ސިހުރު ހަދާ ކަމުގެ ތުހުމަތުގައި ރ. މީދޫއާއި އަލިފުށީގައި ފުލުހުން އޮޕަރޭޝަނެއް ހިންގަން ފަށައިފިއެވެ.
ފުލުހުން މީޑިއާތަކާ ހިއްސާކުރި މެސެޖެއްގައި ބުނީ، އަލިފުއްޓާއި މީދޫގައި ސިހުރު ހަދާކަމަށް ކޮށްފައިވާ ރިޕޯޓަކާ ގުޅިގެން އެ ދެ ރަށުގައި އޮޕަރޭޝަނެއް ހިންގަމުން އަންނަ ކަމަށެވެ.
ނަމަވެސް، އިތުރު ތަފުސީލެއް ހާމަކޮށްފައެއް ނުވެއެވެ.
މީގެކުރިން ވެސް ސިހުރުގެ މައްސަލަތަކުގައި ގެތައް ބަލައި ފާސްކޮށް، މީހުން ހައްޔަރުކޮށްފައި އެބަ ހުއްޓެވެ.
އެގޮތުން، މިދިޔަ މަހު ހއ. ކެލާއިން ސިހުރުގެ މައްސަލައެއްގައި ފަސް މީހަކު ފުލުހުންގެ ބެލުމުގެ ދަށަށް ގެންދިޔައެވެ. ނަމަވެސް އެ ފަސް މީހުން ވެސް ފަހުން ވަނީ ދޫކޮށްލައިފައެވެ.