ހުޅުމާލޭ ލަކުޑި ޖެޓީ ޖެޓީ ކައިރީގައި ގިނަ ބަޔަކު ބައިވެރިވެގެން ހިންގި މާރާމާރީއެއްގެ މައްސަލަ ފުލުހުން ތަހުގީގު ކުރަން ފަށައިފިއެވެ.
ސޯޝަލް މީޑިއާގައި ދައުރުވެފައިވާ ވީޑިއޯއެއްގައިވާ ގޮތުން އެ މާރާމާރީ ހިންގައިފައި ވަނީ ރޭ ދަންވަރެވެ. އެ ވީޑިއޯއިން 10 ވަރަކަށް މީހުން، އެކަކު އަނެކަކަށް ހަމަލާ ދޭ މަންޒަރު ފެނެއެވެ.
މި މައްސަލައާ ގުޅިގެން ފުލުހުން "ސަން"އަށް ބުނީ ހުޅުމާލޭ ލަކުޑި ޖެޓީ ކައިރީގައި މާރާމާރީއެއް ހިންގި މައްސަލައެއް ރޭގެ ވަގުތެއްގައި ރިޕޯޓުކޮށްފައިވާ ކަމަށެެވެ.
އެހެން ނަމަވެސް އެ މައްސަލައިގައި މިހާތަނަށް އެއްވެސް މީހަކު ހައްޔަރުކޮށްފައިނުވާ ކަމަށް ފުލުހުން ބުންޏެވެ.
އެ މައްސަލަ ފުލުހުން އަންނަނީ ތަހުގީގު ކުރަމުންނެވެ.