މިހާރު ކުރިއަށްދާ ވެޓަރަންސް ކަޕްގެ ދެވަނަ ސެމީފައިނަލްގައި، ވެލެންސިއާއިން ދިވެހި ސިފައިންގެ ކުލަބުގެ މައްޗަށް ކުރި ހޯދައިފިއެވެ.
އިއްޔެ ހަވީރު ޓާފް ދަނޑުގައި ކުޅުނު އެ މެޗުގައި ވެލެންސިއާއިން ސިފައިން ބަލިކުރީ 1-0 ގެ ނަތީޖާއަކުންނެވެ.
ވެޓަރަންސް މުބާރާތުގެ އެންމެ ކާމިޔާބު ކުލަބް ވެލެންސިއާއަށް އިއްޔެގެ މެޗުގައި ކުރި ހޯދައިދިނީ އެޓީމުގެ އަބްދުﷲ ޝާހިދުއެވެ.
އިއްޔެގެ މެޗުގެ މޮޅު ކުޅުންތެރިިއާއަކީ އަބްދުﷲ ޝިފާއުއެވެ.
ސިފައިން އަތުން ހޯދި މޮޅާއެކު ވެލެންސިއާ ދެން ޖެހޭނީ އެ މުބާރާތުގެ ފުރަތަމަ ސެމީން ބަލިވި މިދިޔަ އަހަރުގެ އެއްވަނަ ނިއުރޭޑިއަންޓާ ދެކޮޅަށް ކުޅެ ފައިނަލުން ޖާގައެއް ކަށަވަރު ކުރާށެވެ.
އެ މުބާރާތުގެ ފުރަތަމަ މެޗުގައި މި ދެ ޓީމް ބައްދަލުކޮށްފައިވާއިރު އެ މެޗުން ކުރި ލިބުނީ ވެލެންސިއާއަށެވެ.
މުބާރާތުގެ ތިންވަނަ ސެމީގައި ނިއު އަދި ވެލެންސިއާ ވާދަކުރާއިރު އެތަނުން މޮޅުވާ ޓީމެއް ފައިނަލްގައި ބައްދަލުކުރާނީ މާޒިޔާއާއެވެ. މާޒިޔާ ފައިނަލުން ޖާގައެއް ކަށަވަރު ކުރީ ސެމީގައި ނިއު ބަލިކޮށްގެންނެވެ.