ހައްޖާއި އުމްރާގެ ޚިދުމަތްދޭ ކުންފުނިތަކުން އެ ޚިދުމަތް ދޭންވާނީ ވިޔަފާރިއަކަށް ވުރެ ބޮޑަށް އެކަމުން ލިބޭ ސަވާބާއި ދަރުމައަށް އިސްކަން ދީގެން ކަމަށް ނައިބު ރައީސް ހުސައިން މުހައްމަދު ލަތީފް މިއަދު ވިދާޅުވެއްޖެއެވެ.
ނައިބު ރައީސް މިފަދައިން ވިދާޅުވީ، ހައްޖާގެ އުމްރާގެ ކޮންފަރެންސް ފެށުމަށް ބޭއްވި ރަސްމިއްޔާތުގެ ޝަރަފުވެރިކޮށް ދެއްވައި، ދެއްކެވި ވާހަކަފުޅުގައެވެ.
އެ ރަސްމިއްޔާތުގައި ވާހަކަދައްކަވަމުން ނައިބު ރައީސް ވިދާޅުވީ، ހައްޖާ އުމްރާގެ އަޅުކަމަކީ ހިތްތަކާ ގުޅިފައިވާ އަޅުކަމެއް ކަމަށާއި ފައިސާ އެއްކޮށްގެން ހައްޖާއި އުމްރާގެ އަޅުކަމަށްދާ ދިވެހީން ދުވަހެއް ދުވަހަކަށް ވުރެ އިތުރުވަމުން އަންނަ ކަމަށެވެ.
މިނިސްޓަރު ޝަހީމްއާއި ނައިބު ރައީސް: ޙައްޖާ އުމްރާގެ ކުންފުނިތަކުން ޚިދުމަތް ދޭން ވާނީ އެކަމުން ލިބޭ ދަރުމައަށް އިސްކަންދީގެން ކަމަށް ނައިބު ރައީސް ވިދާޅުވި --- ފޮޓޯ/ އިސްލާމިކް މިނިސްޓްރީ
ރާއްޖޭން އުމްރާއަށް މީހުން ގެންދިޔުމުގެ ޚިދުމަތްދޭ 50އަށް ވުރެ ގިނަ ކުންފުނިތައް އިސްލާމިކް މިނިސްޓްރީގައި ރަޖިސްޓްރީވެފައިވާ ކަން އެމަނިކުފާނު ވަނީ ފާހަގަކުރައްވާފައެވެ.
އަޅުގަނޑުގެ ނަޒަރުގައި މި ޚިދުމަތްތައް ދޭ ކުންފުނިތަކަށް ޚިދުމަތް ދެއްވަވަން ވާނީ ވިޔަފާރިއަކަށް ވުރެ ބޮޑަށް މިކަމުން ލިބޭ ދަރުމައާއި ހެޔޮ ސަވާބަށް އިސްކަންދީގެން. ޙައްޖުވެރީންނާ އުމްރާވެރިންނަށް އެހީވުމަށް އެ ހޭދަ ކުރާ ވަގުތަކީ ބޭކާރު ވެގެންދާނެ ވަގުތެއް ނޫންނައިބު ރައީސް ހުސައިން މުހައްމަދު ލަތީފް
މީގެއިތުރުން، ނައިބު ރައީސް ވަނީ ޙައްޖާ އުމްރާގެ ކަންކަމުގައި އެ ޚިދުމަތްތައް ފޯރުކޮށްދޭ ކުންފުނިތަކަށް ސަރުކާރުގެ ފުރިހަމަ އެއްބާރުލުން ލިބޭނެ ކަމުގެ ޔަގީންކަން ދެއްވާފައެވެ.
ޙައްޖާ އުމްރާ ކޮންފަރެންސް ފެށުމަށް ބޭއްވި ރަސްމިއްޔާތުގެ ތެރެއިން --- ފޮޓޯ/ އިސްލާމިކް މިނިސްޓްރީ
މިއަދު ބާއްވާ ކޮންފަރެންސް މެދުވެރިކޮށް މިހާރު ހުރި ގޮންޖެހުންތަކަށް ޙައްލު ހޯދޭނެ ކަމުގެ ޔަގީންކަން އެބަ އޮތް ކަމަށާއި ކޮންފަރެންސްގެ ނިންމުންތަކުގެ އަލީގައި ޙައްޖާ އުމްރާގެ އަޅުކަން އަދާކުރާ އިންތިޒާމުތަކާ ނިޒާމު ހަރުދަނާ ވެގެންދާނެ ކަމަށް އެމަނިކުފާނު ގަބޫލުފުޅު ކުރައްވައެވެ.
...ވަކީން ޚާއްސަކޮށް ޙައްޖުވެރީން އިންވެސްޓުކުރާ ފައިސާ ރައްކާތެރިވެ، ޙައްޖު ފަންޑު ތަރައްގީކޮށް ދިރުވުމަށް، އާ ވިސްނުންތަކެއް ވިސްނައި، ޙައްޖުގެ އަގު ތިރި ކުރުމަށް ސަރުކާރުން ގެންގުޅުއްވާ ސިޔާސަތަށް އަވަސް ކުރިމަގެއް ލިބޭނެ ކަމަށް އަޅުގަނޑު ޔަގީން ކުރަންނައިބު ރައީސް ހުސައިން މުހައްމަދު ލަތީފް
މީގެއިތުރުން، ކޮންފަރެންސްގައި ވާހަކަދައްކަވަމުން އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސަޢީދު ރާއްޖޭން މީހުން ޙައްޖަށް ގެންދަން އިތުރު ކޯޓާތަކެއް ލިބިއްޖެ ނަމަ، އަމިއްލަ ޖަމިއްޔާތަކަށް އެ ފުރުސަތު ދިނުމުގެ ވިސްނުން ގެންގުޅުއްވާ ކަމަށެވެ.
ޝަހީމް ވިދާޅުވި ގޮތުގައި މީގެ ކުރިން ގައުމުތަކަށް އިތުރަށް 1،000 ނުވަތަ 2،000 ކޯޓާ ދިން ކަމަށްވި ނަމަވެސް، އެ ގައުމުގެ ކަންކަމަށް ބަދަލު އައުމަށް ފަހު ކޯޓާގެ ނިސްބަތަށް ވެސް ބަދަލު އަންނާނެކަމުގެ އިޝާރާތް ވަނީ ލިބިފައެވެ.