އިންޑިއާގެ މުމްބާއީގެ ފަގީރު ސަރަހައްދުތަކުގައި ދިރިއުޅޭ 50 ޕަސެންޓް މީހުންނަށް ކޮވިޑް ޖެހިފައިވާ ކަމަށް ދިރާސާއަކުން ދައްކައިފި އެވެ.
އިންޑިއާފެ މުމްބާއީގެ ތިން "ސްލަމް" ނުވަތަ އެންމެ ފަގީރު ސަރަހައްދުތަކުގައި ކުރިއަށް ގެންދިޔަ އެ ދިރާސާގައި ބައިވެރިވި ދެބައިކުޅަ އެއްބައި މީހުންނަށް ވުރެ ގިނަ މީހުން ވަނީ ކޮވިޑްގެ އެންޓިބޮޑީޒްއަަށް ޕޮޒިޓިވްވެފަ އެވެ.
ހަތް ހާސް މީހުން ބޭނުންކޮށްގެން އެ ދިރާސާކޮށްފައި ވަނީ މިމަހު އެވެ.
މުމްބާއީގެ ހުޅަނގާއި އިރުމަތި އަދި މެދުތެރޭ ސަރަހައްދުގައި އޮންނަ "ސްލަމް"ތައް ކަމަށްވާ ޗެމްބޫރު، މަޓުންގާ އަދި ދަޝިއާރުގައި 1.5 މިލިއަނެއްހާ މީހުން ދިރުއުޅެ އެވެ. އެ ސަރަހައްދުތަކަކީ ވަރަށް ބައިބޯކޮށް މީހުން ދިރިއުޅެމުންދާ ސަރަަހައްދުތަކެއް ވެސް މެ އެވެ.
އެއާ ހިލާފަށް އެ ނޫން ހިސާބުތަކުގައި ދިރިއުޅޭ މީހުންގެ ތެރެއިން އެންޓިބޮޑީޒްއަށް ޕޮޒިޓިވްވެފައި ވަނީ އެންމެ 16 ޕަސެންޓް މީހުންނެވެ.
މިދިޔަ އަންގާރަ ދުވަހާ ހަމައަށް މުމްބާއީން 110،000 އަށް ވުރެ ގިނަ މީހުންނަށް ކޮވިޑް ޖެހުނު އިރު ބަލީގައި 6817 މީހުން ވަނީ މަރުވެފަ އެވެ.
އެ ދިރާސާކޮށްފައި ވަނީ މުމްބާއީގެ މުނިސިޕަލިޓީ އަދި ސަރުކާރުގެ ތިންކް ޓޭންކް ނިތީ އާޔޮގް އަދި ޓާޓާ އިންސްޓްޓިއުޓް އޮފް ފަންޑަމެންޓަލް ރިސާޗުންނެވެ.
އެ ދިރާސާއާ ގުޅޭ ގޮތުން ބީބީސީއަށް މައުލޫމާތުދިން ސައިންޓިސްޓުން ވިދާޅުވީ "ސްލަމް"ތަކުގައި ކޮރޯނާ ވައިރަސް ފެތުރިފައި ވަނީ ކުރިން ލަފާކުރި ވަރަށްވުރެ ވެސް ބޮޑުކޮށް ކަމަށެެވެ.-- ބީބީސީ--