މިދިޔަ އަހަރު މައިކްރޮސޮފްޓުން ތައާރަފުކުރި އެ ކުންފުނީގެ ވިންޑޯސް އޮޕަރޭޓިން ސިސްޓަމްގެ އެންމެ ފަހު ވާޝަން "ވިންޑޯސް 10"، އަހަރު ދުވަހުގެ ދިގު މުއްދަތަކަށް ހިލޭ ދޫކޮށްލި އެވެ.
ވިންޑޯސް 7 ނުވަތަ ވިންޑޯސް 8 އޯއެސްގެ ސިސްޓަމެއް ބޭނުން ކުރަމުން ދިޔަ ކޮންމެ މީހަކަށް ވެސް، އެ މީހެއްގެ ސިސްޓަމް އޯއެސް ވިންޑޯސް 10 އަށް އަޕްގްރޭޑް ކޮށްލެވޭ ހިލޭ އަޕްގްރޭޑެއް މައިކްރޮސޮފްޓުން ދޫކުރި އިރު، އެ ފްރީ އަޕްގްރޭޑް މާދަމާގެ ފަހުން ނުލިބޭނެ އެވެ.
ވިންޑޯސް 10 އަކީ ގިނަ ބަޔަކު ދެކޭ ގޮތުގައި މައިކްރޮސޮފްޓުން އުފެއްދި، ވިންޑޯސް އޯއެސްގެ އެންމެ ރަނގަޅު ވާޝަން އެވެ. ވިންޑޯސް 8 އާ މެދު ބައެއް މީހުން މީގެ ކުރިން ފާޅު ކުރި ނަމަވެސް ވިންޑޯސް 10 އާ މެދު ގިނަ ބަޔަކު ތިބީ ހިތްހަމަ ޖެހިފަ އެވެ. ވިންޑޯސް 10 އަކީ ވިންޑޯސް އޯއެސްގެ އެންމެ ރައްކާތެރި ވާޝަން ކަމަށް ބެލެވޭ އިރު، ވިންޑޯސް 10 އަށް އޯއެސް އަޕްޑޭޓް ކުރުމުގެ ފުރުސަތު އަދިވެސް ލިބޭނެ އެވެ.
ވިންޑޯސް 10 ގެ ހެލްޕް ޕޭޖަށް ގޮސް، ޑައުންލޯޑް ޕޭޖަށް ދިއުމުން، ވިންޑޯސް 10 އަށް ހިލޭ އަޕްގްރޭޑް ކުރުމުގެ ނޯޓިފިކޭޝަން ފެންނަން ހުންނާނެ އެވެ. އެ ނޯޓިފިކޭޝަނަށް ކްލިކު ކުރުމުން ވިންޑޯސް 10 އަޕްގްރޭޑް ޑައުންލޯޑު ވާނެ އެވެ.