ބްރެޒިލް ބަލިކުރުމަށްފަހު އަންހެނުންގެ ފުޓްބޯޅަ އިވެންޓުގެ ލޯ މެޑެއްޔެއް ކެނެޑާ އިން ހޯދައިފި އެވެ.
ބްރެޒިލްގެ ރިއޯ ޑި ޖެނޭރޯގައި ކުރިއަށްދާ އޮލިމްޕިކް ގޭމްސްގެ ލޯ މެޑެއްޔެއް ކެނެޑާ އިން ހޯދީ ތިން ވަނަ ހޮވުމަށް ކުޅުނު މެޗުގައި ބްރެޒިލް އަތުން 2-1 ލަނޑުން މޮޅުވެގެންނެވެ.
އެ މެޗުގެ ފުރަތަމަ ހާފުގައި ކެނެޑާ އިން ވަނީ ލަނޑެއް ޖަހައި ލީޑު ހޯދައިފަ އެވެ. މެޗުގެ 25 ވަނަ މިނެޓުގައި ކެނެޑާ އަށް އެ ލަނޑު ކާމިޔާބުކޮށްދިނީ ޑިއާން ރޯސް އެވެ. މެޗުގެ 52 ވަނަ މިނެޓުގައި ކެނެޑާ އަށް ލީޑު ފުޅާކޮށްދިނީ އެ ޓީމުގެ ކެޕްޓަން ކްރިސްޓިން ސިންކްލެއާ އެވެ.
ކެނެޑާގެ ދެވަނަ ލަނޑަށް ފަހު، ބްރެޒިލް އިން ކުރިއަށްޖެހި ލަނޑެއް ކާމިޔާބު ކުރުމަށް މަސައްކަތްކުރި އިރު، ކެނެޑާގެ ފަރާތުން ފެނިގެންދިޔައީ ޑިފެންސިވް ކުޅުމެކެވެ. މެޗުގެ 79 ވަނަ މިނެޓުގައި ބްރެޒިލްގެ ހަމައެކަނި ލަނޑު އެ ޓީމަށް ކާމިޔާބުކޮށްދިނީ ބިއާޓްރީޒް އެވެ.
އޮލިމްޕިކްސްގެ އަންހެނުންގެ ފުޓްބޯޅަ އިވެންޓުގެ ރަން މެޑެލް އަދި ރިހި މެޑެލް ހޯދާ ޓީމެއް ކަށަވަރުވާނީ މިރޭ ސްވިޑަން އާއި ޖަރުމަން ބައްދަލުކުރާ ފައިނަލް މެޗަށް ފަހު އެވެ.