ސްކޫލްތަކުގެ ބަންދު ދުވަސްވަރާ ދިމާކޮށް މޯލްޑިވިއަންއިން ލަންއާއަށް 2313 ރުފިޔާއަށް ދެކޮޅު ޓިކެޓް ލިބޭ ޕުރޮމޯޝަނެއް ފަށައިފި އެވެ.
މޯލްޑިވިއަންގެ އިސްއޮފިޝަލަކު މިއަދު ސަން އަށް ވިދާޅުވީ، ސްކޫލް ބަންދު ހަފްތާގައި ވިޔަފާރި ކޮށްލުމަށާއި ޗުއްޓީ ހޭދަކޮށްލުމުގެ ފުރުސަތު ހޯދައިދިނުމުގެ ގޮތުން 150 ޑޮލަރަށް (2313ރ.) އިން ފެށިގެން ދެކޮޅު ޓިކެޓް ލިބޭ ދަތުރުތަކެއް ބޭއްވުމަށް ނިންމާފައިވާ ކަމަށެވެ.
"އެކި އަގު އުޅޭނީ ޓިކެޓް. 150 ޑޮލަރަށް އަދިވެސް ޓިކެޓް ލިބޭނެ. ވަރަށް ބޮޑު ތަރުހީބެއް ލިބޭ އެބަ،" އޮފިޝަލް ވިދާޅުވި އެވެ.
ދެން ޓިކެޓް ވިއްކަނީ 160 ޑޮލަރަށާއި 170 ޑޮލަރާއި 190 ޑޮލަރަށެވެ.
އެދަތުރުގައި އަންނަ މަހު ފަސް ވަނަ ދުވަހު މާލެއިން ފުރުމަށް ނިންމާފައިވާއިރު މާލެ އައުމަށް ނިންމާފައިވަނީ އެމަހު 10 ވަނަ ދުވަހުއެވެ.
އެދަތުރުގައި ބޭނުން ކުރުމަށް ނިންމާފައި ވަނީ މޯލްޑިވިއަންގެ 154 ގޮނޑީގެ އެއާބަސް އޭ 320ގެ މަތިންދާބޯޓެވެ.