ޕީސް ފައުންޑޭޝަނުން މިއަހަރުގެ ޖުލައި މަހު އިފްތިތާހުކުރި ދަ ލެގަސީ ދަރުހުގައި ބައިވެރިވެވަޑައިގެން ތަގުރީރު ކުރެއްވުމަށް މިހާރު ރާއްޖެ ވަޑައިގެން އުޅުއްވާ ދުނިޔޭގެ މަޝްހޫރު ދީނީ އިލްމްވެރިޔާ މެލޭޝިއާގެ އައްޝައިޚް ހުސައިން ޔީ ގެ ހާއްސަ ދަރުހެއް މިރޭ ވިލިމާލޭގައި ބާއްވާގޮތައް ހަމަޖައްސައިފިއެވެ.
ޕީސް ފައުންޑޭޝަނުން ބުނީ، ޝެއިހް ޔީ ދެއްވާ ހާއްސަ ދަރުސް އޮންނާނީ މިރޭ އިޝާނަމާދަށްފަހު ވިލިމާލެ މަސްޖިދުލް އިހްލާސްގައި ކަމަށެވެ. މައުޟޫއަކަށް ހަމަޖައްސާފައިވަނީ ނަމާދުގެ މުހިންމު ކަމެވެ.
ރޭވެސް ވަނީ ޝައިޚް ޔީގެ ދަރުހެއް މާލޭގައި ބާއްވާފައެވެ. އެ ދަރުހުގައި އިސްލާމްދީނާއި ދީނުގެ މުހިއްމު އުސޫލުތަކުގެ މައްޗަށް ޝައިހްވަނީ ވާހަކަފުޅު ދައްކަވާފައެވެ.
ޝައިހް ޔީގެ ދަރުހެއް މިރޭ ވިލިމާލޭގައި ބާއްވާއިރު ޒުވާނުންނަށް އަމާޒުކޮށްގެން ތަފާތު ދީނީ ވޯކްޝޮޕްތައް ވެސް ޝައިޚްގެ ދަތުރުފުޅުގެ ތެރޭގައި ވަނީ ކުރިއަށްގެންގޮސްފައެވެ.
ދަ ލެގަސީ ސިލްސިލާގެ ފުރަތަމަ ދަރުސް ޖުލައި މަހު ބޭއްވި އިރު، އެ ދަރުސްގައި ތަގްރީރު ކުރެއްވީ ޑރ. ބިލާލް ފިލިޕްސްއެވެ.