ހޯމް މިނިސްޓަރު އުމަރު ނަސީރު އިސްތިއުފާ ދެއްވައިފި އެވެ.
އުމަރު މިރޭ ކުރެއްވި ޓްވީޓެއްގައި ވަނީ އެކަން ކަށަވަރުކޮށްދެއްވާފަ އެވެ. މިރޭ ކުރެއްވި ޓްވީޓުގައި އުމަރު ވަނީ އޭނާ މިނިސްޓަރު ކަމުގައި ހުންނެވި އިރު ދެއްވި ސަޕޯޓަށްޓަކައި ރައީސުލްޖުމްހޫރިއްޔާ އަބްދުﷲ ޔާމީން އަބްދުލް ގައްޔޫމާއި ސަރުކާރުގެ އެހެނިހެން ބޭފުޅުންނަށް ޝުކުރު ދަންނަވާފަ އެވެ.
Today I have decided to resign from my position as the Home Minister. I thank HEP Yamin and others for all their support.
— Umar Naseer (@UmarNaseerPPM) June 21, 2016
އުމަރު އިސްތިއުފާ ދެއްވީ ކީއްވެގެން ކަމެއް އަދި ސާފެއް ނުވެއެވެ.
ސަންއަށް މައުލޫމާތު ދެއްވަމުން، އެސިސްޓެންޓް ކޮމިޝަނަރ އޮފް ޕޮލިސް އަބްދުﷲ ނަވާޒް މިރޭ ވިދާޅުވީ، އުމަރު ނަސީރުގެ ޓުވިޓަރ އެކައުންޓް ހެކްކުރިކަމަށް ބުނެ އޭނާގެ ނަމުގައި މިރޭ ޓްވީޓްތަކެއް ދަރުވަމުން ދާކަމަށާއި، އެހެން ނަމަވެސް އެއީ އޭނާގެ ޓުވިޓަރ އެކައުންޓެއް ނޫންކަމަށެވެ.
ރައީސް އޮފީހުގެ ތަރުޖަމާން އިބްރާހީމް މުޢާޒް އަލީ މިރޭ ކުރެއްވި ޓްވީޓެއްގައި ވިދާޅުވެފައި ވަނީ، އުމަރުގެ އިސްތިއުފާ ރައީސް އަބްދުﷲ ޔާމީން ގަބޫލުފުޅުކުރައްވާފައިވާ ކަމަށެވެ.
"Min. Of @HomeMinistrymv, @UmarNaseerPPM e maqaamun isthiufaa dhevvumah fonuvvi sitee Raeesuljumhooriyyaa gabulfulhu kuravvaif" -im
— Ibrahim Muaz Ali (@SpokespersonMV) June 21, 2016