ކެނެޑާގެ މަޝްހޫރު ޕޮޕް ލަވަކިޔުންތެރިޔާ ޖަސްޓިން ބީބާ އޭނާގެ މަންމަ ޕެޓީ މެލެޓްއާއެކު ރާއްޖޭގައި ޗުއްޓީ ހޭދަކުރަމުން އެބަދެއެވެ.
ބީބާ އޭނާގެ މަންމައާއެކު ޗުއްޓީ ހޭދަކުރަމުން ދަނީ ރާއްޖޭގެ ރީތި ރިސޯޓެއް ކަމަށްވާ ފޯ ސީޒަންސްގެ ލަނޑާގިރާވަރު ރިސޯޓުގައެވެ.
ބީބާގެ މަންމަ އިއްޔެ އިންސްޓަގްރާމަށް ޕޯސްޓުކުރި ފޮޓޯއާއެކު އޭނާ ދިން މެސެޖެއްގައި ބުނެފައިވަނީ މަންމަގެ އެދުމުގެ މަތިން ބީބާއަށް އައި ކުއްލި ބަދަލާ މެދު އުފާވާ ކަމަށެވެ. ބީބާއާ މެދު ފަހުރުވެރިވާ ކަމަށް ވެސް އޭނާގެ މަންމަ ބުނެފައިވެއެވެ.
ބީބާ ބުނީ ރާއްޖެއަކީ ވަރަށް ހިތްގައިމު ތަނެއް ކަމަށާއި އަބަދުވެސް އޭނާ ރާއްޖޭގައި ވަގުތު ހޭދަކުރަން ބޭނުންވާ ކަމަށެވެ. ރާއްޖެއަކީ ވަރަށް ރީތި ގޮނޑުދޮށެއް ލިބިފައިވާ ގައުމެއްކަން ވެސް އޭނާ ވަނީ ބުނެފައެވެ.
(ވޯގް)