ހާދިކް މެހެތާ ޑައިރެކްޓްކޮށް ދިނޭޝް ވިޖަން ޕްރޮޑިއުސްކުރާ "ރޫހީ"ގެ ޓްރެއިލާ އާންމުންކޮށްފި އެވެ.
ރާޖްކުމާރު ރާއޯ، ޖާންވީ ކަޕޫރު އަދި ވަރުން ޝަރުމާ ލީޑު ރޯލުން ފެނިގެންދާ މި ފިލްމުގެ ޓްރެއިލާއަށް ބޮޑު ތަރުހީބެއް ލިބެމުން އަންނަ އިރު މި ފިލްމަކީ ހޮރޯ ކޮމެޑީ ޖޯންރާއަށް ބިނާކޮށް އުފައްދާފައިވާ ފިލްމެކެވެ. މި ފިލްމުން ފެނިގެންދާނީ އަންހެނެއް ހަނީ މޫނަށް ގޮސް އުޅެނިކޮށް އޭނާގެ ގައި ތެރެއަށް ރޫހެއް ވަދެ ދެން ކަންތައްތައް ވެގެންދާ ގޮތެވެ.
މި ފިލްމަށް އެންމެ ފުރަތަމަ ކީ "ރޫހީ އަފްޒާ"އެވެ. ނަމަވެސް އެ ފިލްމުގެ ނަން އަނެއްކާ ވެސް ބަދަލުކޮށް ނަންދިނީ "ރޫހީ އަފްޒާނާ" ކިޔާފަ އެވެ. ނަމަވެސް އަނެއްކާވެސް މިވަނީ ފިލްމުގެ ނަން ބަދަލުވެފައެވެ. މިފަހަރު ފިލްމަށް ދިން ނަމަކީ "ރޫހީ" އެވެ.
މި ފިލްމަކީ ޖާންވީ، ރާޖްކުމާރާއި ވަރުން އާ އެކު ފެނިގެންދާ ފުރަތަމަ ފިލްމެވެ. މި ފިލްމަކީ މާޗު މަހުގެ 11 ވަނަ ދުވަހު ސިނަމާތަކަށް އަންނަ ފިލްމެކެވެ.