އަށްޑިހަ ހަތަރު ކުޅުންތެރިންނާއެކު ފަސްވަނަ މެރީ ބްރައުން ޓެނިސް ޗެމްޕިއަންޝިޕް ފަށައިފިއެވެ.
ޓެނިސް އެސޯސިއޭޝަން އޮފް މޯލްޑިވްސްއިން އިންތިޒާމްކޮށްގެން ކުރިއަށްގެންދާ އެ މުބާރާތް ފެށިގެން ދިޔައީ އިއްޔެ ހަވީރު ނޭޝަނަލް ޓެނިސް ސެންޓަރުގައެވެ.
މެރީ ބްރުއުންގެ އެހީތެރިކަމާއެކު ކޮންމެ އަހަރު ވެސް ކުރިއަށްގެންދާ އެ މުބާރާތުގައި މިއަހަރު އެކި އުމުރުފުރާތަކުން ޖުމްލަ 84 ކުޅުންތެރިން ވާދަކުރާނެއެވެ. އެއީ 47 ފިރިހެން ކުޅުންތެރިންނާއި 37 އަންހެން ކުޅުންތެރިންނެވެ.
ފަސްވަނަ މެރީ ބްރައުން ޓެނިސް ޗެމްޕިއަންޝިޕްގެ ތެރެއިން: އެ މުބާރާތުގައި 47 ފިރިހެން ކުޅުންތެރިންނާއި 37 އަންހެން ކުޅުންތެރިން ވާދަކުރާނެ --- ފޮޓޯ/ ޓެނިސް އެސޯސިއޭޝަން
މެރީ ބްރައުން ޓެނިސް ޗެމްޕިއަންޝިޕްގައި ފިރިހެން އަދި ފިރިހެން އޯޕަން ސިންގަލްސް އާއި ޑަބަލްސް އިވެންޓްތައް ކުރިއަށް ގެންދިއުމަށް ހަމަޖެހިފައިވާއިރު، މިކްސް ޑަބަލްސް އިވެންޓު ވެސް ކުރިއަށް ގެންދިއުމަށް ހަމަޖެހިފައިވެއެވެ.
އެ މުބާރާތް އިއްޔެއިން ފެށިގެން މި މަހުގެ 26 ވަނަ ދުވަހުގެ ނިޔަލަށް ކުރިއަށްދާނެއެވެ.