އެމެރިކާގެ މޭޖާ ލީގް ސޮކާ (އެމްއެލްއެސް)ގެ އެންމެ މޮޅު ޒުވާން ކުޅުންތެރިޔާގެ މަގާމަށް އެޓްލާންޓާ ޔުނައިޓެޑުގެ އާޖެންޓީނާ މިޑްފީލްޑަރު ތިއާގޯ އަލްމޭޑާ ހޮވިއްޖެއެވެ.
އެމްއެލްއެސްގެ އެންމެ މޮޅު ޒުވާން ކުޅުންތެރިޔަކަށް އުމުރުން 22 އަހަރުގެ އަލްމޭޑާ ހޮވުނުކަން އެ ލީގުން އިއުލާންކޮށްފައިވާ އިރު، އެޓްލާންޓާއާއެކު އަލްމޭޑާ ވަނީ ތަފާތު މޮޅު ކުޅުމެއް ދައްކައިފައެވެ.
އަލްމޭޑާ ވަނީ މިސީޒަނުގައި އެޓްލާންޓާއަށް 11 ގޯލާއި 19 އެސިސްޓް ހަދައިފައެވެ. އޭނާ ސީޒަނާ ކުރިމަތިލާފައިވަނީ ލިއޮނެލް މެސީ ހިމެނޭ އާޖެންޓީނާއާއެކު މިދިޔަ އަހަރުގެ ވޯލްޑް ކަޕް ކާމިޔާބުކުރުމަށްފަހުއެވެ.
އެމްއެލްއެސްގައި އަލްމޭޑާ ދައްކަމުންދިޔަ މޮޅު ކުޅުމާއެކު އޭނާ ހޯދުމަށް ޔޫރަޕުގެ ކްލަބުތަކަކުން ވެސް ވަނީ މަސައްކަތްކޮށްފައެވެ. އެގޮތުން އޭނާއަށް އިޓަލީ ޗެމްޕިއަން ނަޕޯލީ އަދި ނެދަލެންޑްސް ޗެމްޕިއަން އަޔެކްސް އިން ޝައުގުވެރިކަން ފާޅުކުރިއެވެ.
އެމްއެލްއެސްގެ އެންމެ މޮޅު އާ ކުޅުންތެރިޔާގެ އެވޯޑު ވެސް ހޯދާފައިވަނީ އެޓްލާންޓާގެ ކުޅުންތެރިއެކެވެ. އިންޓަ މަޔާމީއަށް ކުޅެމުންދާ އާޖެންޓީނާ ތަރި ލިއޮނެލް މެސީ ފަހަތަށް ޖައްސާލުމަށްފަހު، އެ އެވޯޑު ހޯދާފައިވަނީ އެޓްލާންޓާގެ ޖޯޖަސް ޖަކޯމާކިސްއެވެ.