ވައިގެ މަގުން ރާއްޖެއަށް އެތެރެކުރަން އުޅުނު 109 ގުރާމުގެ މަސްތުވާތަކެތި ކަސްޓަމްސްއިން އަތުލައިގެންފިއެވެ.
ކަސްޓަމްސްއިން ރާއްޖެއަށް އެތެރެކުރަން އުޅުނު މަސްތުވާތަކެތި އަތުލައިގެންފައި ވަނީ ވެލާނާ އިންޓަނޭޝަނަލް އެއާޕޯޓް (ވީއައިއޭ) އިން އެތެރެކުރަން މަސައްކަތް ކުރަމުންދަނިކޮށް މި މަހުގެ ނުވަވަނަ ދުވަހެވެ.
އަތުލައިގެންފައި ވަނީ 109 ގުރާމުގެ ހެރޮއިން ކަމަށް ކަސްޓަމްސްއިން ވަނީ މައުލޫމަތުދީފައެވެ.
ކަސްޓަމްސް އިން ވަނީ މި މައްސަލަ މިހާރު ފުލުހުން ބަލަމުން އަންނަކަމަށް ބުނެފައެވެ. ފުލުހުން އަންނަނީ މި މައްސަލަ އިތުރަށް ތަހުގީގުކުރަމުންނެވެ.
މިކަން ކުރީ ކޮންބައެއްކަން ފުލުހުން އަދި ހާމަކޮށްފައެނުވެއެވެ.
މީގެ ކުރިން ވެސް ވަނީ ވެލާނާ އިންޓަނޭޝަނަލް އެއާޕޯޓުން މަސްތުވާތަކެއްޗާއެކު ފުރަން އުޅުނު މީހަކު އަތުލައިގެންފައެވެ. އޭނާ އުމުރަށް ޖަލަށްލާން ކްރިމިނަލް ކޯޓުން ވަނީ ހުކުމް ކޮށްފައެވެ.