މާވެޔޮ މަގުގައި ހުރި ގެއެއްގައި އަލިފާނުގެ ހާދިސާއެއް ހިނގައިފިއެވެ.
އެމްއެންޑީއެފުން ބުނީ، އަލިފާން ރޯވެފައިވަނީ ގެއެއްގެ 10 ވަނަ ބުރީގައި ހުރި ގުދަނެއްގައި ކަމަށެވެ.
މި ހާދިސާ ހިނގާފައި ވަނީ މިރޭ 6:30 ހާއިރެވެ. އަދި ގާތްގަނޑަކަށް ގަޑިއިރެއްތެރޭ އަލިފާންގަނޑު ވަނީ ނިއްވާލައިފައެވެ.
މި ހަދިސާގައި އެއްވެސް މީހަކަށް އަނިޔާވި ކަމުގެ މައުލޫމާތެއް ލިބިފައެއް ނުވެއެވެ. އަދި ހާދިސާ ހިނގަން މެދުވެރިވި ސަބަބު ވެސް އަދި ދެނެގަނެވިފައެއް ނުވެއެވެ.
އެ ހާދިސާއާ ގުޅޭ ގޮތުން ނެޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ)އިން ބުނީ އަލިފާން ރޯވީ ނިޔަދުރުމާ ގޭގައި ކަމަށާއި އެކަން އެ އޮތޯރިޓީގެ ފަރާތުން ވެސް ބަލަމުން އަންނަ ކަމަށެވެ.