ކޮޓަރީގައި ޑިޒައިނެއް ހެދުމަށް އަލިފާން ރޯކުރި މީހަކު ކޯޓު އަމުރެެއްގެ ދަށުން ހަތް ދުވަހަށް މިއަދު ބަންދުކޮށްފިއެވެ.
މި މައްސަލައިގައި ހައްޔަރުކޮށްފައިވަނީ މާލޭ މއ. އުއިވަށާގޭ އުމުރުން 26 އަހަރުގެ ޔައީޝް އަހްމަދެވެ.
ކްރިމިނަލް ކޯޓުގެ އަމުރުގައިވާ ގޮތުން އޭނާގެ މައްޗަށް ތުހުމަތު ކުރެވެނީ ގަސްތުގައި އަލިފާން ރޯކޮށްލި ކަމަށެވެ.
ކޯޓު އަމުރުގައިވާ ގޮތުން އޭނާގެ މައްޗަށް ތުހުމަތު ކުރެވޭ މިންވަރަށް ހެކި ހުށަހެޅިފައިވެއެވެ. އޭނާ ބަންދުކުރުމަށް ނިންމާފައިވަނީ މުޖުތަމައުގެ ސަލާމަތާ ރައްކާތެރި ކަމަށްޓަކައެވެ.
ކޯޓުން ބުނީ އޭނާއަކީ ގިނަ އަދަދަކަށް ކުށުގެ ރިކޯޑު އޮންނަ ފަރާތެއް ކަމަށެވެ.
އޭނާގެ ބަންދުގެ މުއްދަތު ހަމަވާނީ އަންނަ އާދިއްތަ ދުވަހަށެވެ.