ކަނޑުގައި އޮޔާ ދަމުންދިޔަ ދެ އެތް ލަންކާގެ ކަނޑުގެ ސިފައިން ސަލާމަތް ކޮށްފިައވެ. ލަންކާ ސިފައިން ވަނީ މިމަހުވެސް އޮޔާދަމުންދިޔަ އެތެއް ސަލާމަތްކޮށްފައެވެ.
އެހާދިސާގައި އެތްތައް އައްސޭރިއަށް ގެންގޮސްފައިވަނީ ޑައިވަރުންނާއި ، ބޯޓާއި ވާ ބޭނުންކޮށްގެންނެވެ.
ބާރަ ގަޑިއިރަށް ދެމިގެންދިޔަ ރެސްކިއު އޮޕަރޭޝަންއަށް ފަހު ސިފައިން ވަނީ އެތްތައް ޖަންގަށްޔަށް ދޫކޮށްލައިފައެވެ. އެހާދިސާގައި އެ ދެއެތައް އެއްވެސް ގެއްލުމެއް ނުލިބެއެވެ.
ސިފައިން ބުނިގޮތުގައި ބޮޑަށް ލަފާކުރެވެނީ އެއެތްތައް މޫދުގެ ތިލަ ހިސާބެއްގައި އުޅެނިކޮށް ފުން ހިސާބަކަށް އޮޅިގެން ދެވުނީ ކަމަށެވެ.
ސްރީލަންކާގައި އެތަކީ އެމީހުންގެ ސަގާފަތާ ވަރަށް ބޮޑަށް ގުޅިފައިވާ ޖަނަވާރެކެވެ.އެހެންނަމަވެސް މީހުން ދިރިއުޅުމަށާއި ދަނޑުވެރިކަމުގައި ބޭނުންކުރުމަށް ޓަކައި ގަސްތައް ކެނޑުމުގެ ސަބަބުން އެތުގެ އާބާދީ ވަނީ ވަރަށް ބޮޑަށް މަދުވެފައެވެ. އެގޮތުން އެތުގެ އާބާދީ ވަނީ 65 ޕަސެންޓަށް ދަށަށް ގޮސްފައެވެ. ވާރލްޑް ވައިލްޑް ލައިފް ފަންޑުން އަންދާޒާ ކުރާގޮތުގައި ސްރީލަންކާގެ އެތުގެ އާބާދީ މިހާރު އުޅެނީ 2500 އާ 4000 ދެމެދު އެވެ.
Sri Lanka navy uses divers and flotilla of ships to rescue two wild elephants who had washed out to sea pic.twitter.com/SeguN4ZXr0
— AFP news agency (@AFP) July 24, 2017