މާލޭގެ ފިހާރައެއް ތެރޭ ތޫނު އެއްޗަކުން ރޭ މީހަކަށް ހަމާލާދީފިއެވެ.
މީޑިއާތަކާއި ހިއްސާކުރި މެސެޖެއްގައި ފުލުހުން ބުނީ، ދިލްބަހާރު މަގުގައި ހުރި ފިހާރައެއްގައި މީހަކަށް ތޫނު އެއްޗަކުން ހަމަލާ ދީފައިވާ ކަމުގެ މައުލޫމާތު ރޭ 22:01 ހާއިރު ރިޕޯޓުކުރި ކަމަށެވެ.
މި ހާދިސާގައި އަނިޔާ ލިބުނީ ދިވެހި ފިރިހެނަކަށް ކަމަށްވާއިރު، އޭނާއަށް އައިޖީއެމްއެޗުގައި ފަރުވާ ދިނުމަށް ފަހު ރޭ ދޫކޮށްލާފައިވާ ކަމަށް އެ ހޮސްޕިޓަލާ ހަވާލާދީ ފުލުހުން ބުނެއެވެ.
މި މައްސަލަގައި މިހާތަނަށް މީހަކު ހައްޔަރު ކޮށްފައެއް ނުވެއެވެ.
މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.
ފުލުހުންނާ ރިޕޯޓުކުރާ މައްސަލަތަކާ ގުޅޭ ގޮތުން އާންމުކޮށްފައިވާ ތަފާސްހިސާބުން ދައްކާ ގޮތުގައި މިހާތަނަށް އެންމެ ގިނައިން ރިޕޯޓުކޮށްފައި ވަނީ ވައްކަމުގެ މައްސަލަތަކެވެ. އެގޮތުން ވައްކަމުގެ 2،658 މައްސަލަ ރިޕޯޓުކޮށްފައިވާއިރު ފޭރުމުގެ 369 މައްސަލަ ރިޕޯޓުކޮށްފައިވެއެވެ.