ރާއްޖޭގައި ތަރައްގީގެ ބޮޑެތި މަޝްރޫއުތައް ކުރިޔަށް ގެންދަން ދަންނަ، ހިތްވަރުގަދަ ލީޑަރަކު ވެރިކަމާ ހަވާލުވުމަކީ ރާއްޖެއަށް ލިބުނު ނަސީބެއް ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެއެވެ.
އިހަވަންދިއްޕޮޅުގައި ތަރައްގީ ކުރުމަށް ސަރުކާރުން އިއުލާންކޮށްފައިވާ "އައިހެވަން" މަޝްރޫގެ މާސްޓާ ޕްލޭން ހެދުމުގެ މަސައްކަތް ކުރުމަށް ސިންގަޕޫރުގެ ސުރްބާނާ ޖުރޯންގްއާ ހަވާލުކުރުމަށް މިއަދު ބޭއްވި ރަސްމިއްޔާތުގައި ވާހަކަ ދައްކަވަމުން، އިކޮނޮމިކް މިނިސްޓަރު ސައީދު ވިދާޅުވީ، ރާއްޖޭގެ އިގްތިސާދު ޖުމްލަކޮށް ބިނާކުރުމަށްޓަކައި ރައީސުލްޖުމްހޫރިއްޔާ ކުރައްވާ މަސައްކަތްތައް ފާހަގަކުރަން ޖެހޭ ކަމަށެވެ.
ވަރަށް މުހިންމު ބޮޑެތި މަޝްރޫއުތަކެއް މިއީ. ރާއްޖޭގެ އުތުރުން ދެކުނަށް ބަލާ އިރު އުމްރާނީ މަސައްކަތެއް ނުހިނގާ އެއްވެސް ސަރަހައްދެއް ނެތް، އިކޮނޮމިކް މިނިސްޓަރު ސައީދު
"ވަރަށް މުހިންމު ބޮޑެތި މަޝްރޫއުތަކެއް މިއީ. ރާއްޖޭގެ އުތުރުން ދެކުނަށް ބަލާ އިރު އުމްރާނީ މަސައްކަތެއް ނުހިނގާ އެއްވެސް ސަރަހައްދެއް ނެތް،" މިނިސްޓަރު ވިދާޅުވިއެވެ.
މިނިސްޓަރު ވިދާޅުވީ ހުޅުމާލޭގައި ހުރި ބޮޑެތި ބިންތަކުގައި ކުދި ވިޔަފާރިތަކުން ވެސް މަޝްރޫއުތައް ހިންގަމުން އަންނަ ކަމަށެވެ. އަދި މި ކަންކަން ކުދި ވިޔަފާރިތަކުން ވެސް ކުރުމަށް މަގު ފަހިވަނީ ބޭންކުތަކުން ފައިނޭންސް ކުރުމަށް ތައްޔާރަށް ތިބޭތީ ކަމަށް މިނިސްޓަރު ވިދާޅުވިއެވެ.
"ބޭންކުތަކުން ފައިސާ މި ދެނީ ޔަގީންކަން ލިބޭތީ. ބޭންކުތަކަށް ލިބުނު އެންމެ ބޮޑު ޔަގީންކަމަކީ، މިނިވަން ރިސާވް ރޭޓު އެޖަސްޓްމެންޓެއް ހެދުމަށް ރައީސް ނިންމި ނިންމުން. އެކަމުގެ ސަބަބުން ބޭންކުތަކަށް ލިކުއިޑިޓީ އިތުރުބި. އެ ލިކުއިޑިޓީއާ އެކު ބޭންކުތަކަށް އެކްސެސް މަނީ ލިބުނު،"
މިނިސްޓަރު ވިދާޅުވީ، މިއީ ރައީސް ޔާމީން ވަރަށް ވިސްނުންތެރިކަމާ އެކު ނިންމެވި ނިންމެވުމެއް ކަމަށާއި، މިއަދު ރާއްޖެ ދެކޭ ތަރައްގީޢަކީ، ކަންކަން ކުރަން ދަންނަ ލީޑަރަކު ވެރިކަމަށް އައުމުން ލިބޭ ނަސީބު ކަމަށެވެ.
މި ވަރަށް ވިސްނުންތެރިކަމާ އެކު، މިކަންކަން ކުރަން އެނގޭ، ހިތްވަރު ހުންނަ، ގައުމުދެކެ ލޯބިވާ ލީޑަރުން ވެރިކަމަށް ހަވާލުވުމުން ލިބޭ ނަސީބު. އެއީ ސިންގަޕޫރަށް ލިބުނު ނަސީބަކީ ވެސް، މިނިސްޓަރު ސައީދު
"މި ވަރަށް ވިސްނުންތެރިކަމާ އެކު، މިކަންކަން ކުރަން އެނގޭ، ހިތްވަރު ހުންނަ، ގައުމުދެކެ ލޯބިވާ ލީޑަރުން ވެރިކަމަށް ހަވާލުވުމުން ލިބޭ ނަސީބު. އެއީ ސިންގަޕޫރަށް ލިބުނު ނަސީބަކީ ވެސް،" ސައީދު ވިދާޅުވިއެވެ.
އައިހެވަންގެ މަޝްރޫއާ ގުޅޭގޮތުން ވާހަކަ ދައްކަވަމުން މިނިސްޓަރު ވިދާޅުވީ، ހުޅުމާލޭގެ ފިޔަވަހިތައް ޑިޒައިންކޮށް، ވުޖޫދަށް ގެނެވުނު ފަދައިން އައިހެވަންގެ މާސްޓަރޕްލޭން ވެސް ތަރައްގީކުރުމަށްފަހު ބައި ބަޔަށް ވުޖޫދަށް އަންނާނެ ކަމަށެވެ.
މާސްޓާޕްލޭން ހެދުމަށް ސިންގަޕޫރުގެ ސުރްބާނާ ޖުރޯންގް ކޮންސަލްޓަންޓްސްއާ ހަވާލުކޮށްފައިވާ އިރު، މާސްޓަޕްލޭނާ އެކު އީއައިއޭއެއް ހެދުން ވެސް ކުރިޔަށް ދާނެ ކަމަށް އިކޮނޮމިކް މިނިސްޓަރު ވިދާޅުވިއެވެ. އަދި ކަންކަން ކުރިޔަށް ގެންދާނީ ރާއްޖެއަށް ފައިދާވާ ގޮތަށް، އަދި ރާއްޖެއަށް "އެލާޖިކް ނުވާނެ ގޮތަށް" ކަމަށް މިނިސްޓަރު ވިދާޅުވިއެވެ.