ވަގަށް ނަގައިފައިވާ ދެ މިލިއަނެއްހާ ރުފިޔާގެ އަގުހުރި ތަކެތި ފުލުހުން ހޯދައި، ވެރިފަރާތާ ހަވާލުކޮށްފިއެވެ.
ފުލުހުން ބުނީ މި ތަކެތި ވަގަށް ނަގައިފައިވަނީ އިއްޔެގެ ވަގުތެއްގައި މާލޭ ގަލޮޅުގައި ހުރި ގެއަކުން ކަމަށެވެ. ވަގަށް ނަގައިފައިވާ ތަކެތީގެ ތެރޭގައި ބޭރު ފައިސާތަކަކާއި ކެމެރާތަކަކާއި ކެމެރާ ލެންސްތަކެއްގެ އިތުރުން، ފޯނުތަކަކާއި މެކްބުކެއް ވެސް ހިމެނެއެވެ. އަދި ބްލޫޓޫތު ސްޕީކަރަކާއި ޗާޖިން ކޭބަލްފަދަ އިލެކްޓްރޯނިކްސް ހިމެނެއެވެ.
ފުލުހުން ބުނީ މިތަކެތި ހޯދާފައިވަނީ މައްސަލަ ހުށަހެޅުމާއެކު ގަލޮޅު ޕޮލިސް އިންވެސްޓިގޭޝަނާއި ރެސްޕޮންސް އެންޑް ޕެޓްރޯލް ގުޅިގެން ކުރި މަސައްކަތުން ކަމަށެވެ.
ނިމުނު 2024ވަނަ އަހަރު ވައްކަމުގެ 3،751 މައްސަލަ ފުލުހުންނަށް ރިޕޯޓުކޮށްފައިވެއެވެ.