އަމީނީމަގު ފުރުގާނު މިސްކިތުން ފައިވާންތަކެއް ވަގަށް ނަގައި, މީހަކަށް ވަޅިން ބިރުދެއްކިކަމަށް ތުހުމަތުކުރާ މަައްސަލައެއްގައި މިއަދު މީހަކު ހައްޔަރުކޮށްފިއެވެ.
މިކަމާ ގުޅިގެން، ފުލުހުން ބުނީ ހައްޔަރުކުރި މީހާ ވަނީ އަމީނީމަގު ފުރުގާން މިސްކިތުގައި ހުރި ފައިވާންތަކެއް ވަގަށް ނަގައި، އެތާހުރި މީހަކަށް ވަޅިން ބިރު ދައްކައި އިންޒާރުދިފައި ކަމަށެވެ.
ފުލުހުން ވަނީ އޭނާގެ ވަނަވަރު ވެސް އާންމުކޮށްފައެވެ. މި މައްސަލައިގައި ހައްޔަރުކޮށްފައިވަނީ އުމުރުން 32 އަހަރުގެ ހއ. ހޯރަފުށީ، ފެހިއަލީއަށް ނިސްބަތްވާ މުހައްމަދު ޝަރީފެވެ.
މި މައްސަލަ ފުލުހުން ދަނީ ތަހުގީގުކުރަމުންނެވެ.
މީގެ ކުރިން ވެސް މާލޭގެ މިސްކިތްތަކުގައި މިފަދަ މައްސަލަތައް ދިމާވެއެވެ. އެފަދަ މައްސަލަތަކާއި މިސްކިތުން ވައްކަން ކުރުން ފަދަ އަމަލުތައް ހުއްޓުވުމަށް މާލޭ ސިޓީ ކައުންސިލުން ވަނީ މިސްކިތްތަކުގައި ކެމެރާ ވެސް ހަރުކޮށްފައެވެ.