ހއ. އަތޮޅު ކައުންސިލްގެ ނައިބް ރައީސް އަލީ ޝަމީމްގެ ސައިކަލްގައި އަލިފާން ރޯކޮށް ބޭނުން ނުކުރެވޭވަރު ކޮށްލައިފި އެވެ.
އަލީ ޝަމީމް "ސަން" އަށް ވިދާޅުވީ، ސައިކަލްގައި ރޯކޮށްލާފައިވަނީ މިދިޔަ ހޮނިހިރު ދުވަހުގެ ދަންވަރު ކަމަށާއި އޭނާއަށް ފެނުނީ އިރުއަރަން ވެފައި ހުއްޓާ ކަމަށެވެ.
"ހެނދުނު ހައެއް ޖަހަން އުޅެނިކޮށް އަޅުގަނޑު ބޭރަށް ނިކުތް އިރު ސައިކަލް އޮތީ އަނދާހުލިވެފައި. ކައިރީގައި އިން ބައްޕަގެ ބައިސްކަލް ވެސް ވަނީ ރޯވެފައި. ބޮޑު އަނބު ގަހަކާއި ގުރާ ކޮށްޓެކަށް ވެސް ވަނީ އަލިފާނުގެ އަސަރުކޮށް ގެއްލުންތަކެއް ލިބިފައި،" އަލީ ޝަމީމް ވިދާޅުވި އެވެ.
މީގެ ކުރިން އެފަދަ އިންޒާރެއް ލިބިފައި ނެތް ނަމަވެސް އެކަން ކޮށްފައިވާ ކަމަށް ތުހުމަތު ކުރެވެނީ އޭނާއާ ޒާތީ ހަސަނދަވެރިކަމެއް އޮތް މީހެއް ކަން ޝަމީމް ފާހަގަކުރެއްވި އެވެ. އަދި އެއީ އޭނާ ދިރިއުޅެމުންދާ ހއ. ބާރަށަށް، ފުޅާ ދާއިރާއެއްގައި މަސްތުވާތަކެތި އެތެރެ ކުރުމުގައި އިސްކޮށް އުޅޭ މީހެއް ކަމަށް ވެސް ވިދާޅުވި އެވެ.
އެ މައްސަލަ ތަހުގީގު ކުރަމުން އަންނަ ކަމަށް ފުލުހުން މިއަދު ވަނީ ބުނެފަ އެވެ.