"މޯލްޑިވްސް ރިޕޯމް ޕާޓީ"ގެ ނަމުގައި މުޅިން އާ ސިޔާސީ ޕާޓީއެއް އުފެއްދުމުގެ މަސައްކަތް ކުރުމަށް އިލެކްޝަންސް ކޮމިޝަނުން ހުއްދަ ދީފިއެވެ.
އީސީން މިއަދު ކުރީ ޓްވީޓެއްގައި ބުނީ، "މޯލްޑިވްސް ރިޕޯމް ޕާޓީގެ ނަމުގައި ސިޔާސީ ޕާޓީއެއް އުފެއްދުމަށްޓަކައި ކުރާންޖެހޭ މަސައްކަތް ކުރުމުގެ ހުއްދަ އިލެކްޝަންސް ކޮމިޝަނުން ދީފި" ކަމަށެވެ.
އާ ސިޔާސީ ޕާޓީއެއް އުފެއްދުމަށް އީސީން ހުއްދަދީފައި ވަމީ، އަދާލަތު ޕާޓީގެ ކުރީގެ ކައުންސިލް މެންބަރެއް ކަމަށްވާ ސ. ފޭދޫ، އިނގުރުމާގޭ، ޝައިހު މުހައްމަދު ދީދީއަށެވެ. ކުރީގެ ރައީސް ޔާމީނުގެ ސަރުކާރަށް ތާއީދުކުރައްވައި ޕީޕީއެމްއަށް ވެސް ކުރިން އޭނާ ސޮއިކުރެއްފިއެވެ.
"National Reform Party" namugai siyaasee party eh ufehdhumahtakai kuran jehey masakkaiy kurumuge huhdha Elections Commissionun dheefi pic.twitter.com/KyZDwG08oM
— Elections Commission (@ElectionsMv) January 6, 2019
"މޯލްޑިވްސް ރިޕޯމް ޕާޓީ" އުފެއްދުމުގެ މަސައްކަތް ކުރުމުގެ ހުއްދައަށް އެދި އިލެކްޝަންސް ކޮމިޝަނަށް ހުށަހަޅާފައި ވަނީ، މިދިޔަ ބުރާސްފަތި ދުވަހުއެވެ.
މީގެ އިތުރުން މިދިޔަ ހަފްތާގައި ވަނީ، ''ކަރިޝްމާ ޕާޓީ މޯލްޑިވްސް''ގެ ނަމުގައި ސިޔާސީ ޕާޓީއެއް އުފެއްދުމަށްވެސް ހުއްދައަށް އެދިފައެވެ.
comment ތުސިލް
6 year 3 month ago
ރިފޯމްވާންޖެހޭ މީހުން ގައުމު ރިފޯމުކުރަން އުޅުނީ ދެރަވަރު ކަމެއް. ވެދުމާ ސަލާމް