ގެމްބިއާ ބަލިކޮށް އަންނަ އަހަރު ބާއްވާ ވޯލްޑް ކަޕަށް އެފްރިކާ ޒޯނުން ކޮލިފައިވި ފުރަތަމަ ގައުމަކަށް ނައިޖީރިއާ ވެއްޖެއެވެ.
މި މެޗު ނައިޖީރިއާ އިން ކަމިޔާބު ކުރީ 0-1 ގެ ނަތީޖާއަކުންނެވެ. މި މޮޅާ އެކު ނައިޖީރިއާ ވަނީ ކޮލިފައިން ގުރޫޕް ބީ ގެ އެއް ވަނާގައި، ހަ ޕޮއިންޓްގެ ލީޑެއް ނަގައިފަ އެވެ. އެ ޓީމަށް 13 ޕޮއިންޓު ލިބިފައިވާއިރު އެންމެ ކައިރިން ވާދަ ކުރާ ޒެމްބިއާ އަށް ލިބެނީ ހަތް ޕޮއިންޓެވެ.
މި މެޗުގެ ފުރަތަމަ ހާފުގައި އެއްވެސް ޓީމަކަށް ލަނޑެއް ޖެހިފައިނުވާއިރު، ނައިޖީރިއާ އަށް 2018ގެ ވޯލްޑް ކަޕަށް ކޮލިފައި ކޮށްދިން ލަނޑު ކާމިޔާބު ކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން ނިކުތް އާސެނަލްގެ ފޯވާޑް އަލެކްސް އިވޯބީ އެވެ.
ނައިޖީރިއާ ވަނީ އެންމެ ފަހުން ބޭއްވި ހަތް ވޯލްޑް ކަޕްގެ ތެރެއިން ހަ މުބާރާތަށް ކޮލިފައި ވެފަ އެވެ. އެ ޓީމަށް ފުރުސަތު ގެއްލުނީ ޖަރުމަންގައި 2006 ވަނަ އަހަރު ބޭއްވި ވޯލްޑް ކަޕުން ނެވެ. ބްރެޒިލްގައި 2014 ވަނަ އަހަރުގެ ވޯލްޑް ކަޕްގެ ދެ ވަނަ ބުރަށް އެ ޓީމު ދަތުރު ކުރި އެވެ.
އެފްރިކާ ޒޯންގައި ރޭ ކުޅުނު އެހެން މެޗުތަކަށް ބަލާ އިރު، ކޭޕްވާޑް އައިލެންޑްގެ މައްޗަށް 2-0 އިން ކާމިޔާބު ހޯދައި، ސެނަގާލް ވަނީ ގުރޫޕް "ޑީ"ގެ އެއް ވަނަ އަށް ޖެހިލައިފަ އެވެ. މީގެ އިތުރުން މަޝްހޫރު ގާނަ އަށް ވަނީ ރޭ ޔޫގެންޑާ އަތުން އެއްވަރުވެ ކޮލިފައިވުމުގެ ފުރުސަތު ގެއްލިފަ އެވެ.