ދެ ލޯންޗުޖެހި މިރޭ ހިނގި ނުރައްކާތެރި އެކްސިޑެންޓެއްގައި އަނިޔާވި ދެމީހުންނަށް ހުޅުމާލެ ހޮސްޕިޓަލުން ފަރުވާދޭން ފަށައިފިއެވެ.
މިކަމާ ގުޅިގެން ފުލުހުން މީޑިއާތަކާ ހިއްސާކުރި މެސެޖެއްގައި ވަނީ ހުޅުމާލޭގެ ނެރުކައިރިން ދެ ލޯންޗުޖެހި އެކްސިޑެންޓެއް ހިނގާފައި ވާކަމުގެ ރިޕޯޓު މިރޭ ލިބިފައި ވާކަމަށެވެ.
އަދި މި އެކްސިޑެންޓުގައި އެތަނުން އެއް ލޯންޗުގައި ތިބި ދެ މީހަކަށް އަނިޔާވެ ހުޅުމާލޭ ހޮސްޕިޓަލަށް ގެންގޮސްފައި ވާކަމަށާއި އަނިޔާވީ ދެ ފިރިހެނުން ކަމަށް ވެސް ފުލުހުން ވަނީ ބުނެފައެވެ.
ފުލުހުން އަންނަނީ މި ހާދިސާ ހިނގި ސަރަހައްދުގައި ހަރަކާތްތެރި ވަމުންނެވެ.
މިކަމާ ގުޅިގެން ހުޅުމާލޭ ހޮސްޕިޓަލުގެ ބަހެއް އަދި ލިބިފައެއް ނުވެއެވެ.
މިދިޔަ މަހުގެ 25ގައި ކ. ގުޅިފަޅު ކައިރިން ވެސް ލޯންޗެއް ޖެހި އެކްސިޑެންޓެއް ހިނގިއެވެ.