އިއްޔެގެ ވަގުތެއްގައި ފަޅު ރަށެއްކަމަށްވާ, ފ. ދިގުވަރަށް ދަތުރު ގޮސް އުޅުނު ބަޔަކު ހާލުގައި ޖެހިފައި ތިބިކަމަށް ފ. ފީއަލީ ޕޮލިސް ޕޯސްޓަށް މަޢުލޫމާތު ލިބުމާގުޅިގެން އެ މީހުނަށް އެހީތެރިކަން ފޯރުކޮށްދީފިއެވެ.
ފުލުހުންނާއި، ފީއަލީ ކައުންސިލާއި، އެމްޓީސީސީ ފެރީގެ މުވައްޒަފުންގެ އެހީތެރިކަމާއެކު ރޭ ވަނީ ހާލުގައި ޖެހުނު މީހުން ފީއައްޔަށް ގެންގޮސްފައި ކަމަށް ފުލުހުން ބުނެއެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.
މި ހާދިސާއާ ގުޅޭ އިތުރު މައުލޫމާތެއް ހިއްސާއެއް ނުކުރެއެވެ.
އާ އަހަރު ބަންދާ ދިމާކޮށް މުޅި ރާއްޖޭގެ މޫސުން ވެސް ވަނީ ގޯސްވެފައެވެ. މޫސުން ގޯސްވާނެތީ ކަނޑު ދަތުރުފަތުރު ކުރުމުގައި ސަމާލު ވުމަށް ވެސް ވަނީ އަންގައިފައެވެ.