިން މިދިޔަ ދެ ހަފްތާ ތެރޭގައި ދެ މީހަކު ސްވައިން ފްލޫގައި މަރުވި.
ޓެމިލް ނާޑޫ: މިހާތަނަށް 1،000 އާށް ވުރެ ގިނަ މީހުން ސްވައިން ފްލޫއަށް ޕޮޒިޓިވް ކަމަށް ދައްކާފައިވޭ. ފެބްރުއަރީ 17 އާ ހަމައަށް ނުވަ މީހަކު މަރުވި. އިއްޔެ ސޫތުކުޅިން 68 އަހަރުގެ އަންހެނަކު ވަނީ ސްވައިން ފްލޫ ޖެހިގެން މަރުވެފައި.
ތެލަންގަނާ ސްޓޭޓު: މިއަހަރުގެ މިހާތަނަށް 27 މީހަކު ސްވައިން ފްލޫއަށް ޕޮޒިޓިވް ކަމަށް ދައްކާ. މިދިޔަ އަހަރުގެ އޯގަސްޓު މަހުން ފެށިގެން މިއަދާ ހަމައަށް އެ ސްޓޭޓުން ސްވައިން ފްލޫ ޖެހިގެން 11 މީހަކު މަރުވި.
ކަރުނާޓަކާ ސްޓޭޓު: ސްވައިން ފްލޫގައި މިއަހަރު ކަރުނާޓަކާ ސްޓޭޓުން ހަތް މީހަކު މަރުވެފައިވޭ. އަދި ފެބްރުއަރީ މަހުގެ ފަހުކޮޅުން ފެށިގެން މިއަދާ ހަމައަށް 300 އާ ގާތްކުރާ އަދަދަކަށް މީހުން ޕޮޒިޓިވް ވެފައިވޭ.
ނާގްޕުރް ސިޓީ: މިހާތަނަށް މި ސްޓޭޓުން އެކަކު މަރުވެ، ތިން މީހަކު ވަނީ ސްވައިންފްލޫއަށް ޕޮޒިޓިވް ވެފަ. އިތުރު ހަ މީހެއްގެ ގައިން ބަލީގެ އަލާމާތްތައް ފެންނަން ވަނީ ފަށާފައި.
މިހާރު ހަލުވިކަމާ އެކު ރާއްޖޭގައި ފެތުރެމުން އަންނަ ސުވައިން ފްލޫއާ ގުޅިގެން ސަރުކާރުން ފިޔަވަޅުއަޅާތޯ ބަލައިދިނުމަށް ރައްޔިތުންގެ މަޖިލީހުގެ ކިނބިދޫ ދާއިރާގެ މެމްބަރު އަބްދުﷲ ރިޔާޒު ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމެޓީ އަށް މައްސަލައެއް ހުށަހަޅައިފި އެވެ.
ރިޔާޒު ހުށަހެޅުއްވި މައްސަލާގައި ވަނީ ސުވައިން ފްލޫ ޖެހިފައިވާ މީހަކު ދާދިފަހުން މަރުވެފައިވާ އިރު ސުވައިން ފްލޫ ޖެހިގެން މާބަނޑު އަންހެނަކާއި ކުޑަކުއްޖެއްގެ ހާލު ސީރިއަސް ކަމަށް މައުލޫމާތު ލިބިފައިވާ ކަމަށެވެ. އެހެންކަމުން ހަލުވިކަމާ އެކު ސުވައިން ފްލޫ ފެތުރެމުންދާ ދިޔުން ހުއްޓުވުމަށް ސަރުކާރުން ފިޔަވަޅު އަޅާތޯ ބަލައިދިނުމަށް ރިޔާޒު ވަނީ އެ ކޮމެޓީގައި އެދިވަޑައިގެންފަ އެވެ.
އައިޖީއެމްއެޗުން މާބަނޑު މީހުންނަށް މިއަދު ވެކްސިން ޖަހައިދޭ މުއްދަތު އިތުރުކޮށްފި. އެ ހޮސްޕިޓަލުން ބުނީ މިއަދު ހަވީރު ހަޔަކާ ހަމައަށް މާބަނޑު މީހުންނަށް އިންފްލުއެންޒާ ވެކްސިން ޖަހައިދެމުން ދާނެ ކަމަށް. ނަމަވެސް މާދަމާއިން ފެށިގެން ވެކްސިން ޖަހައިދޭނީ ކުރިން ކަނޑައެޅި ގަޑިއާ އެއްގޮތަށް ހެނދުނު އަށަކުން ހަވީޜު ހަތަރަކަށް.
މާބަނޑު މީހުންނަށް އިންފްލުއެންޒާ ވެކްސިން އޭޑީކޭއިން ވެސް ޖަހަން ފަށަނީ އޭޑީކޭއިންވެސް މާބަނޑު މީހުންނަށް އިންފްލުއެންޒާ ވެކްސިން ޖަހަން ފަށަން ނިންމައިފި. އެ ހޮސްޕިޓަލުގެ ޗީފް މެޑިކަލް އޮފިސަރު ޑރ. އަބްދުﷲ ނިޔާފް މިއަދު ވިދާޅުވި ގޮތުން ވެކްސިން ޖެހުމުގެ ކަންކަން މިއަދުން ފެށިގެން އެ ހޮސްޕިޓަލުން ކުރިޔަށް ދާނެ ކަމަށް. ވެކްސިން ދިނުން ކުރިޔަށް ދާނީ އޭޑީކޭ ހޮސްޕިޓަލުގެ ދެވަނަ ފަންގިފިލާގައި ހުންނަ ވެކްސިނޭޝަން ރޫމުން، ހުކުރު ދުވަސް ނޫން ކޮންމެ ދުވަހެއްގެ މެންދުރު ފަހު ތިނަކުން ހަވީރު ހަޔަކަށް.
ރާއްޖޭގައި އެޗްވަންއެޗްވަން ވައިރަސް ފެތުރެމުންދާ ހާލަތަށް ބަލާއިރު، ސާޖިކަލް މާސްކަކީ އެ ވައިރަސް ހަށިގަނޑަށް ވާސިލުވުމުން މުޅީން ރައްކާތެރިކޮށްދޭނެ އެއްޗެއް ނޫނެވެ.
ވައިރަހަކީ އޭގެ ޒާތުގައި ވަރަށް ކުޑަ އެއްޗަކަށް ވެފައި، މާސްކުގައި ހުންނަ ލޯވަޅުތަކުގެ އެތެރެއިން ވައިރަހަށް ދަތުރުކުރެވޭނެ އެވެ.
އެހެންކަމުން، ބަލި ނުޖެހޭ މީހަކު މާސްކު އެޅިޔަސް، ވައިރަހަށް މާސްކުގެ ތެރެއަށް ވަނުމުގެ ފުރުސަތު އޮންނާނެ އެވެ.
އެހެން ނަމަވެސް ބަލި ޖެހިފައިވާ މީހަކު އެ މާސްކު އަޅައިގެން ހުރެއްޖެ ނަމަ ބަލި ފެތުރުމަށް ކޮންމެވެސް ވަރެއްގެ ހުރަހަކަށް ވާނެ އެވެ.
"ކިނބިއްސެއް އަޅާ އިރު ނުކުމެގެންދާ ކުޅުތިކިތަކުގެ ސައިޒު، ވައިރަހަށް ވުރެ ބޮޑުވާނެ. އެ މާސްކުގެ ލޯވަޅުތަކުން ދިއުމުގެ ފުރުސަތު ކުޑަވާނެ. ބަލި ޖެހިފައި ހުރި މީހަކު މާސްކު އަޅައިފި ނަމަ އޭނާގެ ފަރާތުން ވައިރަސް ބޭރަށް ފެތުރުމުގެ ފުރުސަތު ދަށްވުމުގެ ޗާންސު އެބަ އޮތް،" އޭޑީކޭ ހޮސްޕިޓަލުގެ ޗީފް މެޑިކަލް އޮފިސަރު ޑރ. އަބްދުﷲ ނިޔާފް "ސަން"އަށް ވިދާޅުވި އެވެ.
އެޗްވަންއެންވަންއަށް ޕޮޒިޓިވް މީހުންގެ އަދަދަށް ބަދަލު އައިސްފައިވާ ކަމަށާއި މިއަދުގެ ވަގުތެއްގައި އާ އަދަދުތައް ހާމަކުރާނެ ކަމަށް ހެލްތު ޕްރޮޓެކްޝަން އޭޖެންސީއިން ބުނެފި. އެ އޭޖެންސީގެ ޑިރެކްޓަރު މައިމޫނާ އަބޫބަކުރު "ސަން"އަށް ވިދާޅުވީ އަދަދުތަކަށް ބަދަލު އައިސްފައިވާ ކަމަށާއި އެ އަދަދުތައް މިއަދުގެ ވަގުތެއްގައި ނޫސްބަޔާނެއް މެދުވެރިކޮށް ހާމަކުރާނެ ކަމަށް.
ރާއްޖޭގައި ފެތުރެމުންދާ ހުމާއި ރޯގާ، ބާރު މިނެއްގައި ފެތުރެމުންދާތީ، ކޮންސްޓްރަކްޝަން ސައިޓުތަކުގައި އެޗްޕީއޭގެ ގައިޑްލައިނާ އެއް ގޮތްވާ ގޮތުގެ މަތިން ފިޔަވަޅު އެޅުމަށް ކޮންސްޓްރަކްޝަން ކުންފުނިތަކުގެ ޖަމިއްޔާ، މޯލްޑިވްސް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީން އިލްތިމާސްކޮށްފި އެވެ.
Influenza vaccination to pregnant ladies will be give from IGMH RHC from 8am to 4pm. Bring id card and pregnancy card along. @HPA_MV
— IGMH (@igmhmv) March 15, 2017
ރޯގާ ޖެހިގެން ވޭތުވެދިޔަ ހަތަރު ދުވަހު އައިޖީއެމްއެޗްއިން 1098 މީހަކު ފަރުވާ ހޯދާފައިވާ ކަމަށް އެހޮސްޕިޓަލްއިން ބުނެފިއެވެ.
ހުމާއި ރޯގާ ފެތުރުން އާންމުވެފައިވާތީ އައިޖީއެމްއެޗްއިން ވަނީ މިދިޔަ ހޮނިހިރު ދުވަހު ފުލޫ ކްލިނިކް އެއް ހުޅުވާފައެވެ. އެކުލިނިކް މިހާރު ތާޖުއްދީން ސުކޫލަށް ބަދަލުކޮށް އެތަނުން އެސްޓީއޯ ބޭސް ލިބޭނެ އިންތިޒާމްތައްވެސް ވަނީ ހަމަޖައްސާފައެވެ.
ރޯގާ ޖެހިގެން ޑޮކްޓަރަށް ދެއްކުމަށް ގިނަ އަދަދެއްގެ ބަޔަކު ފުލޫ ކުލިނިކަށް(ތާޖުއްދީން ސުކޫލް) އަށް ދަނީ އަންނަމުންނެވެ.
އެސުކޫލުގައި އެސްޓީއޯގެ ބޭސް ފިހާރައެއްވެސް ވަނީ ހުޅުވާފައެވެ.
"އަދިވެސް ގިނަ އަދަދެއްގެ ބަޔަކު ޑޮކްޓަރަށް ދައްކަން އެބައާދޭ، ރޯގާއަށް ފަރުވާދޭން ތާޖުއްދީން ސުކޫލުގެ ފުލޫ ކުލުނިކް ހުންނާނީ 24 ގަޑިއިރަށް ހުޅުވާފަ،"
ސަން"އަށް އެނގިފައިވާ ގޮތުގައި، ސިޒޭރިއަން ހަދާފައި ވަނީ އިތުރު ފަރުވާއަށް އިއްޔެ މާލެ ގެނައި މާބަނޑު މީހާއެވެ. އޭނާ ގެނައީ ހދ. ކުޅުދުއްފުށިންނެވެ.
އެނގިފައިވާ ގޮތުގައި، އޭނާ ވިހެއީ ބަނޑަށް ހަ މަހުގައެވެ.
މާލެ އާއި އަތޮޅުތަކުގައި ހަލުވި ކަމާއެކު ފެތުރެމުންދާ ހުމާއި ރޯގާއާ އެކު އެޗްވަންއެންވަން ނުވަތަ ސުވައިން ފުލޫ ވެސް ފެތުރެމުންދާތީ ރާއްޖޭގެ ހުރިހާ މިސްކިތެއްގައި 'ގުނޫތު ނާޒިލާ' ކިޔުމަށް އިސްލާމިކް މިނިސްޓްރީން އަންގައިފި އެވެ.
އިސްލާމިކް މިނިސްޓްރިން އެންގީ މާދަމާގެ މަޣުރިބު ނަމާދުން ފެށިގެން ރާއްޖޭގެ ހުރިހާ މިސްކިތެއްގައި އަޑުހަރުކޮށް ކިޔަވާ ނަމާދުތަކުގެ ފަހު ރަކުޢަތުގެ އިޢުތިދާލުގައި ގުނޫތު ކިޔުމަށެވެ.
މާދަމާ (15 މާޗް 2017) އިން ފެށިގެން އޭޑީކޭ ހޮސްޕިޓަލްގެ ހުން އަދި ރޯގާ ކްލިނިކުގެ ހިދުމަތްތައް ފެކަލްޓީ އޮފް ސައިންސް، ގައުމީ ޔުނިވާސިޓީ (ސޯސަންމަގު) އިން ހިލޭ ލިބެން ހުންނާނެއެވެ. ކްލިނިކް ހުޅުވިފައި ހުންނާނީ ހެނދުނު 10:00 އިން ރޭގަނޑު 10:00 ށެވެ.
ތާޖުއްދީން ސްކޫލުގައި އައިޖީއެމްއެޗުން ވަގުތީ ގޮތުން ހިންގަމުންދާ ފްލޫ ކްލިނިކުން ޚިދުމަތް ހޯދުމަށް އަންނާނީ އަރިދަފުސް ރޯގާއާ އެކު ހުން ވެސް އައިސްފައިވާ ފަރާތްތައް އެކަނި އެވެ.
އައިޖީއެމްއެޗުން ބުނީ ހަމައެކަނި ރޯގާ ޖެހި، ހުމުގެ އަސަރު ނެތް ނަމަ ފްލޫ ކްލިނިކަށް ދާން ނުޖެހޭނެ ކަމަށެވެ.
ފްލޫ ކްލިނިކުގައި ހަ ސްޓޭޝަނެއް ގާއިމުކޮށްފައިވާ އިރު، އެތަނުން ކުޑަކުދިންގެ ޑޮކްޓަރުންނާއި، އެތެރެހަށީގެ ޑޮކްޓަރުންގެ އިތުރުން މެޑިކަލް އޮފިސަރުން ހަރަކާތްތެރިވެ އެވެ.
އައިޖީއެމްއެޗްގެ ފުލޫ ކްލިނިކްގައި މީހުން ގިނަވެ ބާރު ބޮޑު ވުމުގެ ސަބަބުން ތާޖުއްދީން ސުކޫލުގައި ހިދުމަތް ދޭން ފެށި ފުލޫ ކުލިނިކަށް ހެލްތު މިނިސްޓަރު ނާޒިމް ޒިޔާރަތް ކުރައްވައި، ފަރުވާގެ ކަންކަން ހިނގަމުންދާ ގޮތް ބައްލަވާލައްވައިފި.
މީސެލްސް އަދި ރުބެއްލާ ރާއްޖެއިން ނައްތާލުމަށް އެމްއާރް ވެކްސިން ޖެހުން ވަގުތީ ގޮތުން ހުއްޓާލައިފި. ހެލްތު ޕްރޮޓެކްޝަން އޮތޯރިޓީ (އެޗްޕީއޭ)އިން އެގޮތަށް ނިންމީ ރާއްޖޭގައި ފެތުރެމުންދާ ހުމާއި ރޯގާއާއެކު، އެމްއެޗްވަންއެންވަން ނުވަތަ ސުވައިން ފުލޫ ޖެހޭ މީހުން ވެސް އިތުރުވަމުންދާތީ.
މިދުވަސްކޮޅު ތަފާތު ވައިރަލް ރޯގާތައް ރާއްޖޭގައި ފެތުރެމުންދާތީ، އެކަން ކޮންޓްރޯ ކުރެވުމަށް ރައްޔިތުންނަށް ރައްކާތެރިކަން ހޯއްދަވައި ދެއްވުމަށް ސަރުކާރުން ކުރައްވަމުން ގެންދަވާ މަސައްކައްކަތްޕުޅުތަކަށް އެއްބާލުން ދިނުމުގެ ގޮތުން، މޯލްޑިވިއަން އައިޑޮލްގެ މި ހަފްތާ ބަންދުގެ 2 ޝޯވ، އަންނަ ހަފްތާ ބަންދަށް ފަސްކުރެވިފައިވާ ވާހަކަ އައިޑޮލް ޝައުގުވެރިކަމާއެކު ބައްލަވާ އެންމެ ބޭފުޅުންގެ މައުލޫމާތަކަށްޓަކައި ދެންނެވީމެވެ.
ފެތުރެމުންދާ ހުމާއި ރޯގާ ނުޖެހޭ މީހުން އަނގަޔާއި ނޭފަތް ނިވާ ކުރަން މާކްސް އެޅުމުގެ ބަދަލުގައި، އެ ބަލީގެ އަލާމާތްތައް ފެންނަ މީހުން މާސްކު އެޅުމަށް ހެލްތު ޕޮރޮޓެކްޝަން އެޖެންސީން އިލްތިމާސްކޮށްފި
Evidence does not support the use of masks by healthy ppl 2prevent getting infected by flu.But ppl wit flu symptoms r recommended 2use masks
— HPA Maldives (@HPA_MV) March 14, 2017
އެފްއެސްއެމްގައި މަސައްކަތް ކުރާ މާބަނޑު އަންހެނުންނަށް ސްވައިން ފްލޫއާ ގުޅިގެން ޚާއްސަ ޗުއްޓީއެއް ދިނުމަށް އެ ކުންފުނިން ނިންމައިފި
ސްވައިން ފުލޫއަށް ދޭ ވެކްސިނާއި ބޭސް ބޭނުންވާވަރަށް އެބަހުރިކަމަށާއި ޑޮކްޓަރުންގެ ލަފާގެ މަތިން ވެކްސިންވެސް ދެމުން އަންނަ ކަމަށް ހެލްތް މިނިސްޓްރީން ބުނެފިއެވެ. ހެލްތް މިނިސްޓަރު އަބްދުﷲ ނާޒިމް އިބްރާހިމް މިއަދު ސަން އަށް ވިދާޅުވީ ސްވައިން ފުލޫއަށް ޖަހާ ވެކްސިނާއި ބޭސް އެބަހުރި، ކަމަށާއި އިތުރަށް ގެންނަންޖެހޭ ނަމަ ގެނައުމުގެ ތައްޔާރީތައްވެސް ދަނީ ވަމުން ކަމަށެވެ.
"ވެކްސިން އެބަހުރި، ޑޮކްޓަރުންގެ ލަފާގެ މަތިން މިދަނީ ޖަހަމުން، މިސާލަކަށް މާބަނޑު މީހުންފަދަ މީހުންނަށް،"
މިހާރު ބާރުމިނުގައި ފެތުރެމުންދާ އެޗްވަން އެންވަން އިންފުލުއެންޒާ ރޯގާ ރ ދުވާފަރުގައިވެސް ފެތުރެމުންދާ ކަމަށް އެރަށު ސިއްހީ މަރުކަޒުން ބުނެފި
ދުވާފަރު ސިއްހީ މަރުކަޒުގެ ޒިންމާދާރު ވެރިޔާ އަލީ ރަޝީދު ވިދާޅުވީ އެރަށުގައި އެޗްވަން އެންވަން އިންފުލުއެންޒާގެ އަލާމާތްތައް ހުރެގެން ދުވާލެއްގެ މައްޗަށް 20 ނުވަތަ 30 މީހުން ޑޮކްޓަރަށް ދައްކާ ކަމަށް
ރޭވެސް އަށް މީހުން އެޑްމިކޮށްފައި ދޫކޮށްލިން. މިހާރު އެބައޮތް ހުމާއި ރޯގާ ޖެހިގެން ފަސް މީހުން އެޑްމިޓްކޮށްފަ. އަދަދު މިދަނީ އިތުރުވަމުން
ރާއްޖޭގައި ހަލުވިކަމާ އެކު ފެތުރެމުންދާ ހުމާއި ރޯގާގެ ސަބަބުން ބިއުޓިފުލް އައިސް އޮފް މޯލްޑިވްސް އާއި ޓައިނީ ހާޓްސް އޮފް މޯލްޑިވްސް އިން ބާއްވަން އޮތް އިވެންޓް ކެންސަލް ކޮށްފި އެވެ.
ޑައުން ސިންޑްރޯމް ކުދިންނާ ގުޅޭ ގޮތުން އާމުން ހޭލުންތެރިކުރުވުމުގައި މަސައްކަތްކުރާ ބިއުޓިފުލް އައިސް އޮފް މޯލްޑިވްސްގެ ފައުންޑާ އަހުމަދު އަންސަމް ވިދާޅުވީ، ދުނިޔޭގެ ޑައުންސިންޑުރޯމް ދުވަހާ ގުޅިގެން އެ ޖަމިއްޔާއިން އަންނަ އަންގާރަ ދުވަހު ބާއްވަން އޮތް އިވެންޓް ކެންސަލް ކޮށްފައިވާ ކަމަށެވެ.
ބައްޔެއް ފެތުރެމުންދާ އިރު އެ ބަލި ފެތުރެމުން އަންނަ ކަމުގެ މައުލޫމާތު ސިއްރުނުކޮށް، ވީ އެންމެ ބޮޑަކަށް މައުލޫމާތު އާންމުކުރުމަށް އިދިކޮޅު އެމްޑީޕީން ސަރުކާރަށް ގޮވާލައިފި އެވެ.
މިއަދު މެންދުރު ފަހު އެމްޑީޕީން ބޭއްވި ނޫސްވެރިންގެ ބައްދަލުވުމެއްގައި އެ ޕާޓީން ވަނީ، ސްވައިން ފްލޫ ނުވަތަ އެޗް1އެން1 ފެތުރެމުން އަންނަކަން އެކި ސިޔާސީ ސަބަބުތަކާ ހުރެ ސަރުކާރުން ސިއްރުކުރި ކަމަށް ބުނެ ތުހުމަތުކޮށްފަ އެވެ.
މިއަދު އެމްޑީޕީން ބޭއްވި ނޫސްވެރިންގެ ބައްދަލުވުމުގެ ތެރެއިން -- ފޮޓޯ/ އެމްޑީޕީ ޓުވިޓާ
ބަލިން ރައްކާތެރިވެ ތިބުމަށް ރަނގަޅަށް އަތް ދޮންނަން ސަމާލުކަން ދިނުން މުހިންމު، ފާހާނާ ކުރުމަށް ފަހު އަދި ކެއުމުގެ ކުރިންނާއި ފަހުން އަތް ދޮންނަން ހާއްސަ ސަމާލުކަމެއް ދިނުން މުހިންމު
މީހުން ގިނައިން އެއްވެ އުޅޭ ތަންތަނަށް ކުޑަކުދިން ނުގެންދިއުމަށާއި ބަލި ޖެހިފައިވާ ފަރާތްތައް އާންމުކޮށް ބޭރަށް ނުކުމެ ނޫޅުމަށް ހެލްތް މިނިސްޓްރީން އިލްތިމާސްކުރޭ
ޓެކްސީ ޑްރަވަރުންނާއި ފާމަސިސްޓުން ހިދުމަތުގައި އުޅުއްވާއިރު މާސްކު ބޭނުންކުރުމަށް ސިއްހީ މާހިރުން ލަފާދެއްވާ
ސިއްހީ ލަފާދެއްވާ ފަރާތްތަކުން ވިދާޅުވަނީ ރައްކާތެރިވެ ތިބުމަށް ފާމަސިސްޓުން މާސްކް އަޅައި އަވަސް އަވަހަށް އަތް ސާފު ކުރުން މުހިންމު ކަމަށް
އޭގެ އިތުރުން ބޭކްތަކުގައި މަސައްކަތް ކުރައްވާ ފަރާތްތަކުންވެސް މާސްކް އެޅުމަށް ސަމާލުކަން ދިނުމަށް ސިއްހީ މާހިރުން ލަފާދެއްވާ
އައިޖީ އެމްއެޗްގެ ފުލޫ ކްލިނިކްގައި މީހުން ގިނަވެ ބާރު ބޮޑު ވުމުގެ ސަބަބުން ތާޖުއްދީން ސުކޫލުގައި ބަލިމީހުންނަށް ފަރުދޭން މަސައްކަތް ފަށައިފި
މިހާރު އައިޖީއެމްއެޗުގެ ފުލޫ ކްލިނިކަށް ތާޖުއްދީން ސުކޫލުގެ ހޯލު ތައްޔާރު ކުރަމުންދާއިރު މައުލޫމާތު ލިބެގޮތުން މިއަދު ދޭއް ޖަހާއިރު އެތަނުން ފަރުވާދޭން ފަށާނެ
އައިޖީއެމްއެޗުގެ ފުލޫ ކްލިނިކަށް ތާޖުއްދީން ސުކޫލު ތައްޔާރު ކުރަނީ ---
ރާއްޖޭގައި ހަލުވިކަމާއެކު ފެތުރެމުންދާ ރޯގާގެ ސަބަބުން ބައެއް ކޮލެޖްތަކުގެ ކިޔެވުންތައް ވެސް މެދުކަނޑާލައިފި
ވިލާ ކޮލެޖުން ބުނީ، މިއަދުން ފެށިގެން މިހަފްތާގެ ނިޔަލަށް އެ ކޮލެޖުގައި ކިޔަވައިދިނުން ނުބާއްވާ ގޮތަށް ހަމަޖެހިފައިވާ ކަމަށް
ސައިރިކްސް ކޮލެޖުން ވެސް ބުނީ، މިއަދުން ފެށިގެން އަންނަ ބުރާސްފަތި ދުވަހުގެ ނިޔަލަށް އެ ކޮލެޖުގެ ކުލާސްތައް ވެސް ކެންސަލް ކޮށްފައިވާ ކަމަށް. އަދި ހޮނިހިރު ދުވަހުން ފެށިގެން ކުލާސްތައް ކުރިއަށް ގެންދާނެ ކަމަށް ބުނެފައިވޭ.
ކޮލެޖުގެ ކުލާސްތައް ކެންސަލް ކުރި ނަމަވެސް، ބަންދުވެފައި ހުންނަ ދުވަސްތަކުގައި ދަރިވަރުންނަށް ބޭނުންވާ މައުލޫމާތު ހެނދުނު 10:00 އިން ރޭގަނޑު 8:00 އަށް ކޮލެޖުގެ ކެމްޕަސް ތަކުން ލިބޭނެ ކަމަށް ސައިރިކްސް އިން ބުނޭ
އެވިޑް ކޮލެޖުން ވެސް ބުނީ އެ ކޮލެޖުގެ ކިޔެވުން މިއަދުން ފެށިގެން ވަކި ދުވަހެއް އަންގަންދެން ފަސް ކޮށްފައިވާ ކަމަށް
ހުމާ ރޯގާގެ ސަބަބުން އައިޖީއެމްއެޗް ގްރޫޕްސް އޮފް ހޮސްޕިޓަލްގައި ހިމެނޭ އައިޖީއެމްއެޗް އާއި ވިލިމާލެ ހޮސްޕިޓަލްގެ ހުރިހާ މުވައްޒަފުންގެ އަހަރީ ޗުއްޓީ ހިފެހެއްޓުމަށް ނިންމައިފި
އައިޖީއެމްއެޗް ގްރޫޕްސް އޮފް ހޮސްޕިޓަލްގެ ޑިރެކްޓަރު ޒައުފިޝާ އަބްދުﷲ ކަމާލުއްދީން ފޮނުއްވި މެމޯގައި ބުނެފައިވަނީ، އެ ނިންމުމަކީ ރައްޔިތުންނަށް ދޭންޖެހޭ އަސާސީ ސިއްހީ ޚިދުމަތްތަކަށް ބުރޫއެރިއަނުދީ އެ ޚިދުމަތްތައް އެންމެ އެދެވޭގޮތެއްގައި ދިނުމަށް ނިންމި ނިންމުމެއް ކަމަށް
އަދި ޗުއްޓީ ހިފެހެއްޓުމުން ޗުއްޓީ ކެންސަލްވާ މުވައްޒަފުންގެ ޗުއްޓީ ފަހުން ހަމަޖައްސައިދެވޭނެ ކަމަށް ބުނެފައިވޭ
މިދުވަސް ވަރު ރާއްޖޭގައި ފެތުރެމުންދާ އެޗްވަން އެންވަން އިންފުލުއެންޒާ ރޯގާގައި ހުން އައިސް ރޯގައި ޖެހިފައިވާ މީހުންނަށް އައިޖީއެމްއެޗުން އަންނަނީ ފަރުވާދެމުން: ކޮންމެހެން ބޭނުންވެއްޖެ ހާލަތެއްގައި މެނުވީ ހޮސްޕިޓަލަށް ޒިޔާރަތް ނުކުރުމަށް ހޮސްޕިޓަލްތަކުން އިލްތިމާސްކޮށްފައި --- ފޮޓޯ/ ފަޔާޒު މޫސާ
ބާރުމިނުގައި މިހާރު ފެތުރެމުންދާ އެޗްވަން އެންވަން އިންފުލުއެންޒާ ރޯގާ ރ އަލިފުށީގައިވެސް ބާރު މިނެއްގައި ފެތުރެމުންދާ ކަމަށް އެރަށު ސިއްހީ މަރުކަޒުން ބުނެފި
އަލިފުށީ ސިއްހީ މަރުކަޒުގެ ކޮމިއުނިޓީ ހެލްތް އޮފިސަރު މުހައްމަދު ސުހައިލް ވިދާޅުވީ ބަލިން ރައްކާތެރިވެ ތިބުމަށް އަޅަން ޖެހޭ ފިޔަވަޅުތަކާ ބެހޭ މައުލޫމާތު ރައްޔިތުންނަށް ދެމުންދާ ކަމަށް .އެގޮތުން ޑޯޓު ޑޯ ގޭގެއަށް ގޮސް މައުލޫމާތު ހިއްސާކުރަމުން ދާ ކަމަށް ވިދާޅުވި
އައިޖީއެމްއެޗްގެ ފުލޫ ކްލިނިކްގައި ބައެއް ބަލިމީހުންނަށް ހިދުމަތް ދެނީ --- ސަންފޮޓޯ// ފަޔާޒު މޫސާ
ގިނަ ޚަރަދުތަކެއް ކޮށްގެން އަތޮޅުތަކުގެ ސްކޫލްތަކުގެ ޓީމުތައް މާލެއައިސް ތިބީ. ފައިނަލްގައި އެކުދީން ކުޅެން ޖެހޭއިރު، ހަމަ އެކަނި ފައިނަލް މެޗް ފަސްކުރުމުން ވަރަށް ބޮޑު ދަތިތަކެއް ކުރިމަތިވާނެ. އެހެންކަމުން އަޅުގަނޑު އެދެނީ، ފައިނަލް މެޗު ކުޅުނު ކަމުގައިވީ ނަމަވެސް މެޗު ބަލަން އެތަނަށް ސަޕޯޓަރުން ނުދިއުން. މިއީ ރައްކާތެރިކަމުގެ ފިޔަވަޅު އެޅުމުގެ ގޮތުން އަޅުގަނޑު ކުރާ އިލްތިމާސެއް
އިންޓަރ ސްކޫލް ހޭންޑްބޯލް މުބާރާތް ފަސްކުރުމާ ގުޅޭގޮތުން، ހޭންޑްބޯލް މޯލްޑިވްސްގެ އެކްސްކޯގެ ބައްދަލުވުމެއް ކުރިއަށް ގެންދަނީ -- ސަން ފޮޓޯ:
ހުރިހާ މުއައްސަސާތަކުން ގުޅިގެން އަޅުގަނޑުމެން މިދަނީ މަސައްކަތް ކުރަމުން. ޓެކްނިކަލް ޓީމާއެކު ދަނީ މަސައްކަތް ކުރަމުން. ޑަބްލިޔުއެޗްއޯ ފަދަ ޕްރޮފެޝަނަލް ފަރާތްތަކާ ވެސް ގުޅިގެން ކުރިއަށްދަނީ.
އޭޑީކޭ ހޮސްޕިޓަލުން ބުނީ ފެތުރެމުންދާ ހުމާއި ރޯގާއާ ގުޅިގެން އެ ހޮސްޕިޓަލުގެ ތިން ޔުނިޓެއްގައިވާ ބަލިމީހުން ކައިރިއަށް ޒިޔާރަތް ނުކުރެވޭ ގޮތް ހަދާފައިވާ ކަމަށް.
ޒިޔާރަތް ނުކުރެވޭނެ ޔުނިޓުތައް
