ތ. މަޑިފުށި އަދި ކަނޑޫދޫގައި ކްލާސްރޫމްތަކެެއް އެޅުމަަށް މިއަދު ދެ ކުންފުންޏަކާ އެޑިއުކޭޝަން މިނިސްޓްރީން ހަވާލުކޮށްފިއެވެ.
މަޑިފުށީ ސްކޫލުގައި ކްލާސްރޫމްތައް އެޅުމަށް ހަވާލުކޮށްފައިވަނީ ޓީމް 3ބީއާއެވެ. އަދި މަޑިފުށީގައި ސްކޫލު އެޅުމަށް ހަވާލުކޮށްފައިވަނީ ޓްރައިސް މޯލްޑިވްސް ޕްރައިވެޓް ލިމިޓެޑްއާއެެވެ.
އެޑިއުކޭޝަން މިނިސްޓްރީގައި މިއަދު މެންދުރު ބޭއްވި ރަސްމިއްޔާތުގައި މިނިސްޓްރީގެ ފަރާތުން އެ ދެ އެއްބަސްވުމުގައި ސޮއިކުރެއްވީ ސީނިއާ ޕޮލިސީ އެކްޒިކިއުޓިވް އިބްރާހީމް އިސްމާއިލް އަލީއެވެ.
ކަނޑޫދޫ ސްކޫލުގެ އެއްބަސްވުމުގައި ޓީމް 3ބީގެ މެނޭޖިން ޑިރެކްޓަރު މުހައްމަދު މިރުޒާ ސޮއިކުރެއްވިއިރު މަޑިފުށީ ސްކޫލުގެ އެއްބަސްވުމުގައި ސޮއި ކުރެއްވީ ޓްރައިސް މޯލްޑިވްސް މެނޭޖިން ޑިރެކްޓަރުއ އަލީ ވަހީދެވެ.
އެއްބަސްވުމުގެ ދަށުން ކަނޑޫދޫ ސްކޫލުގައި ތިން ކްލާސްރޫމްގެ އިމާރާތެއް އެޅުމަށް ވަނީ ސޮއިކޮށްފައެވެ. އަދި މަޑިފުށީ ސްކޫލުގައި ދެ ކްލާސްރޫމަކާ އޮފީސް އިމާރާތެއް އެޅުމަށް ވަނީ ސޮއިކޮށްފައެވެ.
ކަނޑޫދޫ ސްކޫލުގެ މަސައްކަތް 1720111 ރުފިޔާ އަށް ހަވާލުކޮށްފައިވާއިރު އެ މަސައްކަތް 87 ދުވަސްތެރޭ ނިންމާގޮތަށް ވަނީ ހަމަޖައްސައިފައެވެ. އަދި މަޑިފުށީ ސްކޫލުގެ މަސައްކަތް 2285329.39 އަށް ހަވާކޮށްފައިވާއިރު، އެ މަސައްކަތް ހަތަރު މަސްދުވަސް ތެރޭ ނިންމާގޮތަށް ވަނީ ނިންމައިފައެވެ.