ބޭނުންވާނެ ތަކެތި:
- 1 ޕާން (ބޮޑު)
- 2 ދަޅު ފެލިވަރުމަސް
- 1 ފިޔާ (ބޮޑު)
- 1/2 ގިތެޔޮ މިރުސް
- 2 ސަމްސާ ބަޓަރު
- ލޮނު ކޮޅެއް
- އަސޭމިރުސް ކޮޅެއް
ހަދާނެގޮތް:
- ހިމުންކޮށް ފިޔާ ކޮށުމަށްފަހު ބަޓަރުކޮޅުގައި ފިޔާ ރަތްކޮށްލާށެވެ.
- ފިޔާ ރަތްވުމުން މިރުސްކޮޅު އަޅާ ހަނާކޮށްލުމަށްފަހު މަސް، ލޮނު އަދި އަސޭމިރުސް އަޅާ ހަނާ ކޮށްލާށެވެ.
- ޕާންފޮތިތަކުގެ ކައިރި ކެފުމަށްފަހު، ރޮށިދަމާ ކިބާވަރު ބޭނުންކޮށްގެން ޕާންފޮތިތައް ކުޑަކޮށްދަމާލާށެވެ.
- ކޮންމެ ޕާންފޮއްޗަކަށް ހަނާކޮށްފައި ހުރިމަސްގަނޑުން މަސްކޮޅެއް އެޅުމަށްފަހު، ރޯލް ހަދަން އޮޅާގޮތަށް ރީއްޗަށް އޮޅާލާށެވެ. އަދި ޓޫތުޕިކް ބޭނުންކޮށްގެން ހަރުކޮށްލާށެވެ. ބޭނުންނަމަ ކޮންމެ ޕާންފޮއްޗެއް އޮޅާލުމަށްފަހު ދެފަޅިއަށް ވާ ގޮތަށް ބުރިކޮށްލާށެވެ.
- ހުރިހާ ޕާންފޮއްޗަކަށް މަސްއަޅައި، އޮޅާ ނިމުމުން ޓްރޭއެއްގައި އަތުރާލުމަށްފަހު، މަޑު މުށިކުލައެއް އަރަންދެން ބްރެޑް ރޯލްސްތައް އަވަނުން 160 ޑިގްރީ ސެޝިއަސްގައި ފިހެލާށެވެ.