މި ދޮންކެޔޮ އެންމެ ފުރަތަމަ ގަތްއިރު އެއީ ވަރަށް ކުޑަ އަގެއްގައި ބާޒާރުން ލިބެންހުރި އާދައިގެ މޭވާއެކެވެ.
އެހެންނަމަވެސް, އިޓަލީގެ އާޓިސްޓު މޮރީޒިއޯ ކެޓެލަން މި ދޮންކެޔޮ އާޓް ގެލެރީއަކަށްލުމަށް ފަހު އޭގައި ޑަކްޓްޓޭޕް އަޅައި، ފާރުގައި ހަރުކުރި ހިސާބުން ގިނަ ބައެއްގެ ސަމާލުކަން އެއަށް ލިބެން ފެށިއެވެ.
ދުނިޔޭގެ އެތައް ޤައުމެއްގެ މީހުންގެ ސަމާލުކަން މި ދޮންކޭލަށް ލިބި އެންމެ ފަހުން އޭގެ އަގު 5.2 މިލިއަން ޑޮލަރަށް އަރައި ނިއުޔޯކްގެ ސޮތެބީސް މައުރަޒުގައި ވިއްކާލެވިފައިވާ ކަމަށް ދަ ގާޑިއަން ނޫހުން ވަނީ ބުނެފައެވެ. މި އަގާ އެކު ޑަކްޓޭޕް އެޅި މި ދޮންކެޔޮ ވެފައިވަނީ ދުނިޔޭގެ އެންމެ އަގުބޮޑު އެޑިބަލް މޭވާއަށެވެ.
ޑަކްޓޭޕް ބަނާނާ އާޓް ގަނެފައިވާ ޖަސްޓިން ސަން--ފޮޓޯ/ކޮއިންޕީޑިއާ
މި އާޓު މަސައްކަތް ގަނެފައި ވަނީ ޗައިނާގެ ކްރިފްޓޯކަރަންސީ ވިޔަފާރިވެރިއެއް ކަމަށްވާ ޖަސްޓިން ސަން ނަމަކަށް ކިޔާ މީހެކެވެ. ޖަސްޓިން ސަންއަށް މި އާޓު ކާމިޔާބުވީ އިތުރު ހަތް މީހުންނާ އެކު ކުރިމަތިލި ބިޑު ކާމިޔާބުކުރުމަށް ފަހުއެވެ.
ބިޑުގެ ބައިވެރިއެއް ކަމަށްވާ އޮލީވިއާ ބާކަ ބުނިގޮތުގައި އެންމެ ކުރިން އެ އާޓް ވޯކް ވިކޭނެ ކަމަށް އޭނާ އުންމީދެއް ނުކުރެއެވެ. އެހެންނަމަވެސް، 5.2 މިލިއަން ޑޮލަރަށް އާދައިގެ ދޮންކެޔޮވަކެއް ވިކި އޭގެ ހަގީގީ އަގަށްވުރެ އެތައް ގުނަ އުފުލިފައިވާ ކަމަށް އޮލީވިއާ ވަނީ ބުނެފައެވެ.
ޖަސްޓިން ސަން އެތައް މިލިއަން ޑޮލަރެއް ޚަރަދުކޮށް ގަނެފައިވާ ޑަކްޓްޓޭޕް އެޅި ދޮންކެޔޮ ވައް އާޓް ގެލެރީއަށް ލުމުގު ކުރިން އޭގެ އަގަކީ އެންމެ 35 ސެންޓެވެ.
އިޓަލީގެ އާޓިސްޓު މޮރީޒިއޯ ކެޓެލަން--ފޮޓޯ/ރޮބްރިޕޯޓް
އެހެންކަމުން އޭގެ އަގު 15 މިލިއަން ގުނަ ބޮޑުވުމަށް ގަޑިއިރުތަކެއް ހޭދަނުވާ ކަމަށް ދަ ގާޑިއަންގައި ވަނީ ބުނެފައެވެ. ނަމަވެސް، އާޓުގެ ނަޒަރަކުން ބަލާއިރު ބޮޑު އަގުގައި ވިކިފައިވަނީ ހެޔޮ އަގުގައި ގަތް ދޮންކެޔޮ ވައް ނޫން ކަމަށާއި އޭގެ ފަހަތުގައިވާ އުފެއްދުންތެރި ޚިޔާލު ކަމަށް ކެޓެލަން ވަނީ ބުނެފައެވެ.
މި އާޓް ވޯކް ކާމިޔާބުކުރި ޖަސްޓިން ސަންއަށް ދޮންކެޔޮ ވަކަކާ އެކު ޑަކްޓްޓޭޕް ރޯލެއް ލިބޭނެ ކަމަށާއި މި އާޓް ވޯކް ބަހައްޓާނެ ގޮތުގެ އިރުޝާދާ އެކު އެ މަސައްކަތުގެ އަސްލު ދޭހަކޮށްދޭ ސެޓެފިކެޓެއް ލިބޭނެ ކަމަށް ދަ ގާޑިއަންގައި ވަނީ ބުނެފައެވެ.
މި ހުރިހާ މަސައްކަތާ އެކު ޑަކްޓްޓޭޕް ދޮންކެޔޮ ވައް ހުރި އާޓުގެ ހަގީގީ އަގު 6.2 މިލިއަން ޑޮލަރަށް އަރާނެ ކަމަށް ގާޑިއަންގައި ބުނެފައިވެއެވެ.
ދުނިޔޭގެ ގިނަ ބަޔަކު 'ކޮމީޑިއަން އާޓު'ގެ ނަމުން މުޚާތަބުކުރާ މި ފަދަ އާޓް ވޯކެއް މީގެ ކުރިން ވެސް ވަނީ ދައްކާލާ ގިނަ ބައެއްގެ ސަމާލުކަން ހޯދާފައެވެ. މިއާމީ ބީޗުގައި ހުންނަ އާޓް ބެސެލް މީގެ ތިން އެޑިޝަނެއް ދައްކާލިއިރު އޭރުގެ އާޓް ވޯކްތައް ވަނީ 150،000 އާއި 1،20000 ޑޮލަރުގެ އަގެއްގައި ވިކިފައެވެ.