ރީތި ބީޗް ރިޒޯޓުގެ ދޯންޏެއްގައި އަލިފާނުގެ ހާދިސާއެއް ހިނގައި އެ ދޯންޏަށް ބޮޑެތި ގެއްލުންތަކެއް ލިބިފައި ވާކަމަށް އެމްއެންޑީއެފުން ބުނެފިއެވެ.
އެމްއެންޑީއެފްގެ ތަރުޖަމާނު، ކެޕްޓަން އިބްރާހީމް އާޒިމް ވިދާޅުވީ، ކޮކޯ ބޮޑު ހިތި ރިޒޯޓުގެ ހަ މޭލު ބޭރުގައި އޮތް ރީތި ބީޗްގެ ދޯންޏެއްގައި އަލިފާން ރޯވި ކަމުގެ މައުލޫމާތު ލިބުމާއެކު އެމްއެންޑީއެފްގެ ފަޔާ އެންޑް ރެސްކިއު ޓީމެއް ދޯނި އޮތް ހިސާބުގައި ހަރަކާތްތެރިވަމުންދާ ކަމަށެވެ.
އަލިފާނުގެ ހާދިސާ ހިނގި ދޯނީގައި ތިބީ، ތިން ދިވެހިންނާއި ބިދޭސީއެއް ކަމަށާއި، މިހާރު ދޯނީގައި ރޯވި އަލިފާން ކޮންޓްރޯލްކުރެވިފައިވާ ކަމަށް ކެޕްޓަން އާޒިމް ވިދާޅުވިއެވެ.
ރީތި ބީޗް ރިޒޯޓުގެ ދޯންޏެއްގައި އަލިފާން ރޯވެ އަދަނީ--- ފޮޓޯ/ އެމްއެންޑީއެފް
އަލިފާނުގެ ހާދިސާގައި އެއްވެސް މީހަކަށް ގެއްލުމެއް ލިބިފައިވާ ކަމުގެ މައުލޫމާތެއް މިހާތަނަކަށް ލިބިފައެއް ނުވެއެވެ. އަދި އެ ދޯންޏަށް ލިބުނު ގެއްލުމުގެ ފުރިހަމަ ތަފްސީލެއްވެސް ނުލިބެއެވެ.