ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމްގެ އަނބިކަނބަލުން، ފާތުމަތު އިބްރާހިމް އަކީ އޯގާތެރި ކަނބަލެއް ކަމަށާއި، އެކަމަނާގެ ފަރާތްޕުޅުން ހިތްވަރާއި ނަމޫނާ ލިބިގަނެ، އެ މަގުން ހިންގެވުމަށް ސަރުކާރު ކޯލިޝަންގައި ހިމެނޭ އެމްޑީއޭގެ ލީޑަރު އަދި ރައްޔިތުންގެ މަޖިލީހުގެ ދ. މީދޫ ދާއިރާގެ މެންބަރު އަހުމަދު ސިޔާމް މުހައްމަދު ވިދާޅުވެއްޖެ އެވެ.
ޞަސަޤާތު ފައުންޑޭޝަނުން ބޭއްވި "ޚިތާނީ އުފާ" ކޭމްޕް ނިންމާލުމުގެ ގޮތުން ރޭ ބޭއްވި ހަފްލާގެ ތެރޭން -- ސަން ފޮޓޯ: ފަޔާޒް މޫސާ
މެޑަމް ފާތުންގެ "ސަދަގާތް ފައުންޑޭޝަން"ގެ ހިލޭ އެހީގެ ދަށުން ބޭއްވި ޚިތަނީ ކޭމްޕް ނިންމުމުގެ ރަސްމިއްޔާތުގައި އެ ހަފްލާ ޝަރަފުވެރިކޮށްދެއްވައި ވާހަކަފުޅު ދައްކަވަމުން ސިޔާމް ވިދާޅުވީ، އެކަމަނާ އަކީ އޯގާތެރި ކަނބަލެއް ކަމަށާއި އެކަމަނާ އަންނަނީ ދިވެހި ރައްޔިތުންގެ ތެރެއިން ސިއްހީ އެކި ހާލަތްތައް މެދުވެރިވެފައިވާ ފަރާތްތަކަށް އެހީތެރިވެދެއްވަމުން ކަމަށެވެ. އަދި އެކަމަނާ ފަދަ ބޭކަނބަލަކު ރާއްޖޭގެ ފަސްޓް ލޭޑީގެ މަގާމުގައި ހުންނެވުމަކީ ދިވެހިން އެކަމާ ފަޚުރުވެރިވާން ޖެހޭ ކަމެއް ކަމަށް ވެސް ސިޔާމް ވިދާޅުވި އެވެ.
ނޮވެމްބަރ 29، 2016: ސޮދަގާތު ފައުންޑޭޝަނުން ކުރިއަށްގެންދިޔަ "ހިތާނީ އުފާ"ގެ ނިންމުން ފާހަގަކުރުމަށް ހުޅުމާލޭ ޣާޒީ ސްކޫލުގައި ބޭއްވި ރަސްމިއްޔާތުގެ ތެރެއިން --- ސަން ފޮޓޯ/ ފަޔާޒު މޫސާ
"ހިތުގެ ވިންދާއި، ތިމާގެ ވިސްނުމާ އެއްގޮތަށް ފަގީރުންނާއި ނިކަމެތިންނާއި އަޅާލަން ޖެހިފައިވާ މީހުންނާއި، ބޮޑެތި ބަލިތައް ޖެހިފައިވާ މީހުންނަށް އަދި މުޖުތަމައުގެ އެތައް ބަޔަކަށް އަޅުގަނޑުމެންގެ ފަސްޓްލޭޑީ، މިހާރު އަދި ކުރީގައި ވެސް ވެދެއްވަމުންދާ އެހީތަކަކީ މިއަދު އަޅުގަނޑުމެން ފާހަގަކޮށްލަން ޖެހޭ ކަމެއް. ދިވެހި ތާރީޚުގައި ވެސް، އަޅުގަނޑުމެންގެ ރަނިކަމަނާ ވަރުގެ އޯގާތެރި ހިތެއް އޮތް ރަނިކަމަނާއެއް ނެތް،" ސިޔާމް ވިދާޅުވި އެވެ.
ޞަސަޤާތު ފައުންޑޭޝަނުން ބޭއްވި "ޚިތާނީ އުފާ" ކޭމްޕް ނިންމާލުމުގެ ގޮތުން ރޭ ބޭއްވި ހަފްލާގެ ތެރޭން -- ސަން ފޮޓޯ: ފަޔާޒް މޫސާ
ސިޔާމް ވިދާޅުވީ، 150 ކުދިން ޚިތާނުކުރުމަށް ކޭމްޕެއް ބޭއްވުމަކީ ހަމަ އެކަނި ފައިސާ އިން ވާނެ ކަމެއް ނޫން ކަމަށާއި އެފަދަ ކަމެއް ކުރެވޭނީ އޯގާތެރި ހިތެއް އޮވެގެން ކަމަށެވެ.
ނޮވެމްބަރ 29، 2016: ސޮދަގާތު ފައުންޑޭޝަނުން ކުރިއަށްގެންދިޔަ "ހިތާނީ އުފާ"ގެ ނިންމުން ފާހަގަކުރުމަށް ހުޅުމާލޭ ޣާޒީ ސްކޫލުގައި ބޭއްވި ރަސްމިއްޔާތުގެ ތެރެއިން --- ސަން ފޮޓޯ/ ފަޔާޒު މޫސާ
މެޑަމް ފާތުން ވަނީ ޚިތާނުކުރި ކުދިންގެ ހާލު ބައްލަވާލައްވައި އެކުދީންގެ މައިންބަފައިން ކައިރިން އެކުދީންނަށް ބޭނުންވާ ކަންކަން އޮޅުންފިލުއްވާފައިވާކަން ފާހަގަކުރައްވައި ސިޔާމް ވިދާޅުވީ، އެކަންކަމަކީ ހަމައެކަނި ފައިސާ އޮވެގެން ކުރެވޭނެ ކަމެއް ނޫން ކަމަށެވެ.
"އަޅުގަނޑުމެން އެދެނީ ކޮންމެ ދިވެހި ކަނބަލަކު، މެޑަމް ފާތުންގެ ފަރާތުން ހިތްވަރު ލިބިގެން މިފަދަ ނަމޫނާ ބޭފުޅެއްގެ ފަރާތުން ނަމޫނާ ލިބިގެން އެމަގުން ހިންގެވުމަށް،" ސިޔާމް ވިދާޅުވި އެވެ.
ނޮވެމްބަރ 29، 2016: ސޮދަގާތު ފައުންޑޭޝަނުން ކުރިއަށްގެންދިޔަ "ހިތާނީ އުފާ"ގެ ނިންމުން ފާހަގަކުރުމަށް ހުޅުމާލޭ ޣާޒީ ސްކޫލުގައި ބޭއްވި ރަސްމިއްޔާތުގެ ތެރެއިން --- ސަން ފޮޓޯ/ ފަޔާޒު މޫސާ
މީގެ އިތުރުން އޭނާ ވިދާޅުވީ، ދިވެހިރާއްޖޭގެ ހުރިހާ ރައްޔިތުންގެ ހަގީގީ މަންމައަކީ މިއަދު މެޑަމް ފާތުން ކަމަށެވެ. އަދި ރާއްޖޭގެ ތާރީޚުގައި ވެސް، ފަސްޓް ލޭޑީއަކު، ފަސްޓް ލޭޑީއެއްގެ ފުރިހަމަ ޒިންމާ އަދާ ކުރެއްވި ތަނެއް މިހާތަނަށް ފެނިފައި ނުވި ނަމަވެސް، މެޑަމް ފާތުންގެ ފަރާތުން ފެންނަނީ ފަސްޓް ލޭޑީއެއްގެ ފުރިހަމަ ޒިންމާ އަދާ ކުރައްވާތަން ކަމަށް ސިޔާމް ވިދާޅުވި އެވެ.
ނޮވެމްބަރ 29، 2016: ސޮދަގާތު ފައުންޑޭޝަނުން ކުރިއަށްގެންދިޔަ "ހިތާނީ އުފާ"ގެ ނިންމުން ފާހަގަކުރުމަށް ހުޅުމާލޭ ޣާޒީ ސްކޫލުގައި ބޭއްވި ރަސްމިއްޔާތުގެ ތެރެއިން --- ސަން ފޮޓޯ/ ފަޔާޒު މޫސާ
"ޚިތާނީ އުފާ" ކޭމްޕް ނިންމާލުމުގެ ގޮތުން ރޭ ބޭއްވި ހަފްލާގައި، ރައީސުލްޖުމްހޫރިއްޔާގެ ދެކަނބަލުންނާއި، ކެބިނެޓް މިނިސްޓަރުންނާއި ރައްޔިތުންގެ މަޖިލީހުގެ ބައެއް މެންބަރުންނާއި ސަރުކާރުގެ ބައެއް އިސް ބޭފުޅުން ބައިވެރިވެވަޑައިގަތެވެ.
ޞަސަޤާތު ފައުންޑޭޝަނުން ބޭއްވި "ޚިތާނީ އުފާ" ކޭމްޕް ނިންމާލުމުގެ ގޮތުން ރޭ ބޭއްވި ހަފްލާގެ ތެރޭން -- ސަން ފޮޓޯ: ފަޔާޒް މޫސާ
ސަދަގާތް ފައުންޑޭޝަނުން އަންނަ އަހަރު އިތުރު 200 ކުއްޖަކު ޚިތާން ކުރުމަށް ހަމަޖައްސާފައިވާ ކަން ވަނީ ހާމަ ކޮށްފަ އެވެ. އަދި އަންނަ އަހަރު ސްކޫލުތައް ހުޅުވުމުގެ ކުރިން 3000 ދަރިވަރަކަށް ދަބަހާއި ފަންސުރު ބަހަން ވެސް ހަމަޖައްސާފައިވާ ކަން ވަނީ އިއުލާން ކޮށްފަ އެވެ.