ރައްޔިތުންގެ މަޖިލީހުގެ ޖަލްސާތައް ފެށުން މި މަހު 14އަށް ފަސްކުރަން މަޖިލީހުގެ ރައީސް އަބްދުއްރަޙީމް އަބްދުﷲ މިއަދު ނިންމަވައިފިއެވެ.
މަޖިލީހުގެ އިދާރާއިން މެންބަރުންނަށް މިއަދު ފޮނުވި މެސެޖެއްގައިވާ ގޮތުން، ޖަލްސާތައް ފެށުން ލަސްކޮށްފައިވަނީ ޖަލްސާތައް ބްރޯޑްކާސްޓުކުރުމަށް އާ ވީޑިއޯ ރޫމެއް ގާއިމުކުރުމުގެ މަސައްކަތް ކުރިއަށްދާތީއެވެ.
އެގޮތުން، މަޖިލީހުގެ ޖަލްސާތައް ބްރޯޑްކާސްޓުކުރުމުގައި ދަތިތަކެއް ހުރުމުން ދެވަނަ ދައުރުގެ ޖަލްސާތައް ފެށުން އަންނަ ހަފުތާގެ ހޯމަ ދުވަހަށް ފަސްކުރަން މަޖިލީހުގެ ރައީސް ވަނީ ނިންމަވާފައެވެ.
ވިހިވަނަ ރައްޔިތުންގެ މަޖިލިސް, މި އަހަރުގެ މެއި 28 ގައި ހުވާކުރުމަށް ފަހު، ދެވަނަ ދައުރުގެ މަސައްކަތްތައް ނިންމާލައި ޗުއްޓީއަށް ގޮސްފައިވަނީ އޮގަސްޓު 22 ގައެވެ. އޭގެ ފަހުން ދައުރުން ބޭރުން ތިން ޖަލްސާއެއް ބާވައިފެއެވެ.
މަޖިލިސް ޗުއްޓީއަށް ދިޔައިރު، އެ ދައުރުގައި 82.9 ޕަސެންޓު މަސައްކަތްތައް ވަނީ ނިންމާފައެވެ.
އެއަށް ފަހު ދައުރުން ބޭރުން ތިން ޖަލްސާ ބާއްވާފައިވަނީ ޕްރޮސެކިއުޓާ ޖެނެރަލްގެ މަގާމަށް ބޭފުޅަކު އައްޔަނުކުރުމަށާއި، ކުންފުނީގެ ގާނޫނަށް ހުށަހެޅި އިސްލާހުތައް ފާސްކުރާށެވެ.