އެމެރިކާގެ ރައީސް ޑޮނަލްޑް ޓްރަމްޕް އަކީ ޓްވިޓާގައި ވަރަށް ހަރަކާތްތެރި ބޭފުޅެކެވެ. ކުރައްވާ ޓްރީޓްތަކުން ބައެއްފަހަރު ފާޑުކިޔުންތައް ވެސް އަމާޒުވެ އެވެ.
މިފަހަރު ވެސް ޓްރަމްޕަށް މިވަނީ އެކަހަލަ ކަމެއް ދިމާވެފަ އެވެ. އިނގިރޭސި ވިލާތުގެ ކަނާތު ފިޔައިގެ އެކްޓިވިސްޓަކު ކުރި ޓްވީޓްތަކަކާ ގުޅުވައިގެން ޓްރަމްޕް ކުރެއްވި ޓްވީޓަކާ އެކު އެމަނިކުފާނަށް ވަނީ ފާޑުކިޔުންތައް ވެސް އަމާޒުވެފަ އެވެ.
"ބްރިޓައިން ފަސްޓް" ކިޔާ އެންޓި އިސްލާމިކް ނެޓްވޯކަކަށް ނިސްބަތްވާ ޖައިދާ ފްރެންސެން އަކީ އާންމުކޮށް މުސްލިމުންނަށް ނިސްބަތްވާގޮތަށް ޓްވީޓް ކުރާ މީހެކެވެ. އޭނާ އަކީ މުސްލިމުންނަށް ހަޖޫ ޖެހުމުގެ ސަބަބުން ކޯޓުން ހުކުމެއް ވެސް ކޮށްފައިވާ މީހެކެވެ.
ޖައިދާ ޕޯސްޓް ކޮށްފައިވާ ޓްވީޓްތަކެއް ޓްރަމްޕް ވަނީ ޓްވީޓްކޮށްފަ އެވެ. އެ ޓްވީޓްތަކުގައިވާ ވީޑިއޯތަކުން ފެންނަނީ މުސްލިމުން މީހުންނާއި ތަންތަނަށް އަނިޔާކޮށް، ގެއްލުންދޭ މަންޒަރު ކަމަށް އޭނާ ވަނީ ލިޔެފަ އެވެ.
އެ ޓްވީޓްތައް ޓްރަމްޕް ރީޓްވީޓް ކުރުމުން ގިނަ ބައެއްގެ ފާޑުކިޔުންތައް ވަނީ އަމާޒުވެފަ އެވެ.
ޓްރަމްޕް ވަނީ އިނގިރޭސި ބޮޑުވަޒީރު ތެރީސާ މޭ އަށް އަމާޒުކޮށް ވެސް ޓްވީޓެއް ކުރައްވައިފަ އެވެ. އެގޮތުން މުސްލިމުންނަށް އަމާޒުވާ ގޮންޖެހުންތައް ނައްތާލުމަށް ތެރީސާ ކުރައްމާ މަސައްކަތްތަކަށް ޓްރަމްޕް ވަނީ ފާޑުވިދާޅުވެފަ އެވެ. އަދި އިނގިރޭސި ވިލާތުގައި މުސްލިމު ޓެރަރިސްޓުން އުޅޭ ކަމަށާއި ޓްރަމްޕް އަށް ޕޯކަސް ނުކޮށް އެ މައްސަލައަށް ފޯކަސް ކުރުމަށް ވިދާޅުވެ ޓްރަމްޕް ވަނީ ޓްވީޓެއް ކުރައްވައިފަ އެވެ.
ޓްރަމްޕް އަކީ މުސްލިމުންނާ ދެކޮޅަށް ފެށުނީއްސުރެ މަސައްކަތް ކުރައްވާ ވެރިއެކެވެ. އެކަމާ ގުޅިގެން ގިނަ ބައެއްގެ ނުރުހުން އެމަނިކުފާނަށް އަމާޒުވެ އެވެ.