ހުޅުމާލެ ހުވަދުމާ ހިނގުމުގައި ހުންނަ ފިހާރަބަރީގައި ހިންގާ 'ޑެލްރިއޯ' ފިހާރާގައި ރޯވެ، އެ ފިހާރައަށް ގެއްލުންތަކެއްވެއްޖެ އެވެ.
އެމްއެންޑީއެފްގެ މީޑިއާ އޮފިޝަލް އަދުނާނު މުހައްމަދު "ސަން" ވިދާޅުވީ ޑެލްރިއޯ ފިހާރައިގައި ރޯވިކަމުގެ ރިޕޯޓު ލިބުނީ މިއަދު މެންދުރު 12:15 އެހާކަންހާއިރު ކަމަށެވެ.
އަންނައުނާއި ކުޑަކުދިންނަށް ހާއްސަ ތަކެތި ވިއްކާ އެ ފިހާރައިގައި ރޯވި އަލިފާން ނިއްވާލީ ސިފައިންނާއި ފުލުހުންގެ މަސައްކަތުންނެވެ. އަލިފާން ނިއްވާލެވުނީ އެކެއް ޖެހިފަހުންނެވެ.
އަލިފާން ކޮންޓްރޯލް ކުރެވުނުއިރު، ޑެލްރިއޯ ފިހާރައިގައި ހުރި މުދާތަކަށް ވަނީ ގެއްލުންވެފަ އެވެ. އަދި ބައެއް ތަކެތި ބޭނުން ނުކުރެވޭ ވަރަށް ހަލާކުވެފައިވާ ކަމަށްވެ އެވެ.