ފައިސާތަކެއް ފޭރުނު މައްސަލައެއްގައި އަންހެނަކާއި ފިރިހެނަކު ހައްޔަރުކޮށްފި

ފައިސާތަކެއް ފޭރުނު މައްސަލައެއްގައި އަންހެނަކާއި ފިރިހެނަކު ހައްޔަރުކޮށްފި އެވެ.

ފުލުހުން ބުނީ ރޭ މެންދަމު 1:46 ހާއިރު މީހެއްގެ އަތުން ފައިސާ ފޭރުނު މައްސަލައަކާ ގުޅިގެން ހައްޔަރުކޮށްފައި ވަނީ 24 އަހަރުގެ ފިރިހެނަކާއި 21 އަހަރުގެ އަންހެނެއް ކަމަށެވެ.

އެ މީހާގެ އަތުން ވަނީ 3،500 ރުފިޔާ ފޭރިގެންފަ އެވެ.

ފޭރުމުގެ އެ މައްސަލައާ ގުޅޭ ތަފްސީލެއް ފުލުހުން ހާމައެއް ނުކުރެ އެވެ.

މީހެއްގެ އަތުން ރޭ ފޭރިފައިވާއިރު، މި މަހުގެ ހަތް ވަނަ ދުވަހުގެ ރޭ ވަނީ ކަރުގައި ކަޓަރު ޖެއްސުމަށްފަހު އަންހެން ކުއްޖެއްގެ އަތުން ފޯނަކާއި ލެޕްޓޮޕެއް ފޭރިގަނެފަ އެވެ. އަދި ފިރިހެން ކުއްޖާގެ ފޯނާއި ވޮލެޓު ވެސް ފޭރިގަނެގެން ގެންގޮސްފަ އެވެ.