ލޯންޗެއްގެ ބުރަފަތިން ޖެހި މިއަދު މީހަކު މަރުވެއްޖެއެވެ.
ފުލުހުން ބުނީ، މަރުވީ އުމުރުން 55 އަހަރުގެ އާޖެންޓީނާއަށް ނިސްބަތްވާ ފިރިހެން ފަތުރުވެރިއެއް ކަމަށެވެ.
މި ހާދިސާ ހިނގާފައިވަނީ މިއަދު ހެނދުނު 10:00 އެހާކަންހާއިރެވެ.
ފުލުހުން ބުނީ، އދ. އަތޮޅު ރިސޯޓެއްގައި ޗުއްޓީ ހޭދަކުރަމުން އައި ފަތުރުވެރިއަކު ރެޑިސަން ބްލޫ މޯލްޑިވްސް ރިސޯޓުގެ ބޭރު މޫދުގައި އުޅެނިކޮށް 'އައިކޮމް ގްރީން' ނަމަކަށް ކިޔާ ލޯންޗަކުން ޖެހުނީ ކަމަށެވެ. އެ މީހާ މަރުވެފައިވާ ކަމަށް ފުލުހުން ބުންޏެވެ.
ފުލުހުން އަންނަނީ މި މައްސަލަ ތަހުގީގުކުރަމުންނެވެ.