ނިއު ޒިލޭންޑްގެ ދެ މިސްކިތަކަށް ހުކުރު ވަގުތު ދިން ހަމަލާ ދިވެހި ސަރުކާރުން ކުއްވެރިކޮށްފި އެވެ.
ދިވެހިން ގިނަ އަދަދަކަށް ދިރިއުޅެމުންދާ ނިއު ޒިލޭންގްގެ ކްރިސްޓް ޗާޗްގައި ހުންނަ މި ދެ މިސްކިތަށް ދިން ހަމަލާގައި މިހާތަނަށް 49 މީހަކު މަރުވެ، 20 އަށް ވުރެ ގިނަ މީހަކަށް ވަނީ އަނިޔާ ވެފައެވެ.
މި ހާދިސާގައި އެއްވެސް ދިވެއްސަކަށް އަނިޔާ ލިބިފައި ނުވާކަމަށް ފޮރިން މިނިސްޓްރީން ބުނެއެވެ.
މި ހަމަލާ ކުއްވެރިކޮށް ރައީސް އިބްރާހިމް މުހައްމަދު ސޯލިހާ ފޮރިން މިނިސްޓަރު އަބްދުﷲ ޝާހިދު ވަނީ ޓްވީޓް ކުރައްވާފައެވެ.
ހަމަލާ ކުއްވެރިކޮށް ރައީސް ސޯލިހު ކުރެއްވި ޓްވީޓެއްގައި ވިދާޅުވީ، ހަމަލާގައި ޝީކާރަކައަކަށްވި ފަރާތްތަކަށް ހެޔޮ ދުއާ ކުރާ ކަމަށާއި ތަހުޒީބު ވެފައިވާ މުޖްތަމައުއެއްގައި ޓެރަރިޒަމްއަށް އެެއްވެސް ޖާގައެއް ނެތް ކަމަށެވެ.
Our thoughts and prayers are with the victims, their loved ones and the entire New Zealand community following the horrific mosque shootings in Christchurch today. Terrorism and bigotry have no place in civilized society and I condemn this cowardly act in the strongest of terms.
— Ibrahim Mohamed Solih (@ibusolih) March 15, 2019
އަބްދުﷲ ޝާހިދު ކުރެއްވި ޓްވިޓް ގައި ވިދާޅުވީ، ޓްރަރިސްޓް އެ އަމަލު އެންމެ ހަރުކަށީ އިބާރާތުން ކުއްވެރި ކުރާ ކަމަށާއި ހަމަލާގެ ޝިކާރަކަށްވި ފަރާތްތަކާއި އައިލާއަށް ހެޔޮ ދުއާ ކުރާ ކަމަށެވެ.
Shocked and deeply saddened by the news of #ChristchurchMosqueAttack. Condemn these evil acts of terrorism against innocent people in strongest terms. Thoughts and prayers are with the victims and loved ones of those who have been killed and injured. @MFATgovtNZ @winstonpeters
— Abdulla Shahid ???? (@abdulla_shahid) March 15, 2019
މި ހަމަލާ ކުރީގެ ރައިސް މައުމޫން އަބްދުލް ގައްޔޫމް އާއި ކުރީގެ ރައީސް މުހައްމަދު ނަޝީދުވެސް ވަނީ ކުުއްވެރި ކުރައްވާފައެވެ.
މި ހަމަލާއާ ގުޅިގެން ނިއުޒިލޭންޑްގެ ބޮޑު ވަޒީރު ޖެސިންޑާ އާޑާން، ނޫސްވެރިނާ ބައްދަލުކޮށް ވިދާޅުވީ، މިއީ ދުރާލާ ރާވައިގެން ދިން "ޓެރަރިސްޓް ހަމަލާ" އެއް ކަމަށެވެ.
މިއަދަކީ އަދި މިއަދު ވެގެން ދަނީ މިގައުމުގެ ތާރީހުގައިވެސް އެންމެ ކަޅު އަދިރި އެއް ދުވަހަށް،" ކަންބޮޑުވެ ހުންނަވާ ނޫސްވެރިންނާ ބައްދަލުކޮށް ބޮޑު ވަޒީރު ވިދާޅުވިއެވެ.
މި ހަމަލާ ބޭރުގެ ގައުމުތަކާއި ޖަމިއްޔާ ޖަމާއަތްތަކުން ވެސް ދަނީ ކުއްވެރި ކުރަމުންނެވެ.