ނ. ވެލިދޫގައި ހޯމް ކަރަންޓީނު ފުރިހަމަ ކުރަމުން ދިޔަ މީހަކު އަމިއްލަ އަށް މަރުވެއްޖެ އެވެ.
އެ ރަށު ކައުންސިލުން ބުނީ ދަން ޖެހި މަރުވެފައިވަނީ ކ. ގުރައިދޫ އަށް ނިސްބަތްވާ އުމުރުން 23 އަހަރުގެ މީހެއް ކަމަށެވެ.
"އޭނަގެ ދޮން މަންމަ އަކީ މި ރަށު މީހެެއް. އެކަމަކު އެމީހުން ވެސް އުޅެނީ މިިހާރު ޅ. ނައިފަރު ގައި. ރިސޯޓުން އައިސް 10 ދުވަހުގެ ކަރަންޓީނުގައި ހުރި މީހެއް އެއީ،" ކައުންސިލުގެ ރައީސާ އަސްމާ ހުސައިން ވިދާޅުވި އެވެ.
އަސްމާ ވިދާޅުވީ އޭނާ ވެލިދޫ އަށް ކަރަންޓީނަށް ދިޔައީ މި މަހުގެ އެއްވަނަ ދުވަހު ކަމަށާއި އޭނާގެ ކަރަންޓީނު މުއްދަތު ހަމަވެގެން ސާމްޕަލް ނެގީ ރޭ ކަމަށެވެ. އޭނާ ކަރަންޓީނުގައި ހުރީ މީހުން ނޫޅޭ ގެއެއްގައި އޭނާ އެކަންޏެވެ.
"ސާމްޕަލް ނަގަން ދިޔަ ޓީމަށް ވެސް އެކަހަލަ ކަމެއް ފާހަގަ އެއް ނުކުރެވޭ. އަމިއްލަ އަށް ދަން ޖެހި މަރުވީ ކީއްވެ ކަމެއް ނޭނގެ،" އަސްމާ ވިދާޅުވި އެވެ.
ދަން ޖެހުނު މީހާގެެ ހަށިގަނޑު ބޭގަށް ލައި، އެޗްޕީއޭގެ ލަފަޔާ އެއްގޮތަށް ކޮވިޑުގެ ރައްކާތެރިކަމުގެ ފިޔަވަޅުތަކާ އެކު މިއަދު ވަނީ ވަޅުލައިފަ އެވެ.
އޭނާގެ ކޮވިޑް ސާމްޕަލް ނަތީޖާ މިރޭ ލިބޭނެ ކަމަށް އަސްމާ ވިދާޅުވި އެވެ.