ކ. ގުޅިފަޅު ކައިރިން ލޯންޗެއް ޖެހި މިރޭ ހިނގި އެކްސިޑެންޓުގައި 12 މީހަކަށް އަނިޔާވި ކަމަށާއިި، ނަމަވެސް އެކެއްގެ ވެސް ހާލު ސީރިއަސް ނޫންކަމަށް ފުލުހުން ބުނެފިއެވެ.
ނޫސްތަކަށް ފުލުހުން ހިއްސާކުރި މައުލޫމާތުގައިވާ ގޮތުން މި އެކްސިޑެންޓު ހިނގައިގެން އެ ކަމުގެ ރިޕޯޓު ފުލުހުންނަށް ލިބުނީ މޮިރޭ 19:34 ހާއިރެވެ.
ސޯޝަލް މީޑިއާގައި ދައުރަވަމުން އަންނަ ގޮތުގައި އެކްސިޑެންޓުވެފައިވަނީ ގްރޭންޑް ޕާކް ކޮއްދިއްޕަރު ޕީކޭޑީ-10 ކިޔާ ލޯންޗަކާއި ފެރިދޫ ޓުއާޒްގެ ސެނޯރާ ކިޔާ ލޯންޗެކެވެ.
މި ހާދިސާގައި 12 މީހަކަށް އަނިޔާވިއިރު އެ މީހުންނަށް މިހާރު އައިޖީއެމްއެޗް ހޮސްޕިޓަލުގައި ފަރުވާ ދެމުން އަންނަކަމަށް ވެސް ފުލުހުން ވަނީ ބުނެފައެވެ.
މައުލޫމާތު ލިބުނު ގޮތުގައި އެ އެންމެންނަށް ވެސް ލިބިފައިވަނީ ކުދިކުދި އަނިޔާތަކެވެ.
އެ ސަރަހައްދުގައި މިހާރު ފުލުހުން ހަރަކާތްތެރިވަމުން އަންނަކަމަށް ވެސް ވަނީ ބުނެފައެވެ.