އާ އަހަރު ފާހަގަކުރުމަށް މިމަހުގެ 31 ވަނަ ދުވަހުގެރޭ ބާއްވާ ޝޯއަށް ބޮލީވުޑްގެ ތަރި ބިޕާޝާ ބާސޫ އާއި ކަރަން ސިންގް ގްރޯވާ ގެންނަ ގޮތަށް ހަމަޖެހިއްޖެއެވެ.
މި ޝޯގައި ބިޕާޝާއާއި ކަރަންގެ ނެށުމުގެ ހަރަކާތްތައްވެސް ފެނިގެންދާނެއެވެ.
އެމްއައިޓީޑީސީއާއި ޓުއަރިޒަމް މިނިސްޓްރީ ގުޅިގެން ބާއްވާ އާ އަހަރުގެ ޝޯގައި ބޮލީވުޑްގެ މަޝްހޫރު ލަވަކިޔުންތެރިން ކަމަށްވާ މީކާ ސިންގްއާއި ރާހަތް އަލީ ޚާންވެސް ބައިވެރިވާނެއެވެ.
އާ އަހަރުގެ ޝޯގައި އިތުރު ލަވަކިޔުންތެރިންނާއި ނެށުންތެރިންވެސް ފެނިގެންދާނެއެވެ. އެރޭ ހަވާ އެރުވުންވެސް އޮންނާނެއެވެ. ޝޯއަށް ހިލޭ ވަދެވޭނެއެވެ.
މީގެ ކުރިންވެސް ބިޕާޝާއާއި ކަރަން ވަނީ ރާއްޖެ އައިސްފައެވެ. އެއީ އެމީހުންގެ ހަނީމޫންއަށެވެ. މީގެ އިތުރުން މިނިވަން 50ގެ ޝޯގައި ބަައިވެރިވުމަށްވެސް އެ ދެތަރިން ވަނީ ރާއްޖެ އައިސްފައެވެ.