ބޮލީވުޑް އެކްޓަރު ސަނީ ލިއޯނީ އާއި އޭނާގެ ފިރިމީހާ ޑޭނިއަލް ވެބާ، ކުޑަ އަންހެން ކުއްޖަކު އެޑޮޕްޓުކޮށްފި އެވެ.
ސަނީ އާއި ޑޭނިއަލް އެޑޮޕްޓުކޮށްފައި ވަނީ، މަހާރާޝްތުރަ ސްޓޭޓުގެ ލާތޫރު އަވަށަށް ނިސްބަތްވާ އުމުރުން ދެ އަހަރުގެ ކުއްޖެކެވެ. އެކުއްޖާއަށް ދީފައިވާ ނަމަކީ ނިޝާ ކޯރް ވެބާ އެވެ.
ސަނީގެ ދެމަފިރިން ކުއްޖަކު އެޑޮޕްޓުކޮށްފައި މިވަނީ ސަނީ ބަނޑުބޮޑުކަމަށް ބުނެ ދެކެވެމުން ދިޔަ ވާހަކަތައް އޭނާ ދޮގުކޮށްފައި ވަނިކޮށެވެ.
ޚަބަރުތައް ބުނާގޮތުން ނިޝާ އެޑޮޕްޓު ކުރި ފަހުން މިހާރު ހަފްތާއެއްހާ ދުވަސް ވެދާނެ އެވެ. ނިޝާ މިހާރު ދިރިއުޅެމުން އަންނަނީ އެ ދެމަފިރިންނާއި އެކު އެވެ.
ފުރަތަމަ ދަރިފުޅާ ގުޅޭގޮތުން ވާހަކަ ދައްކަމުން ސަނީ ބުނީ، ނިޝާ ހިނިތުންވެލުމާ އެކު އޭނާގެ ހިތް އުފަލުން ފުރޭ ކަމަށާއި، އޭނާ ބޭނުންވަނީ ދަރިފުޅު ބޮޑުވެގެން ކާމިޔާބު އަންހެނަކަށް ވުން ކަމަށެވެ.