ފަތުރުވެރިން ގޮވައިގެން ދަތުރުކުރި ޑައިވިން ދޯންޏެއް އައްޑޫ ސިޓީ، މީދޫ އިރުމަތީ ފަރާތު ފަރަށް އަރައިފި އެވެ.
އެމްއެންޑީއެފުން ބުނީ "ވިދުވަރު" ނަމަކަށް ކިޔާ އެ ދޯނި ފަރަށް އެރިއިރު ދޯނީގައި ހަތް ފަތުރުވެރިންނާއި ޑައިވިން އިންސްޓްރަކްޓަރެއްގެ އިތުރުން ތިން ފަޅުވެރިން ތިބި ކަމަށެވެ. ނަމަވެސް އެއްވެސް މީހަކަށް ގެއްލުމެއް ނުލިބި ވަނީ ސަލާމަތްވެފަ އެވެ.
އެ ދޯނިން ދަތުރު ކުރި ފަތުރުވެރިން އެމްއެންޑިއެފް ވަނީ މީދޫއަށް ގެންގޮސްފަ އެވެ.
ސިފައިން ބުނީ މިއަދު 1:00 ޖެހިއިރު ހިނގި އެ ހާދިސާއާ ގުޅިގެން ސަދަން އޭރިއާ ކޯސްޓްގާޑް ސްކޮޑްރަންއިން އެހީތެރިން ފޯރުކޮށްދޭން ފަށާފައިވާ ކަމަށެވެ.
އެ ހާދިސާގައި ދޯނީގެ ބަނޑުފިލާ ފަޅައިގެން ގޮސް ދޯނި ވަނީ ދިޔަވެފަ އެވެ. ދޯނި ފުންކުރުމުގެ މަސައްކަތުގައި އެމްއެންޑިއެފް ސަދަން އޭރިއާގެ ޑައިވަރުން ދަނީ ހަރަކާތްތެރިވަމުންނެވެ.