ދުނިޔޭގެ އެންމެ ކަމުނުދާ އެއާލައިންތަކުގެ ތެރޭގައި އިންޑިއާގެ އިންޑިގޯ ހިމެނިފައިވާ ކަމަށް މި އަހަރު އެއާހެލްޕް ސްކޯ ރިޕޯޓުގައި ބުނެފިއެވެ. އިންޑިގޯ ހިމެނިފައިވަނީ 103 ވަނަގައެވެ.
ރޭޓިން ދަށްވުމަކީ ކަސްޓަމަރުންގެ ހިތްހަމަޖެހުން ދަށްވުމާއި ފްލައިޓް ޑިސްޓްރަޕްޝަން ކްލޭމްތައް ބެލެހެއްޓުން ދަށްވުމެވެ. އެ ކަމާ ގުޅިގެން އިންޑިގޯއިން ބުނީ, އެ ދިރާސާގައި އިންޑިއާގެ ސާމްޕަލް ސައިޒު ހާމަކޮށްފައިނުވާ ކަމަށާއި އެހެންކަމުން ދިރާސާގެ ސައްހަކަމާ މެދު ޝައްކު އުފެދޭ ކަމަށެވެ.
އީޔޫގައި ހުންނަ ކްލޭމް ޕްރޮސެސިން އެޖެންސީއެއް ކަމަށްވާ އެއާހެލްޕްއިން ކުރިއަށް ގެންދާ މި ދިރާސާގައި ދުނިޔޭގެ ފެންވަރުގައި އެއާލައިންތައް އިވެލުއޭޓްކުރަނީ ގަޑިއަށް ފަރުވާ ބެހެއްޓުމާއި، ޚިދުމަތުގެ ފެންވަރާއި ބަދަލު ދިނުމަށް ގެންގުޅޭ އުސޫލުތަކަށެވެ. މި ކްރައިޓީރިއާތައް، ދިރާސާގައި ޖެނުއަރީން އޮކްޓޯބަރު މަހުގެ ނިޔަލަށް ޑޭޓާ ހިމެނޭއިރު، އެއާލައިންތަކުގެ ޚިދުމަތްތަކާ ބެހޭ ގޮތުން 54 ގައުމެއްގެ ފަސިންޖަރުންގެ ފޮނުވި ފީޑްބެކް ވެސް ހިމެނެއެވެ.
އެ ލިސްޓުގެ އެއްވަނައިގައި އޮތީ 8.12 ސްކޯއާ އެކު ބްރަސެލްސް އެއާލައިންސްއެވެ. ދެވަނައިގައި އޮތީ ގަތަރު އެއާވޭސްއާއި ޔުނައިޓެޑް އެއާލައިންސްއެވެ. އިންޑިގޯގެ އިތުރުން ލިސްޓުގައި ދެން އޮތް ހަމައެކަނި އިންޑިއާގެ އެއާލައިން، އެއާއިންޑިއާ އޮތީ 61 ވަނައިގައެވެ.
އެ ލިސްޓުގެ އެންމެ ފަހަތުގައި އޮތީ ޓިއުނީސް އެއާއެވެ. އެ އެއާލައިން އޮތީ 109 ވަނައިގައެވެ.
ދުނިޔޭގެ އެންމެ ރަނގަޅު 10 އެއާލައިނަކީ، ބޫރޫސަލްސް އެއާލައިން، ޤަތަރު އެއާވޭސް، ޔުނައިޓެޑް އެއާލައިންސް، އެމެރިކަން އެއާލައިންސް، ޕްލޭ (އައިސްލޭންޑް)، އޮސްޓްރިއަން އެއާލައިންސް، ޕޮލެންޑުގެ ލޮޓް ޕޮލިޝް އެއާލައިންސް، އެއާ އެރެބިއާ، ނޯވޭގެ ވީދްރާ އަދި އެއާ ސާބިއާއެވެ.
ލިސްޓުގެ އެންމެ ފަހަތުން އެންމެ ކަމުނުދާ އެއާލައިންތަކަކީ، ގްރީސްގެ ސްކައި އެކްސްޕްރެސް، އެއާ މޮރިޝަސް، ރޮމޭނިއާގެ ތާރޮމް، އިންޑިގޯ، ތުރުކީގެ ޕެގާސަސް އެއާލައިންސް، އެލް އަލް އިސްރާއީލް އެއާލައިންސް، ބަލްގޭރިއާ އެއާ، ތޫނިޝިއާގެ ނޮވެލްއެއާ، ޕޮލެންޑުގެ ބަޒް އަދި ތޫނިސްއެއާއެވެ.