ރާއްޖޭގެ ޓްރެވަލް އިންޑަސްޓްރީއަށް ޚައްސަކޮށްގެން ހައިރައިޒުން ބާއްވާ ވެކޭޝަންސް އެކްސްޕޯގެ ޓައިޓަލް ސްޕޮންސަރަކަށް އިނަރ މޯލްޑިވްސް ހޮލިޑޭޒް ހަމަޖައްސައިފިއެވެ. ހައިރައިޒުން ވެކޭޝަންސް އެކްސްޕޯއެއް އެންމެ ފުރަތަމަ ބޭއްވީ މިދިޔަ އަހަރުއެވެ. މިދިޔަ އަހަރުގެ އެކްސްޕޯގެ ޓައިޓަލް ސްޕޮންސަރަކީވެސް އިނަރ މޯލްޑިވްސްއެވެ.
އުނިމާ ގްރޭންޑް ގެސްޓްހައުސްގައި މިއަދު ބޭއްވި ރަސްމިއްޔާތެއްގައި ހައިރައިޒުން ވަނީ، އަންނަ މަހު ބާއްވާ ވެކޭޝަންސް އެކްސްޕޯގެ ސްޕޮންސަރުންނާއި ޕާޓްނަރުންނާ އެކު ސޮއިކޮށްފައެވެ.
މެއިން ސްޕޮންސަރެއްގެ ގޮތުގައި އިނަރ މޯލްޑިވްސް ހޮލިޑޭޒް ހަމަޖެހިގެން ދިޔަ އިރު، އެކަމުގެ އެއްބަސްވުމުގައި ސޮއިކުރެއްވީ ހައިރައިޒްގެ މެނޭޖިންގް ޑިރެކްޓަރު އިސްމާއިލް ޝިފްރާޒާއި، އިނަރ މޯލްޑިވްސްގެ މެނޭޖިންގް ޑިރެކްޓަރު މުހައްމަދު ފިރާގެވެ.
ހައިރައިޒް ވެކޭޝަންސް އެކްސްޕޯގެ ޕާޓްނަރުންނާ އެކު ސޮއިކުރުން --- ސަން ފޮޓޯ/ ފަޔާޒު މޫސާ
ވެކޭޝަންސް އެކްސްޕޯގެ އެސޯސިއޭޓް ޕާޓްނަރަކަށް ހަމަޖެހިގެން ދިޔައީ އެމްވީ ހޮޓެލްސްއެވެ.
ވެކޭޝަންސް އެކްސްޕޯގެ ޓްރެވަލް އިންޝުއަރަންސް ޕާޓްނަރަކަށް އަމާނާ ތަކާފުލް މޯލްޑިވްސް ހަމަޖެހިގެން ދިޔަ އިރު، ޓެލެކޮމް ޕާޓްނަރަކަށް ހަމަޖެއްސީ އުރީދޫ މޯލްޑިވްސްއެވެ. މީގެ އިތުރުން ސެކިއުރިޓީ ޕާޓްނަރަކަށް އެބްސޮލިއުޓް ސެކިއުރިޓީ އެންޑް އެޑްވާންސް ޕްރޮޓެކްޝަން، ސެޓްއަޕް ޕާޓްނަރަކަށް އަސަރީ ސާވިސެސް، ޕްރިންޓިންގް ޕާޓްނަރަކާށް އެމް7 ޕްރިންޓް، އަދި ހޮސްޕިޓެލިޓީ ޕާޓްނަރަކާށް އުނިމާ ގްރޭންޑް ވަނީ ހަމަޖައްސައިފައެވެ.
މީޑިއާ ޕާޓްނަރުންގެ ގޮތުގައި ހަމަޖެހިފައިވަނީ މިހާރު ނޫސް، ޕީއެސްއެމްގެ ޓީވީއެމް، ދަ އައިލެންޑް ޗީފް އަދި މޯލްޑިވްސް އިންސައިޑަރެވެ.
ހައިރައިޒް ވެކޭޝަންސް އެކްސްޕޯގެ ޕާޓްނަރުންނާ އެކު ސޮއިކުރުން --- ސަން ފޮޓޯ/ ފަޔާޒު މޫސާ
އަންނަ މަހު ބާއްވާ ވެކޭޝަންސް އެކްސްޕޯއަށް މަޓާޓޯއާއި އެމްއެމްޕީއާރުސީން އެންޑޯޒްމަންޓް ދީފައިވާ އިރު، ތައިލެންޑުގެ ޓޫރިޒަމް އޮތޯރިޓީން އެކްސްޕޯގައި ބައިވެރިވެއެވެ.
މިއަހަރުގެ ވެކޭޝަންސް އެކްސްޕޯގައި ބައިވެރިވާ ފަރާތްތަކުގެ ތެރޭގައި ރާއްޖޭގެ ބައެއް ހައްޖު ޖަމަޢަތްތަކާއި، ގެސްޓްހައުސްތަކާއި، ރާއްޖެއާއި ރާއްޖެއިން ބޭރުގެ ޓުއާ އޮޕަރޭޓަރުންނާއި ޓޫރިޒަމް ބްރޭންޑްތަކުން ބައިވެރިވެއެވެ.
މީގެ އިތުރުން ދިވެހީންގެ މެދުގައި މެޑިކަލް ޓޫރިޒަމްގެ ބޮޑެތި ބްރޭންޑްތަކެއްވެސް ބައިވެރިވެއެވެ.