އިންޓަ ޕާލިމަންޓަރީ ޔޫނިއަން (އައިޕީޔޫ)ގެ 149 ވަނަ އެސެމްބްލީގައި ބައިވެރިވެވަޑައިގަތުމަށް، ރައްޔިތުންގެ މަޖިލީހުގެ ރައީސް، ޢަބްދުއްރަޙީމް ޢަބްދުﷲ ރޭ ޖެނީވާއަށް ފުރާވަޑައިގެންފިއެވެ.
އައިޕީޔޫގެ 149 ވަނަ އެސެމްބްލީ އޮންނާނީ މިއަދުން ފެށިގެން އަންނަ 17ވަނަ ދުވަހުގެ ނިޔަލަށެވެ.
މި އެސެމްބްލީގެ މައިގަނޑު މައުޟޫއެއްގެ ގޮތުގައި ކަނޑައަޅައިފައިވަނީ ސައިންސާއި ޓެކްނޮލޮޖީ އަދި އީޖާދުގެ ބޭނުން ހިފައި، ސުލްހަވެރި ދެމެހެއްޓެނިވި މުސްތަގްބަލެއް ބިނާކުރުމެވެ.
ހަމައެއާއެކު ގާނޫނު ހަދާ މަޖިލިސްތަކުގެ ބޭފުޅުންގެ މެދުގައި އެ ދާއިރާއިން މަޝްވަރާކޮށް، ދައުރު ފުޅާކުރުމާ ގުޅޭގޮތުން ވާހަކަދައްކާނެއެވެ.