ހުޅުމާލެއިން ބިދޭސީއަކު ގެއްލިގެން ހޯދުމުގެ މަސައްކަތް ފުލުހުން ފަށައިފިއެވެ.
މިކަމާ ގުޅިގެން ފުލުހުން ބުނީ، ހޯދަމުންދަނީ އިންޑިއާ ރައްޔިތެއްކަމަށްވާ އުމުރުން 32 އަހަރުގެ، އައިޑީ މޮހަމެޑް ސެޚް ކަމަށެވެ.
ފުލުހުން ވަނީ އޭނާގެ ފޮޓޯއާއެކު ވަނަވަރު ހާމަކޮށްފައެވެ.
މޮހަމެޑް ސެޙް ވީނުވީއެއް ނޭގި ގެއްލިފައިވާކަމަށް ފުލުހުންނަށް ރިޕޯޓުކޮށްފައިވަނީ މިދިޔަ މަހުގެ 14ވަނަ ދުވަހުގެ ހަވީރުގެ ވަގުތެއްގައި ކަމަށް ފުލުހުން ބުންޏެވެ.
އޭނާ ގެއްލުނުތާ 20 ދުވަސް ވެފައިވާއިރު، މީގެ ކުރިން، އޭނާއާ ގުޅޭ އެއްވެސް މައުލޫމާތެއް ފުލުހުން ހާމަކޮށްފައެއް ނުވެއެވެ.
މީނާއާ ގުޅޭ އެއްވެސް މައުލޫމާތެއް ލިބިފައިވާނަމަ ހުޅުމާލެ ފޭސް އެކެއްގެ ޕޮލިސް ސްޓޭޝަންގެ ނަންބަރު 9980062 އަށް ނުވަތަ ފުލުހުންގެ ހޮޓްލައިން 3322111 އަށް ގުޅުއްވައި ހިއްސާކުރުމަށް ފުލުހުން ވަނީ އެދިފައެވެ.