އުމްރާގެ އަޅުކަމަށް މައްކާއަށް ގޮސް އުޅެނިކޮށް ގެއްލުނު ހުސައިން މުހައްމަދު ދީދީ ފެނިއްޖެއެވެ.
އޭނާ އުމްރާއަށް ދިޔައީ ޔަލަމްލަމްގެ ހަވާލުގައެވެ. އެ ގްރޫޕުން ވަނީ އޭނާ ގެއްލިގެން ހޯދަމުންދާތީ، އާންމުންގެ އެހީތެރިކަމަށް ވެސް އެދިފައެވެ.
އެ ގްރޫޕުން ބުނީ، މިހާރު ހުސައިން މުހައްމަދު ދީދީ ފެނިފައިވާ ކަމަށާއި، އޭނާގެ ހާލު ރަނގަޅު ކަމަށެވެ. އޭނާ ހޯދުމަށް މަސައްކަތް ކޮށްދިން އެންމެނަށާއި އަދި ހެޔޮދުއާކޮށްދިން މީހުނަށް ޔަލަމްލަމްއިން ވަނީ ޝުކުރު އަދާކޮށްފައެވެ.
މުހައްމަދަކީ ޔަލަމްލަމް ގްރޫޕުގެ ހަވާލުގައި އިއްޔެ މެންދުރުފަހު ސައުދީ ފްލައިޓު SV839އިން ދަތުރުކުރި އުމްރާވެރިންގެ ތެރޭގައި ހިމެނޭ މީހެކެވެ/ އުމްރާގެ އަޅުކަން ފުރިހަމަ ކުރުމަށް ސަޢީ ކުރަނިކޮށް މުހައްމަދު އާއިލާއާ ވަކިވެ ގެއްލުނީއެވެ.
މުހައްމަދު ގެއްލުނުއިރު، އޭނާ ހުރީ އިހްރާމުގައި ކަމަށާއި، އޭނާގެ ކަރުގައި ޔަލަމްލަމް ޖަމާއަތުގެ ފާސް ވެސް އަޅާފައި އޮންނާނެ ކަމަށް މީގެ ކުރިން ބުނެފައިވެއެވެ.
އޭނާ މިހާރު ފެނިފައިވާއިރު، ހައްޖާއި އުމްރާގެ އަޅުކަމަށް ގޮސް އުޅުމުގެ ތެރޭގައި މީހުން ގެއްލުމުގެ ހާދިސާތައް ދޭތެރެ ދޭތެރެއަކުން ހިނގައެވެ.