ހދ. ހިރިމަރަދޫ ސުކޫލަށް ކުރިމަތިވެފައިވާ މައްސަލަތަކާއި އެ ސްކޫލުގެ ހާލަތު ބެލުމަށް އެޑިއުކޭޝަން މިނިސްޓްރީގެ ޓީމެއް މިއަދު އެރަށަށް ގޮސްފިއެވެ.
މިނިސްޓްރީގެ ޓީމެއް އެރަށަށް ގޮސްފައި މިވަނީ ހިރިމަރަދޫ ސްކޫލުގައި ގިނަ މައްސަލަތަކެއް ހުރި ކަމަށް ބުނެ، ދަރިވަރުން ސުކޫލަށް ނޮފޮނުވުމަށް އެރަށުގެ ބެލެނެވެރިން ނިންމާފައި ވަނިކޮށެވެ.
އެޑިއުކޭޝަން މިނިސްޓްރީއިން މިއަދު ބުނީ ހިރިމަރަދޫ ސުކޫލުގެ ކަންކަން ބެލުމަށާއި، ރަނގަޅުކުރަން ހުރި ކަންތައްތައް ދެނެގަތުމަށް މިނިސްޓްރީގެ ޓީމެެއް މިހާރު އެރަށަށް ގޮސްފައިވާ ކަމަށެވެ.
ހިރިމަރަދޫ ސުކޫލުގެ ހާލަތާ ގުޅޭގޮތުން އެރަށުގެ ކައުންސިލު މެމްބަރު މުހައްމަދު އަރުޒަން ވިދާޅުވީ، ސްކޫލްގެ ވަރަށް ގިނަ މައްސަލަތަކެއް އެބަހުރި ކަމަށާއި އެ މައްސަލަތައް ހައްލުކުރުމަށް ބެލެނިވެރިން ގޮވާލަމުންދާ ކަމަށެވެ.
އެގޮތުން ގިނަ އަހަރުތަކެއް ވެގެންދިޔައިރުވެސް ސްކޫލްގެ ދަރިވަރުންގެ ނަތީޖާއަށް ބޭރު ޓީޗަރުންގެ ފަރާތުން އެއްވެސް ބަދަލެއް ގެނެސްދެވިފައިނުވާކަން އޭނާ ފާހަގަކުރެއްވިއެވެ.
އޭގެ އިތުރުން ސްކޫލްގައި ހުރީ އިންޑިއާ ޕްރިންސިޕަލްއެއް ކަމަށާއި ހިރިމަރަދޫ ސްކޫލަށް ރަނގަޅު ދިވެހި ޕްރިންސިޕަލްއެއް ބޭނުންވާކަމަށް އެރަށު ބެލެނިވެރިން ވަނީ ބުނެފައެވެ.